"قازمۇنايگاز" ۇلتتىق كومپانيياسى "قازترانسگازدىڭ" 100% اكتسيياسىن "سامۇرىق-قازىنا" قورىنا بەردٸ. مەمٸلە 9 قاراشادا جاسالدى, ونىڭ سوماسى – 1 تەڭگە, دەپ حابارلادى قمگ باسپاسٶز قىزمەتٸ.
9 قاراشادا سونداي-اق قمگ مەن قور اراسىندا 2021 جىلدىڭ 11 ناۋرىزىندا جاسالعان سەنٸمگەرلٸك باسقارۋ كەلٸسٸمشارتىنىڭ كٷشٸ جويىلدى.
"2020 جىلدىڭ 3 ماۋسىمىندا قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ تٶراعالىعىمەن ٶتكەن "سامۇرىق-قازىنا" قورىن باسقارۋ جٶنٸندەگٸ كەڭەستٸڭ تاپسىرماسىن, سونداي-اق مەملەكەت باسشىسى قاسىم-جومارت توقاەۆتىڭ 2021 جىلدىڭ 26 قاڭتارىندا ٶتكەن ٷكٸمەتتٸڭ كەڭەيتٸلگەن وتىرىسىنداعى گازدى بارلاۋ, ٶندٸرۋ جەنە تاسىمالداۋ جٶنٸندەگٸ ۇلتتىق وپەراتوردى قۇرۋ تۋرالى تاپسىرماسىن ورىنداۋ ماقساتىندا "قازترانسگاز" ۇك" اق اكتسييالارى قورعا بەرٸلدٸ", - دەلٸنگەن حابارلامادا.
مەمٸلە جاسالماس بۇرىن بٸرقاتار زاڭدى جەنە قارجىلىق شارتتار ورىندالعانىن, سونىڭ ٸشٸندە قمگ كرەديتورلارىنىڭ جەنە تيٸستٸ مەملەكەتتٸك ورگانداردىڭ كەلٸسٸمٸن الۋ قاجەت بولعانىن اتاپ ٶتكەن جٶن. بٸرٸنشٸ كەزەڭدە 2020 جىلدىڭ قازان ايىندا قمگ 750 ميلليون اقش دوللارى سوماسىنا ەۋرووبليگاتسييالاردى قايتا قارجىلاندىردى, بۇل رەتتە جاڭا شارت بويىنشا قتگ-نىڭ شىعۋ مٷمكٸندٸگٸ كٶزدەلگەن بولاتىن. كەلەسٸ كەزەڭ بارىسىندا 2021 جىلدىڭ ماۋسىمىندا قتگ-نىڭ بٶلٸنٸپ شىعۋىنا قمگ ەۋرووبليگاتسييالارىنىڭ باسقا ۇستاۋشىلارىنان كەلٸسٸم الىندى.
سونىمەن قاتار مەمٸلەنٸڭ جاسالۋى قمگ-نىڭ كرەديت بەرۋشٸ بانكتەرٸمەن, سونىڭ ٸشٸندە جەكەلەگەن قارىزداردى قارجىلاندىرۋ ارقىلى كەلٸسٸلدٸ. اتقارىلعان جۇمىس كەزەڭدەرٸنٸڭ بٸرٸ قازاقستان ٷكٸمەتٸنٸڭ 2021 جىلدىڭ 8 قاراشاسىنداعى "ستراتەگييالىق وبەكتٸنٸ يەلٸكتەن شىعارۋ تۋرالى" قاۋلىسىنىڭ قابىلدانعانى بولدى. اتالعان قاۋلىعا سەيكەس "قازمۇنايگاز» ۇلتتىق كومپانيياسىنا قتگ-نىڭ 100% اكتسيياسى پاكەتٸن قور پايداسىنا ساتىپ الۋ-ساتۋ كەلٸسٸمشارت جاساسۋ جولىمەن يەلٸكتەن شىعارۋ جٶنٸندەگٸ مەمٸلەنٸ جاساۋعا رۇقسات بەرٸلدٸ.
قازٸرگٸ ۋاقىتتا قمگ-نىڭ بارلىق كرەديتورى قتگ-نى قوردىڭ جەكە ەنشٸلەس كومپانيياسى ەتٸپ شىعارۋعا كەلٸسٸمٸن بەردٸ.
قتگ-نىڭ بٶلٸنۋٸ نەتيجەسٸندە قمگ قارىزى 1,1 ميلليارد اقش دوللارىنا (بەرٸلگەن كەپٸلدٸكتەردٸ ەسەپتەگەندە 1,6 ملرد دوللارعا) ازايادى.
ەسكە سالا كەتەيٸك, 2002 جىلى ۇلتتىق كومپانييا قۇرىلعاننان باستاپ قتگ ونىڭ قۇرامىندا بولدى. قمگ وسى ۋاقىت ٸشٸندە قتگ كاپيتالىنا اقشا مەن مٷلٸك تٷرٸندە شامامەن 143 ميلليارد تەڭگە قۇيدى. بۇل رەتتە قتگ اكتيۆتەرٸ 125 ميلليارد تەڭگەدەن 2,5 تريلليون تەڭگەگە 20 ەسەدەن كٶپ ٶستٸ, كاپيتال 61 ميلليارد تەڭگەدەن 1,6 تريلليون تەڭگەگە ارتتى, تٷسٸم جىلىنا 85 ميلليارد تەڭگەدەن 900 ميلليارد تەڭگەگە دەيٸن كٶبەيدٸ.
قتگ قۇرىلعان سەتتەن باستاپ قازاقستاندا 10 مىڭ شاقىرىمنان اسا ماگيسترالدى گاز قۇبىرى سالىنىپ, پايدالانۋعا بەرٸلدٸ. بٷگٸندە قتگ 20 مىڭ شاقىرىمنان استام ماگيسترالدى قۇبىر جولدارىن جەنە 56 مىڭ شاقىرىمنان اسا گاز تاراتۋ جەلٸلەرٸن باسقارىپ وتىر.
