جاڭادان قۇرىلعان عىلىم جەنە جوعارى بٸلٸم مينيسترلٸگٸنٸڭ باسشىسى ساياسات نۇربەك ەلەۋمەتتٸك جەلٸدە تارالعان قاۋەسەتتەرگە جاۋاپ بەردٸ, دەپ حابارلايدى Sputnik قازاقستان.
"سٸزدٸ ەلەۋمەتتٸك جەلٸدە جات اعىمدارمەن بايلانىستىرعاندار بولدى. ناقتىراق ايتقاندا, سالافيزممەن. بەكبولات تٸلەۋحانمەن بٸرگە تٷسكەن سۋرەتٸڭٸزدٸ جارييالاپ, سٸز تۋرالى تٷرلٸ ەڭگٸمە تارادى. دٸني كٶزقاراسىڭىزدى اشىق ايتىڭىزشى?" دەپ سۇرادى جۋرناليستەر ٷكٸمەت كۋلۋارىندا مينيستردەن.
"مەن, قۇدايعا شٷكٸر, مۇسىلمانمىن. سالافيزمگە ەشقانداي قاتىسىم جوق. بٸلەسٸزدەر, مەن اتام مەن ەجەمنٸڭ قولىندا ٶستٸم. مەنٸڭ اتام نۇربەك دەگەن كٸسٸ, سەمەي قالاسىندا يمام, مولدا بولدى. سوندىقتان كٸشكەنتاي كەزٸنەن مەن دٸنگە, يسلامعا جاقىن اداممىن. بٸراق ەشقانداي راديكالدى اعىمدارعا, سەكتالارعا, سالافيزمگە قاتىسىم جوق. ونى اشىق تٷردە ايتۋعا بولادى", - دەپ جاۋاپ بەردٸ نۇربەك.
ول بەكبولات تٸلەۋحاندى ٶنەرٸ ٷشٸن سىيلايتىنىن اتاپ ٶتتٸ.
"مىڭداعان جاستارىمىز بەكبولات اعامىزبەن سۋرەتكە تٷسكەن شىعار. ولاردىڭ بەرٸ سالافيت دەپ ايتۋعا بولمايدى. بەكبولات تٸلەۋحان, ەڭ بٸرٸنشٸ, بٸزدٸڭ اعامىز, اقىن, ٶنەر ادامى. سول سەبەپتٸ مەن ول كٸسٸنٸ اقىندىعى ٷشٸن, ٶنەرٸ ٷشٸن, ال اعالىعى ٷشٸن قۇرمەتتەيمٸن, قادٸرلەيمٸن", - دەدٸ عىلىم مينيسترٸ.
11 ماۋسىمدا بٸلٸم جەنە عىلىم مينيسترلٸگٸ ەكٸ ۆەدومستۆوعا بٶلٸندٸ. پرەزيدەنت جارلىعىمەن اسحات ايماعامبەتوۆ وقۋ-اعارتۋ مينيسترٸ بولىپ, ال ساياسات نۇربەك عىلىم جەنە جوعارى بٸلٸم مينيسترٸ لاۋازىمىنا تاعايىندالدى.
