بٷگٸن نۇر-سۇلتان قالاسىنىڭ ەكٸمٸ باقىت سۇلتانوۆ جەنە قر ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ ەلوردانىڭ از قامتىلعان جەنە كٶپبالالى وتباسىلارىمەن كەزدەستٸ, دەپ حابارلايدى "ۇلت اقپارات".
«بۇرىن وتباسىنىڭ تابىسىن ەسەپتەگەن كەزدە ولاردىڭ بالالارى ٷشٸن الاتىن جەردەماقىسى, سونداي-اق «التىن القا», «كٷمٸس القا» ٷشٸن جەنە مٷگەدەك بالا ٷشٸن الاتىن جەردەماقى, سول سيياقتى ستيپەندييا, ودان كەيٸن جەرگٸلٸكتٸ ەكٸمدٸكتەن بەرٸلەتٸن اقشالاي جەردەماقىلاردىڭ بارلىعى ەسەپتەلەتٸن ەدٸ. وسى جىلدىڭ 1 سەۋٸرٸنەن باستاپ ول ەسەپتەۋلەردٸ الىپ تاستادىق. ياعني اتاۋلى ەلەۋمەتتٸك كٶمەك جەنە باسقا دا مەملەكەتتٸك قولداۋ كٶرسەتٸلەتٸن كەزدە جوعارىدا اتالعان جەردەماقى تٷرلەرٸ ەسەپكە كٸرمەيدٸ. ەلباسى بٸزگە الدىمەن كٶمەككە مۇقتاج وتباسىلارعا قولداۋ كٶرسەتۋ كەرەكتٸگٸن باسا ايتتى. وسى ماقساتتا قازٸرگٸ كٷنٸ جەرگٸلٸكتٸ اتقارۋشى بيلٸك ٶكٸلدەرٸمەن بٸرٸگٸپ, ەربٸر وتباسىنىڭ جەكە ەلەۋمەتتٸك كارتاسىن جاساۋدامىز. بۇل تاپسىرمانى وسى جىلدىڭ 1 شٸلدەسٸنە دەيٸن بٸتٸرۋٸمٸز كەرەك, دەل قازٸر ونىڭ 30% دايىن. تولىق جاساپ بولعاندا وتباسىلارعا ەلەۋمەتتٸك قولداۋ كٶرسەتۋ بويىنشا ودان ارعى باعىتىمىزدى ايقىندايتىن بولامىز», - دەدٸ ب.ساپارباەۆ.
سونداي-اق, مينيستر جاڭا بيزنەس يدەيالاردى ٸسكە اسىرۋ ٷشٸن اۋىلدا تۇراتىن كٶپبالالى وتباسىلارعا جەنە جاستارعا مەملەكەتتٸك گرانتتار بەرٸلەتٸنٸن سٶز ەتتٸ.
«وسى جىلى قولعا الىنىپ جاتىرعان اتالعان ساناتقا جاتاتىن وتباسىلاردى قولداۋدىڭ تاعى بٸر تٷرٸ ول ٶز كەسٸبٸمدٸ اشامىن دەگەن ازاماتتارعا گرانتتار مەن ميكروكرەديتتەر بەرۋ. مىسالى, بيىل ٶز كەسٸبٸمدٸ دٶڭگەلەتەمٸن دەگەن 10 مىڭ ادامعا 500 مىڭ تەڭگە كٶلەمٸندە قايتارىمسىز گرانت بەرٸلەدٸ, بۇدان بٶلەك شاعىن جەنە ورتا كەسٸپكەرلٸكپەن اينالىسامىن دەگەن جاندار ٷشٸن 500 مىڭ تەڭگەدەن 6,5 ملن تەڭگەگە دەيٸن شاعىن نەسيە بەرۋ قاراستىرىلۋدا. تاعى بٸر ايتىپ كەتەتٸن جايت, كٶپبالالى انالار مەن مٷگەدەك بالا تەربيەلەپ وتىرعان انالار ٷشٸن ٷيٸندە ەلەۋمەتتٸك جۇمىس ورىندارىن اشۋ جەنە سۇرانىسقا يە كەسٸپتەرگە قىسقا مەرزٸمدٸ وقىتۋ ۇيىمداستىرىلادى. بۇنىڭ سەبەبٸ بۇل انالار بالا كٷتٸمٸنە بايلانىستى ٷيدەن شىعا المايدى سوندىقتان جاعدايدى ٷيلەرٸنە اپارىپ جاساۋدامىز», - دەدٸ ول.
ودان بٶلەك, ب. ساپارباەۆ قازٸرگٸ تاڭدا مينيسترلٸك وتباسىلارعا ەلەۋمەتتٸك قىزمەتتەر مەن قولداۋ شارالارىنىڭ 11 بٶلٸكتەن تۇراتىن بٸرىڭعاي پاكەتٸ قۇراستىرعانىن ايتىپ بەردٸ.
1. 1-4-سىنىپ وقۋشىلارىن تەگٸن ىستىق تاماقپەن قامتاماسىز ەتۋ;
2. بالالار مەن انالاردىڭ قوعامدىق كٶلٸكتە جەڭٸلدٸكپەن جٷرۋٸن قامتاماسىز ەتۋ;
3. مەكتەپ فورماسىمەن, وقۋلىقتارمەن جەنە وقۋ كەرەك-جاراقتارىمەن قامتاماسىز ەتۋ;
4. بالاباقشاداعى ورىنعا باسىمدى قۇقىق بەرۋ;
5. بالالار لاگەرلەرٸندە تەگٸن دەمالۋ;
6. كوممۋنالدىق قىزمەتتەر بويىنشا ٶتەماقى تٶلەمدەرٸ, كٶمٸرمەن جەنە وتىنمەن قامتاماسىز ەتۋ;
7. گاز اناليزاتورلارىن, جارىق پەن سۋ ەسەپتەۋٸشتەرٸن تەگٸن ورناتۋ;
8. كٶپبالالى وتباسىلار ٷشٸن ٷيدە ارنايى جۇمىس ورىندارىن قۇرۋ, گرانتتار مەن شاعىن نەسيەلەر بەرۋ;
9. بارلىق ەڭبەك ەتۋگە قابٸلەتتٸ اەك الۋشىلاردى جۇمىسپەن قامتۋ شارالارى (وقىتۋ, جۇمىسقا ورنالاستىرۋ, جاستار پراكتيكاسى, گرانتتار مەن);
10. تۇرعىن ٷي قۇرىلىس جيناقتارى جٷيەسٸ ارقىلى تۇرعىن ٷي جاعدايىن جاقسارتۋ;
11. بٸرجولعى ەلەۋمەتتٸك كٶمەك كٶرسەتۋ.
