بٷگٸن قر پرەمەر-مينيسترٸ باقىتجان ساعىنتاەۆ مەملەكەت باسشىسىنىڭ تاپسىرماسى بويىنشا وڭتٷستٸك قازاقستان وبلىسىنا كەلدٸ. ٷكٸمەت باسشىسى ٶڭٸردە نۇرسۇلتان نازارباەۆتىڭ «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك», «تٶرتٸنشٸ ٶنەركەسٸپتٸك رەۆوليۋتسييا جاعدايىنداعى دامۋدىڭ جاڭا مٷمكٸندٸكتەرٸ» جولداۋلارى مەن بەس ەلەۋمەتتٸك باستاماسىنىڭ جٷزەگە اسىرىلۋ بارىسىمەن تانىساتىنى كٷتٸلۋدە. بۇل تۋرالى primeminister.kz سايتىندا حابارلاندى.
جۇمىس ساپارى بارىسىندا بٸرقاتار ٶندٸرٸستٸك نىساندارعا بارۋ جوسپارلانىپ وتىر. قر پرەمەر-مينيسترٸنە يندۋسترييالىق-يننوۆاتسييالىق دامۋ, «نۇرلى جەر», اگروٶنەركەسٸپتٸك كەشەندٸ دامىتۋ سەكٸلدٸ مەملەكەتتٸك باعدارلامالاردىڭ ٸسكە اسىرىلۋ قارقىنى تۋرالى باياندالادى, سونداي-اق يندۋسترييا 4.0 ەلەمەنتتەرٸن ەنگٸزۋ نەتيجەلەرٸ ۇسىنىلادى.
كەستەدەگٸ نەگٸزگٸ ٸس-شارالار - بيزنەس ٶكٸلدەرٸمەن, وبلىستىڭ جۇمىس اكتيۆٸمەن, اۋىل شارۋاشىلىعى تاۋارىن ٶندٸرۋشٸلەرمەن, دەنساۋلىق ساقتاۋ قىزمەتكەرلەرٸمەن جەنە ستۋدەنت جاستارمەن كەزدەسۋلەر بولادى.
اتاپ ايتقاندا, «جاباي اتا» جشس جەنە «سارىاعاش جەر سىيى» جشس اگروٶنەركەسٸپتٸك كەسٸپورىندارىن ارالاۋ قورىتىندىسى بويىنشا باقىتجان ساعىنتاەۆ اۋىل شارۋاشىلىعى تاۋارلارىن ٶندٸرۋشٸلەرمەن اٶك مەملەكەتتٸك باعدارلاماسىن جەنە پرەزيدەنتتٸڭ «شاعىن نەسيە بەرۋدٸ كٶبەيتۋ» تٶرتٸنشٸ ەلەۋمەتتٸك باستاماسىن ٸسكە اسىرۋ مەسەلەلەرٸن تالقىلايدى.
وبلىستىق كلينيكالىق اۋرۋحانانىڭ جاڭارتىلعان ينفراقۇرىلىمىمەن تانىسقاننان كەيٸن ٶتەتٸن «دٶڭگەلەك ٷستەلدە» ٶڭٸردٸڭ دەنساۋلىق ساقتاۋ جٷيەسٸن جاڭعىرتۋ جەنە سالانى قايتا رەتتەۋ شارالارى, مجە جەنە جەكە قىزمەتتەر سەكتورىن دامىتۋ مەسەلەلەرٸ ەگجەي-تەگجەيلٸ قارالاتىنى كٷتٸلۋدە.
شىمكەنتتٸڭ جوو-لارى مەن كوللەدجدەرٸنٸڭ باسشىلىعى مەن ستۋدەنتتەرٸ, ستۋدەنتتٸك ۇيىمداردىڭ كٶشباسشىلارى قر پرەمەر-مينيسترٸ باقىتجان ساعىنتاەۆپەن پرەزيدەنتتٸڭ بەس ەلەۋمەتتٸك باستاماسىن ٸسكە اسىرۋ اياسىندا جوعارى بٸلٸمنٸڭ قولجەتٸمدٸلٸگٸ مەن ساپاسىن ارتتىرۋ, ستۋدەنتتەردٸڭ جاتاقحانادا تۇرۋ جاعدايلارىن جاقسارتۋ جٶنٸندەگٸ جاڭا قۇرالداردى تالقىلايدى.
ساپار سوڭىندا وبلىستىڭ جۇمىس اكتيۆتەرٸ مەن بيزنەس ٶكٸلدەرٸمەن كەزدەسۋ ٶتەدٸ. كٷن تەرتٸبٸندە: ٶڭٸردٸ ەلەۋمەتتٸك-ەكونوميكالىق دامىتۋ مەسەلەلەرٸ, ونىڭ ٸشٸندە ينۆەستيتسييالار تارتۋ, شاعىن جەنە ورتا بيزنەستٸ دامىتۋ, يندۋسترييالاندىرۋ, تەحنولوگييالىق جاڭعىرتۋ جەنە يندۋسترييا 4.0, تسيفرلاندىرۋ, جۇمىس ورىندارىن اشۋ جەنە ٶزٸن-ٶزٸ جۇمىسپەن قامتىعانداردى رەسٸمدەۋ مەسەلەلەرٸ.
