اقتٶبەدە جاستار ٸسٸ جٶنٸندەگٸ كەڭەستٸڭ وتىرىسى ٶتتٸ. ٶڭٸر باسشىسى بەردٸبەك ساپارباەۆ قىزدار اراسىنداعى تٶبەلەس پەن قىزداردىڭ جٸگٸتتەردٸ ساباۋ دەرەگٸ جيٸ تٸركەلەتٸنٸن ايتىپ, جۇمىستى كٷشەيتۋدٸ تاپسىردى, دەپ حابارلايدى "ۇلت اقپارات".
اقتٶبە حالقىنىڭ 27 پايىزىن جاستار قۇرايدى. وبلىس حالقىنىڭ 222 مىڭى جاستار بولسا, ونىڭ 51 مىڭنان استامى ورتا ارناۋلى نەمەسە جوعارى وقۋ ورنىندا بٸلٸم الادى. ٶڭٸردە 69 جاستار ٸسٸ جٶنٸندەگٸ كوميتەت جۇمىس ٸستەپ تۇر. اقتٶبە وبلىستىق ەكٸمدٸگٸندە ٶتكەن جاستار ٸسٸ جٶنٸندەگٸ كەڭەستە جاستاردى جۇمىسپەن قامتۋ, بوس ۋاقىتتارىن تيٸمدٸ پايدالانۋ, ولاردىڭ بەلسەندٸلٸگٸن ارتتىرۋ سٶز بولدى. بۇل سالاعا جىل سايىن 480 ميلليون تەڭگەدەن استام قارجى بٶلٸنەدٸ. دەگەنمەن جىلدىڭ قورىتىندىسى تىڭدالعان كەڭەستە كەمشٸلٸكتەر تٸزبەكتەلدٸ.
«سپورت, مەدەني عيماراتتار بوس تۇرماۋى قاجەت. ولار تاڭنىڭ اتىسى, كٷننٸڭ باتىسىنا دەيٸن جۇمىس ٸستەۋٸ كەرەك. «دەمالىس, مەرەكە كٷندەرٸ كەشكٸلٸك قايدا باراتىنىمىزدى بٸلمەيمٸز» دەپ ايتادى. جاستار تٷنگٸ كلۋبتا جٷرەدٸ, تٶبەلەسەدٸ. اقشاسىن بەكەر شاشادى. سول كٷشٸ مەن قارجىسىن دەنساۋلىعىنا, وي-ٶرەسٸن كٶتەرۋگە جۇمساسا, قىز-جٸگٸتتەردٸڭ بولاشاعى جامان بولمايدى. ٶكٸنٸشتٸسٸ, تٷنگٸ ساعات 3-4 بولعاندا جاستار كلۋبتان شىعىپ, تٶبەلەسەدٸ. قىزدار قىزدارمەن تٶبەلەسەدٸ, قىزدار جٸگٸتتەردٸ سابايدى. كەيٸنگٸ كەزدە سونداي دەرەك جيٸلەپ بارادى. وسى مەسەلەنٸ زەرتتەپ, اتا-انالارمەن جۇمىستى كٷشەيتۋ كەرەك. كٶبٸ كوللەدج ستۋدەنتٸ ەكەن. اتا-اناسى «بالام, قىزىم وقىپ جٷر, بەرٸ جاقسى» دەپ ويلايدى. زەينەتاقى, جەردەماقىسىنان جىرىپ, بالاسىنا جٸبەرەدٸ. ال ولار قالادا قىدىرىپ جٷرەدٸ. سونى باقىلىپ, جۇمىستى جانداندىرۋ كەرەك», - دەدٸ بەردٸبەك ساپارباەۆ.
ٶڭٸر باسشىسى كەز كەلگەن ٸس-شارانىڭ نەتيجەسٸ بولۋىن تاپسىردى. مەسەلەن, «حالىق قاۋٸپسٸزدٸگٸن قامتاماسىز ەتۋ» جوباسى اياسىندا جۇمىس جٷرگٸزٸلٸپ, جالپى قىلمىس 28 پايىزعا ازايدى. بٸراق جاستار اراسىنداعى قىلمىس بيىل 43 پايىزعا ٶستٸ. ٷش ادام قازا تاپتى. ال زورلىق 16-دان 23-كە جەتتٸ. ٶسٸم بۇل باعىتتا دا بار.
«تٶبەلەسەتٸن جاستاردىڭ بارلىعىن 15 كٷنگە قاماۋ كەرەك. اتا-اناسىن شاقىرتىپ, ولاردىڭ اتى-جٶندەرٸن باسپاسٶزگە جارييالاۋ كەرەك. سول كەزدە تەرتٸپ بولادى. اتا-انا بالاسىنىڭ, قوعامنىڭ الدىندا جاۋاپكەرشٸلٸگٸن سەزٸنۋ كەرەك. بٸزدە وقۋ ورنىنا, بيلٸككە, پوليتسيياعا جٷك ارتىپ قويعان», - دەدٸ ب.ساپارباەۆ.
