كەنەسارى حانعا قاتىستى جەدٸگەرلەر بويىنشا ٷلكەن كٶرمە ٶتكٸزۋ ٷشٸن رەسەيلٸك مۋزەيلەرمەن كەلٸسسٶزدەر جٷرگٸزۋ كەرەك. بۇنداي پٸكٸردٸ «قاسيەتتٸ قازاقستان» عىلىمي-زەرتتەۋ ورتالىعىنىڭ باسشىسى بەرٸك ەبدٸعاليۇلى ايتتى, دەپ جازادى "ۇلت اقپارات".
«جاقىندا رەسەيگە بارعاندا كەنەسارى حانعا تيەسٸلٸ وسى كٸسەنٸ كٶردٸك. كەنەسارى حاننىڭ مىلتىعى ومبىدا ساقتاۋلى تۇرعانى مەلٸم بولدى. سوندىقتان رەسەيلٸك مۋزەيلەر كەنەسارىعا بايلانىستى قازاقستاندا كٶرمە ٶتكٸزسە, ٶتە جاقسى بولار ەدٸ. ياعني باسقا دا تۇلعالارعا قاتىستى جەدٸگەرلەردٸ ەكەلٸپ تۇرسا, بۇنى جاقسى باستاما دەپ باعالار ەدٸك», - دەيدٸ ول.
ايتا كەتەيٸك, بٷگٸن بەرٸك ەبدٸعاليۇلى فەيسبۋكتەگٸ پاراقشاسىندا سانكت-پەتەربۋرگتە كەنەسارى حاننىڭ كٸسەسٸ ساقتالعانى انىقتالعانىن جازدى.
«الاش ەسكەرٸ تاقىرىبىن زەرتتەپ جٷرٸپ, سەيٸلبەك جانايداروۆتىڭ 1915 جىلى سانكت-پەتەربۋرگتەگٸ رەسەي ەتنوگرافييالىق مۋزەيٸنە كەنەسارى حاننىڭ كٸسەسٸن تاپسىرعانى تۋرالى دەرەك كەزدەستٸردٸم. بۇل جەدٸگەر «كسە - پوياس كيرگيزسكوگو حانا سرەدنەي وردى» دەگەن اتپەن اتالعان مۋزەيدٸڭ قورىندا بٷگٸنگٸ كٷنگە دەيٸن ساقتالعان ەكەن. ونى مەدەنيەت جەنە سپورت مينيسترٸ ارىستانبەك مۇحامەديۇلىمەن سانكت-پەتەربۋرگتەگٸ مۋزەيگە بارعاندا ٶز كٶزٸمٸزبەن كٶرۋگە مٷمكٸنشٸلٸگٸ تۋدى», - دەپ جازدى ەلەۋمەتتٸك جەلٸدە ول.
وسى ورايدا ول سەيٸلبەك جانايداروۆ 1918 جىلى اتباسار الاش ەسكەري ديۆيزيونىن قۇرعان ەرٸ الاشوردا ٷكٸمەتٸنٸڭ كانديدات مٷشەسٸ بولعان ازامات ەكەنٸن ەسكە سالىپ ٶتتٸ.
«بۇل جەدٸگەر سەيٸلبەك جانايداروۆتىڭ قولىنا قالاي تٷسكەنٸن زەرتتەي كەلە انىقتاعانىمىز - ول كٸسە سەيٸلبەكتٸڭ اتاسى - كەنەسارى حاننىڭ ەسكەري قولباسشىلارىنىڭ بٸرٸ جانايدار ورىنبايۇلىنان قالعان مۇرا ەكەن. جانايدار باتىردىڭ ەرلٸكتەرٸ تۋرالى مۇسا شورمانوۆتىڭ, مەشھٷر جٷسٸپتٸڭ, دوسكەي اقىننىڭ, جامبىلدىڭ, يمانجان جىلقايدارۇلىنىڭ ەستەلٸكتەرٸ مەن جىرلارىندا كەزدەسەدٸ. سونداي-اق بۇل تۋرالى ٸ.ەسەنبەرليننٸڭ «قاھار» رومانىندا دا جازىلعان. باتىردىڭ ۇرپاقتارىنىڭ ايتۋىنشا, كەنەسارى حان ٶزٸن ٶلٸمنەن بٸرنەشە رەت قورعاپ قالعانى ٷشٸن ەرٸ كٶرسەتكەن ەرلٸكتەرٸ ٷشٸن اتالعان كٸسەنٸ جانايدار ورىنبايۇلىنا تارتۋ ەتكەن. جالپى كەنەسارى ٶز باتىرلارىنا سوعىستا كٶرسەتكەن ەرلٸكتەرٸ ٷشٸن وردەن-مەدال ورنىنا العىس رەتٸندە ٷلكەن سىي-سيياپاتپەن ماراپاتتاۋ دەستٷرٸ بولعان. سونداي-اق كٶكشەتاۋ شايقاسىندا جەڭٸسكە جەتكەنٸ جەنە شىنايى ەرجٷرەكتٸك كٶرسەتكەنٸ ٷشٸن كەنەسارى اعىباي باتىرعا اتاسى ابىلاي حاننان قالعان قانجاردى تارتۋ ەتكەن ەكەن. بۇل تۋرالى اقپاراتتى جاقىن ارادا تولىعىراق كٶرسەتەمٸن», - دەپ جازدى بەرٸك ەبدٸعاليۇلى.
