الماتى ەكٸمٸ باقىتجان ساعىنتاەۆ مەگاپوليستەگٸ ەپيدەميولوگييالىق جاعدايعا ارنالعان ونلاين بريفينگتە قالانىڭ «قىزىل» ايماققا كٸرۋ سەبەبٸن تٷسٸندٸردٸ, دەپ حابارلايدى "ۇلت اقپارات".
بٸرٸنشٸ سەۋٸردەگٸ جاعداي بويىنشا كوروناۆيرۋس ينفەكتسييانىڭ 595 جاعدايى تٸركەلدٸ,ونىڭ 497-سٸ سيمپتومدى جەنە 98-ٸ سيمپتومسىز.
«قالادا كوروناۆيرۋس بويىنشا ەپيدەميولوگييالىق جاعداي كٷردەلەنە تٷسۋدە. ٶتكەن ايدىڭ باسىنان باستاپ ٸندەتتٸڭ ٷشٸنشٸ تولقىنى باستالدى. وعان سەبەپ مۋتاتسييالانعان شتامداردىڭ پايدا بولۋى», - دەيدٸ ەكٸم.
ونىڭ ايتۋىنشا, مەگاپوليس زەرتحانالارىندا 113 سىنامانىڭ مۋتاتسييا ىقتيمالدىعىنا زەرتتەۋلەر جٷرگٸزٸلدٸ. 63 سىنامادا مۋتاتسييانىڭ جوعارى ىقتيمالدىعى انىقتالدى, ول قالا بويىنشا ورتا ەسەپپەن 56 پايىزدى قۇرادى. 113 سىنامانىڭ 31-ٸنەن بريتاندىق شتامم انىقتالدى.
«سوندىقتان قالادا قاتاڭ شەكتەۋ شارالارى ەنگٸزٸلدٸ. سونىمەن قاتار, مۋتاتسييالانعان شتامداردا قىسقا ينكۋباتسييا كەزەڭٸ بايقالادى. سول ٷشٸن ول بارلىق توپتاعى ادامدارعا, ونىڭ ٸشٸندە 1 جاسقا دەيٸنگٸ بالالارعا دا قاۋٸپ تٶندٸرەدٸ. قازٸرگٸ باستى مٸندەت - كوروناۆيرۋستىڭ جاڭا تولقىنىن توقتاتۋ»,-دەيدٸ باقىتجان ساعىنتاەۆ.
