ٷكٸمەت باسشىسىنىڭ ورىنباسارى بەردٸبەك ساپارباەۆتىڭ ايتۋىنشا, قازاقستاندا 182 مىڭ ادام ونكولوگييالىق اۋرۋلارعا شالدىققان, دەپ حابارلايدى قازاقپارات.
«بٸزدٸڭ ەلدٸڭ پرەزيدەنتٸ مەن ٷكٸمەتتٸڭ كٷش سالۋىمەن قازاقستاندا ونكولوگييالىق اۋرۋلاردى ازايتۋ, دەرتتٸ ەرتەرەك انىقتاۋ باعىتىندا كەشەنشٸ شارالار قولعا الىنعان. قازٸرگٸ تاڭدا قازاقستاندا ونكولوگييالىق اۋرۋلارعا شالدىققان ادامداردىڭ سانى - 182 مىڭ. ونىڭ 36 مىڭى قاتەرلٸ ٸسٸككە شالدىققان. ونكولوگييالىق اۋرۋلاردان كەلەتٸن ٶلٸم-جٸتٸم سانىن ازايتۋ ٷشٸن بارىنشا تيٸستٸ شارالار قولعا الىنعانىن ايتا كەتكٸم كەلەدٸ. تەك سوڭعى جىلى ٶلٸم-جٸتٸمنٸڭ 5 پايىزى وسى اۋرۋلاردان كەلگەن. بۇل رەتتە تيٸمدٸ شارالاردىڭ بٸرٸ – دياگنوستيكا ەكەنٸن بٸلەسٸزدەر. ياعني, اۋرۋدىڭ الدىن الا انىقتاۋدىڭ ماڭىزى ٶتە زور. سوڭعى ۋاقىتتا بٸزدە اۋرۋدى الدىن الا انىقتاۋ دەڭگەيٸ 28 پايىزعا كٶتەرٸلدٸ», - دەدٸ بەردٸبەك ساپارباەۆ.
پرەمەر-مينيستردٸڭ ورىنباسارىنىڭ ايتۋىنا قاراعاندا, قازاقستاندا ونكولوگييالىق اۋرۋلاردى ازايتۋ, الدىن الا دياگنوستيكالاۋ جۇمىسىمەن ارنايى عىلىمي-زەرتتەۋ ينستيتۋتى, ۇلتتىق ونكولوگييا جەنە ترانسپونتولوگييا ورتالىعى مەن ايماقتارداعى 16 ونكولوگييالىق ديسپانسەر جۇمىس جٷرگٸزەدٸ.
«قازاقستاندا سكرينينگتٸ زەرتتەۋ تۇراقتى تٷردە ٶتەدٸ. ەلٸمٸزدە ونكولوگييالىق اۋرۋلارمەن كٷرەستٸڭ 2018-2022 جىلدارعا ارنالعان كەشەندٸ جوسپارى قولعا الىنعان. بۇل كەشەندٸ جوسپاردىڭ نەگٸزگٸ ماقساتى – اۋرۋدىڭ الدىن الۋ, دياگنوستيكا, بۇل سالاداعى كادرلاردى دايارلاۋ جەنە قايتا دايارلاۋ. بۇل جوسپاردى ورىنداۋ ٷشٸن ەل بيۋدجەتٸنەن 35 ملرد تەڭگە, سونىمەن بٸرگە, ونكولوگييالىق اۋرۋلاردى دەرٸ-دەرمەكپەن قامتاماسىز ەتۋگە 12 ملرد تەڭگە قاراستىرىلعان. ياعني, بۇل باعىتتا جۇمسالعان قاراجات سوڭعى جىلدارى 5 ەسەگە ۇلعايدى», - دەدٸ ول.
ەسكە سالا كەتسەك, ەلوردادا كەشە ونكولوگيياداعى دٷنيەجٷزٸلٸك كٶشباسشىلار سامميتٸنٸڭ جۇمىسى باستالعان بولاتىن. فورۋم جۇمىسىنا حالىقارالىق وبىرعا قارسى وداق (UICC) پرەزيدەنتٸ, جوعارى مەرتەبەلٸ حانشايىم دينا مايرەد, قازاقستان دەنساۋلىق ساقتاۋ مينيسترٸ ەلجان بٸرتانوۆ قاتىسۋدا.
