جامبىل وبلىسى قورداي اۋدانىندا بولعان جاپپاي تەرتٸپسٸزدٸكتەر كەزٸندە باسساۋعالاپ كٶرشٸ قىرعىزستان اۋماعىنا ٶتٸپ كەتكەن 8 مىڭعا جۋىق قازاقستاندىق ەلگە قايتارىلدى. بۇل تۋرالى 11 اقپاندا نۇر-سۇلتانداعى ٷكٸمەت وتىرىسى بارىسىندا جامبىل وبلىسىنىڭ ەكٸمٸ بەردٸبەك ساپارباەۆ حابارلادى. ەكٸم وبلىستاعى قازٸرگٸ جاعدايدى "تۇراقتى" دەپ سيپاتتادى.
"ەكٸ كٷننٸڭ ٸشٸندە سەگٸز مىڭعا جۋىق ازامات (قىرعىزستاننان قازاقستانعا) قايتارىلدى. كەشەدەن باستاپ مەكتەپ, بالاباقشانىڭ بارلىعى بۇرىنعىداي جۇمىس ٸستەپ جاتىر. بارلىق ساۋدا دٷكەندەرٸ دە جۇمىسىن باستادى" دەدٸ ول.
سونىمەن بٸرگە ساپارباەۆ قوردايداعى وقيعالار كەزٸندە 19 پوليتسييا قىزمەتكەرٸ زارداپ شەككەنٸن ايتتى.
"بەس كٷننٸڭ ٸشٸندە دەرٸگەردٸڭ كٶمەگٸنە 178 ادام جٷگٸنگەن, سونىڭ 19-ى – قۇقىق قىزمەتكەرلەرٸ. ون ادام قازا تاپتى. قۇربان بولعانداردىڭ بارلىعىنىڭ وتباسىنا جەردەم كٶرسەتٸلٸپ جاتىر" دەدٸ ەكٸم.
ساپارباەۆتىڭ ايتۋىنشا, قازٸرگٸ كەزدە قورداي اۋداندىق اۋرۋحاناسىندا 13 ادام ەمدەلٸپ جاتىر, تاعى 20 ادام – الماتى اۋرۋحاناسىنا جاتقىزىلعان. بۇعان قوسا شەنەۋنٸك قىرعىزستان اۋرۋحاناسىنداعى قازاقستاندىقتاردىڭ ەلگە جەتكٸزٸلگەنٸن حابارلادى.
"قىرعىزستاندا بولعان ادامداردى الماتى مەن تارازعا جەتكٸزدٸك. قازٸر وندا (قىرعىزستاندا – رەد.) ەشكٸم قالعان جوق" دەدٸ ەكٸم.
ٷكٸمەت وتىرىسىنان كەيٸن جۋرناليستەر ساۋالىنا جاۋاپ بەرگەن وبلىس ەكٸمٸ قازٸرگٸ ۋاقىتتا قورداي اۋدانىندا جاپپاي قاقتىعىس سالدارىنان كەلگەن شىعىن كٶلەمٸ انىقتالىپ جاتقانىن, ونىڭ ەسەبٸ شىققان سوڭ زييان شەككەندەردە ٶتەماقى تٶلەۋ تۋرالى ٷكٸمەتكە ۇسىنىس ەنگٸزٸلەتٸنٸن مەلٸمدەدٸ.
قوردايداعى وقيعالار مەملەكەتتٸڭ ەلەۋمەتتٸك ساياساتى سەتسٸز بولعانىن بٸلدٸرمەي مە دەگەن ساۋالعا ساپارباەۆ "ەلەۋمەتتٸك ساياسات ەشقانداي سەتسٸز بولعان جوق, بۇل قازاقستاندا عانا ەمەس, باسقا ەلدەردە دە بولاتىن جاعداي" دەپ جاۋاپ بەردٸ. ساپارباەۆ وقيعانى "ۇلتارالىق قاقتىعىس" دەگەن سيپاتتاۋمەن كەلٸسپەيتٸنٸن ايتتى. "بۇل جەردە ۇلتارالىق مەسەلە جوق, بۇل تۇرمىستىق داۋدان تۋىندادى, جاقىن ارادا ناقتى بٸر شەشٸم شىعارىپ, تيٸستٸ شارا قولدانامىز" دەدٸ وبلىس ەكٸمٸ.
دٷيسەنبٸ كٷنٸ قازاقستان پرەزيدەنتٸنٸڭ جارلىعىمەن پرەمەر-مينيستردٸڭ ورىنباسارى قىزمەتٸندەگٸ بەردٸبەك ساپارباەۆ جامبىل وبلىسىنىڭ ەكٸمٸ بولىپ تاعايىندالعان. 11 اقپاندا ساپارباەۆ جامبىل وبلىسىنداعى جاپپاي قاقتىعىستاردان كەيٸن قۇرىلعان ٷكٸمەتتٸڭ ارنايى كوميسسيياسىنىڭ جەتەكشٸسٸ بولىپ قالاتىنىن ايتتى.
اقپاننىڭ 8-ٸنە قاراعان تٷنٸ جامبىل وبلىسى قورداي اۋدانىندا بولعان جاپپاي قاقتىعىستار سالدارىنان, رەسمي دەرەك بويىنشا, 10 ادام قازا تاۋىپ, ونداعان ادام جارالاندى. جاپپاي تەرتٸپسٸزدٸكتەر قىرعىزستانمەن شەكاراعا جاقىن ورنالاسقان, نەگٸزٸنەن ەتنيكالىق دٷنگەندەر تۇراتىن ماسانچي, سورتٶبە, اۋقاتتى اۋىلدارىندا بولعان. جانجال بارىسىندا تۇرعىندار مەنشٸگٸندەگٸ ونداعان عيمارات پەن ٶزگە دە دٷنيە-مٷلٸك ٶرتەنٸپ, بٷلٸنگەن.
جانجالدان سوڭ مىڭداعا ادام قازاقستاننان قىرعىزستانعا قاشىپ ٶتكەن. 9 اقپاندا قازاقستان بيلٸگٸ قىرعىزستانعا ٶتٸپ كەتكەندەردٸڭ كەيبٸرٸ ٷيلەرٸنە ورالا باستاعانىن مەلٸمدەدٸ.
حالىقارالىق باسىلىمدار ەتنيكالىق قاقتىعىس دەپ سيپاتتاعان جانجالدان كەيٸن ٷكٸمەت ارنايى كوميسسييا قۇرىپ, اۋداندا تٶتەنشە جاعداي جارييالاندى. بيلٸك قوردايداعى وقيعالاردى "تۇرمىستىق جانجال" دەپ اتاپ, وعان بايلانىستى 25 قىلمىستىق ٸس قوزعالعانىن حابارلادى.
