فوتو: gov.kz
«سامۇرىق-قازىنا» اق (قور) KASE ۇيىمداستىرىلعان نارىعىندا «قازاقتەلەكوم» اق-نىڭ (كومپانييا) جاي اكتسييالارىنىڭ 10,43%-ىن ساتىپ العانى تۋرالى حابارلايدى.
مەمٸلە نەتيجەسٸندە كومپانييانىڭ ورنالاستىرىلعان جاي اكتسييالارىنداعى قوردىڭ ٷلەسٸ 80,85%-دان 91,28%-عا دەيٸن ارتتى. بۇل شەشٸم نارىقتاعى قازٸرگٸ كونيۋنكتۋرانى, كومپانييانىڭ ينۆەستيتسييالىق تارتىمدىلىعىن, سونداي-اق «قازاقتەلەكوم» اق-نىڭ جاڭارتىلعان ستراتەگيياسىن ەسكەرە وتىرىپ قابىلداندى. كومپانييا ستراتەگيياسى جاساندى ينتەللەكت تەحنولوگييالارىن جەنە تيٸستٸ تسيفرلىق ينفراقۇرىلىمدى ەنگٸزۋ مەن دامىتۋ, سونداي-اق جاڭا تسيفرلىق قىزمەتتەردٸ نارىققا شىعارۋ ارقىلى باعانىڭ تۇراقتى ٶسۋٸنە باعىتتالعان.
«قازاقتەلەكوم» اق تەلەكوممۋنيكاتسييالىق ينفراقۇرىلىمدى جاڭعىرتۋ كەزەڭٸنەن ٶتۋدە: ٶنٸمدٸلٸگٸ جوعارى ەسەپتەۋ كلاستەرٸ قالىپتاستىرىلعان, كومپانييا مەديا قىزمەتتەر نارىعىندا ەلەۋلٸ ٷلەسكە يە, موبيلدٸ سەگمەنتتە بەلسەندٸ جۇمىس ٸستەيدٸ جەنە بيزنەستٸڭ ۇزاق مەرزٸمدٸ ٶسۋٸنٸڭ نەگٸزٸن قۇرايتىن تسيفرلىق سەرۆيستەردٸڭ كەڭ اۋقىمىن ۇسىنادى.
مەمٸلە كومپانييانىڭ ٶسۋ كەزەڭٸندە قور ٷلەسٸن شوعىرلاندىرۋعا جەنە كەيٸن اكتسييالاردى نەعۇرلىم تارتىمدى شارتتارمەن نارىققا شىعارۋعا باعىتتالعان, بۇل ينۆەستورلار ٷشٸن اكتسييالاردىڭ قوسىمشا قۇندىلىعىن قالىپتاستىرۋعا مٷمكٸندٸك بەرەدٸ.
اتالعان تەسٸل قوردىڭ ۇزاق مەرزٸمدٸ جوسپارلارىنا سەيكەس كەلەدٸ جەنە قازاقستان رەسپۋبليكاسى ٷكٸمەتٸنٸڭ 2025 جىلعى 24 قازانداعى № 894 قاۋلىسىندا قاراستىرىلعان, وعان سەيكەس «قازاقتەلەكوم» اق-نىڭ SPO-سىن 2029 جىلعا دەيٸن ٶتكٸزۋ كٶزدەلگەن.
