.jpeg)
«سامۇرىق-قازىنا» ۇلتتىق ەل-اۋقات قورىنىڭ عيماراتىندا بٷگٸن قوعامدىق كەڭەستٸڭ كەزەكتٸ وتىرىسى ٶتتٸ. ونىڭ تٶراعاسى بولات جەمٸشەۆ پەن كەڭەس مٷشەلەرٸ الدىندا بٷگٸن قوردىڭ جاۋاپتى قىزمەتكەرلەرٸ ەسەپ بەرٸپ, جيىندا ەل كٶكەيٸندە جٷرگەن مەسەلەلەر قوزعالدى, دەپ حابارلايدى "ۇلت پورتالى".
«سامۇرىق-قازىنا» قورى جەنە ونىڭ ەنشٸلەس كومپانييالارىندا بۇل كٷندە 258 مىڭعا تارتا قىزمەتكەر ەڭبەك ەتەدٸ. قورداعى 279 پورتفەلدٸ كومپانييانىڭ تابىسى قازاقستاننىڭ جالپى ٸشكٸ ٶنٸمٸنٸڭ 6,2 پايىزىن قۇرايدى. وتىرىستا ەسەپ بەرگەن «سامۇرىق-قازىنا» قىزمەتكەرلەرٸ رەفورمالاۋ باعدارلامالارى مەن جٷيەلٸ ٸس-شارالار تۋرالى سٶز قوزعادى. قارجىلىق كٶرسەتكٸشتەرٸن جارييالادى. جەمقورلىققا قارسى كٷرەس پەن كومپلەانس مەسەلەلەرٸ جٶنٸندە دە ايتتى. جوسپارىن دا بٶلٸستٸ.
نەگٸزگٸ ەسەپتەن كەيٸن قوعامدىق كەڭەس مٷشەسٸ ەرلان سايروۆ دەمالىس كەزٸندە ەۋە جەنە ۇشاق بيلەتتەرٸنٸڭ باعاسى, گاز باعاسى مەن قوردىڭ سپورتقا بٶلەتٸن قاراجاتىنىڭ مەسەلەسٸن كٶتەردٸ. ەكونوميست دانييار تەمٸرباەۆ ٸرو-عا قاتىساتىن اكتسيونەرلەر تيٸستٸ دەڭگەيدە قورعالۋى كەرەكتٸگٸن ايتسا, ايدار قازىباەۆ «سامۇرىق-قازىنا» باسشىسىنىڭ ٶزٸ كٶپشٸلٸك الدىندا ەسەپ بەرسە دەگەن تٸلەگٸن بٸلدٸردٸ.
وتىرىس ەدەۋٸر قىزۋ تالقىمەن ٶتكەنٸن اتاپ ٶتۋ كەرەك. قور قىزمەتكەرلەرٸ دە ٶز پوزيتسيياسىن قورعاپ, كەڭەستە كٶتەرٸلگەن مەسەلەلەردٸ نازارعا الاتىندارىن ايتتى. مەسەلەن, «سامۇرىق-قازىنا» اق باسقارۋشى ديرەكتورى عيبرات اۋعانوۆ قوردىڭ ەلەۋمەتتٸك مەسەلەلەرگە باسا نازار اۋداراتىنىن اتاپ ٶتتٸ. ونىڭ ايتۋىنشا, قور ٶڭٸرلەردەگٸ مەسەلەلەردٸ دە نازاردان تىس قالدىرمايدى. مەسەلەن, تاياۋدا عانا سەمەيدە قوردىڭ قولداۋىمەن جىلىنا 1200 بالانى قابىلداي الاتىن وڭالتۋ جەنە ەرتە ارالاسۋ ورتالىقتارى اشىلدى. ول جەردە ەرەكشە قاجەتتٸلٸگٸ بار بالالار ەمدەلٸپ, قوعامعا بەيٸمدەلۋ مٷمكٸندٸگٸنە يە بولادى. مۇنداي ەلەۋمەتتٸك جوبالار بٸرشاما ٶڭٸردە بار دەيدٸ ول. قوردىڭ ٶكٸلدەرٸ تاراپىنان سەكەن پٸرماحانوۆ پەن دەۋرەن اقشالوۆ تا كەڭەس مٷشەلەرٸ قويعان ٶزەكتٸ سۇراقتارعا جاۋاپ بەردٸ.
«ٶز تاراپىمنان قوسارىم: جاڭا باعدارلامالار ەردايىم جاقسى. ٶيتكەنٸ ۋاقىت ٶتكەن سايىن مٸندەتتەردٸڭ ماڭىزىن قايتا قاراپ, تالداپ وتىرۋ كەرەك. جاڭا باعدارلامالاردى سوعان قاراي تٷزەپ وتىرۋعا تۋرا كەلەدٸ. الايدا جاڭا باعدارلامالار تۋرالى سٶز بولعاندا ونىڭ الدىنداعى باعدارلامالار كەيٸنگە ىسىرىلىپ قالادى. سول سەبەپتٸ باعدارلامانىڭ جاڭاسىنا جٷگٸرٸپ, ەسكٸسٸن ۇمىت قالدىرۋعا بولمايدى», - دەپ ەسكەرتتٸ بولات جەمٸشەۆ.
كەڭەس تٶراعاسى وتىرىستى قورىتىندىلاي كەلە حولدينگ باسشىلىعىنا ەڭ بٸرٸنشٸ كەزەكتە كومپانييانىڭ قوعامعا ماڭىزدى مەسەلەلەرٸنە باسىمدىق بەرسە دەپ ٶتٸنٸشٸن بٸلدٸردٸ.
