قازاقستاندىق بوكسشى سەكەن بيبوسىنوۆ ەلەم چەمپيونى اتاندى, - دەپ حابارلايدى "ۇلت اقپارات".
سەربييا استاناسى بەلگراد قالاسىندا ٶتٸپ جاتقان بوكستان ەلەم چەمپيوناتى ٶز مەرەسٸنە جەتۋگە تاياۋ.
51 كەلٸگە دەيٸنگٸ سالماق دەرەجەسٸندە جۇدىرىقتاسقان وتانداسىمىز سەكەن ەلەم چەمپيوناتىنىڭ التىن مەدالٸن امەريكالىق روسكو حيللمەن ساراپقا سالدى. قازاقستاندىق بوكسشى قارسىلاسىن 5:0 ەسەبٸمەن جەڭٸپ, التىن جٷلدەگە يە بولدى.
ايتا كەتەيٸك, بيبوسىنوۆ جارتىلاي فينالدا تايلاندتىق تحانارات ساەنگپفەتتٸ جەڭگەن. ال ونىڭ الدىندا ٶزبەكستاندىق حاسانبوي دۋسماتوۆتان, ٷندٸستاندىق ديپاكتان, كولۋمبييالىق ريۆاس مارتينەستەن باسىم تٷسكەن.
بۇل - قازاقستان قۇراماسىنىڭ بەلگرادتاعى ەلەم چەمپيوناتىندا العان ەكٸنشٸ التىنى. بۇعان دەيٸن تەمٸرتاس جٷسٸپوۆ ەلەم چەمپيونى اتانعان ەدٸ. ودان بٶلەك ماحمۋد سابىرحان - كٷمٸس, ابىلايحان جٷسٸپوۆ قولا مەدال ەنشٸلەگەن بولاتىن.
