قازاقستاندىق ٶنەرتاپقىشتار قۇلاققاپپەن مۋزىكا تىڭداۋعا ەۋەس جاياۋ جٷرگٸنشٸلەردٸڭ ٶمٸرٸن ساقتاپ قالۋعا ارنالعان موبيلدٸ قوسىمشاcىن ويلاپ تاپتى.
ەلٸمٸزدە جاياۋ جٷرگٸنشٸلەردٸڭ قاتىسۋىمەن بولاتىن جول اپاتتارى كٶبەيمەسە, ازايماي وتىر. مەسەلەن, استانادا جىل باسىنان 170-تەن استام جول كٶلٸك وقيعاسى تٸركەلگەن.
«زارداپ شەگۋشٸلەردٸڭ ايتارلىقتاي بٶلٸگٸ قۇلاققاپ تاققان جاستار. قۇرىلعىنى قۇلاعىنان شەشپەيتٸن ولار, كٶبٸنە سىرتقى دىبىستى ەستٸمەي, سوڭى قايعىلى جاعدايعا الىپ كەلەتٸن جاعدايعا ۇشىرايدى», – دەيدٸ جول پوليتسيياسى قىزمەتكەرلەرٸ.
استانا قالالىق ٸٸد باسپاسٶز قىزمەتٸنٸڭ جەتەكشٸسٸ سوفيا قىلىشبەكوۆانىڭ اقپاراتىنشا, جول اپاتتارىنىڭ 81-ٸ جاياۋ جٷرگٸنشٸلەردٸڭ كٸنەسىنان بولعان.
«جاياۋ جٷرگٸنشٸلەر كەي كەزدە قۇلاقتارىنا تاسپا كيٸپ الىپ, جان-جاعىنا قاراماي, جولدى كەسٸپ ٶتەدٸ. جٷزدەن استام جاياۋ جٷرگٸنشٸ دەنە جاراقاتىن العان. ونىڭ ٸشٸندە تٸركەلگەن اپاتتىڭ 11-ٸ ٶكٸنٸشكە وراي قايعىلى وقيعامەن اياقتالدى. ەسٸرەسە تەمٸرجول ٶتپەلەرٸنەن ٶتكەندە ٶتە ساق بولۋ كەرەك. ٶيتكەنٸ اۆتوكٶلٸككە قاراعاندا تەمٸرجول كٶلٸگٸ ٶتە قاۋٸپتٸ, تەز توقتاي المايتىن قۇرال بولىپ ەسەپتەلەدٸ», – دەدٸ س.قىلىشبەكوۆا.
قۇلاققاپ تاققان مەلومانداردى كٶشەدە اپاتتاردان ساقتاۋ ماقساتىندا الماتىلىق جاس ٶنەرتاپقىشتار «Safe and Sound» قوسىمشاسىن ويلاپ تاپتى. نازارباەۆ زيياتكەرلٸك مەكتەبٸنٸڭ وقۋشىلارى جەڭگٸر سيرانوۆ پەن جەنٸبەك ماناباەۆ ٶز يننوۆاتسييالارىن جاز مەزگٸلٸندە استانا قالاسىندا ٶتكەن ۇلتتىق روبوتوتەحنيكا وليمپياداسىندا تانىستىرىپ, جٷلدەلٸ ورىندى يەلەنگەن بولاتىن. ولاردىڭ ايتۋىنشا, ەلەمدە بالاماسى جوق موبيلدٸك باعدارلاما بٸراز ادامنىڭ ٶمٸرٸن ساقتاپ قالۋى مٷمكٸن.
«جوبا تۋرالى يدەيا قۇلاققاپ تاققان قىزدى, اۆتوبۋس قاعىپ كەتكەنٸ تۋرالى جاعا ۇستاتارلىق ۆيدەونى كٶرگەننەن كەيٸن پايدا بولدى. ارتىنشا جول اپاتىنىڭ الدىن الۋعا ارنالعان وسىنداي قوسىمشانى 3 ايدىڭ ٸشٸندە ويلاپ تاپتىق», – دەيدٸ جوبا اۆتورلارىنىڭ بٸرٸ جەڭگٸر سيرانوۆ.
جەڭگٸردٸڭ ەرٸپتەسٸ جەنٸبەكتٸڭ ايتۋىنشا, بٷگٸندە موبيلدٸك قوسىمشا جان-جاقتى تەستٸلەنٸپ, جەتٸلدٸرٸلۋدە. ول ەرتٷرلٸ كليماتتىق جاعدايلاردا سىناقتان ٶتكٸزٸلۋدە.
اتاپ ٶتٸلگەندەي, قوسىمشانى ەر قولدانۋشى ٶزٸ پايدالاناتىن قۇلاققاپ باپتاۋلارى بويىنشا ورناتۋى كەرەك. موبيلدٸك قوسىمشا ەۋەندٸ بار داۋىسىندا تىڭداپ كەلە جاتقان ادامعا ٶزٸنە قاراي جٷيٸتكٸگەن كٶلٸكتٸ تۋرالى بٸردەن بەلگٸ بەرەدٸ. ياعني «Safe and Sound» قوسىمشاسى سمارتفوننىڭ دىبىس كٷشەيتكٸشٸن اۆتوماتتى تٷردە باسىپ تاستايدى.
قوسىمشا الداعى 2-3 ايدىڭ كٶلەمٸندە بارشاعا قولجەتٸمدٸ بولادى دەپ جوسپارلانۋدا.
دەرەككٶزٸ: 24.kz
