فوتو: اشىق دەرەككٶز
ستەنداپ-كوميك نۇرلان سابۋروۆ 50 جىل رەسەيگە كٸرۋگە تىيىمعا قاتىستى العاش رەت پٸكٸر بٸلدٸردٸ. ول بۇل تۋرالى Instagram جەلٸسٸ پاراقشاسىنداعى ستوريستەرٸندە جازدى, دەپ حابارلايدى Ult.kz.
سابۋروۆ بۇل ٸسپەن قازٸر زاڭگەرلەر اينالىسىپ جاتقانىن جەتكٸزدٸ.
«بۇل مەسەلەمەن زاڭگەرلەر ٶز دەڭگەيٸندە قۇزىرلى ورگاندارمەن اينالىسىپ جاتىر. ۋاقىت بەرٸن ٶز ورنىنا قويادى», – دەپ جازدى ول.
وسىدان كەيٸن ەزٸلكەش وعان ٷلكەن اۋديتورييا بەرگەن رەسەي فەدەراتسيياسىنا العىس بٸلدٸردٸ.
«مەنٸڭ ستەنداپ-كوميك رەتٸندەگٸ جولىم 15 جىل بۇرىن ەكاتەرينبۋرگتە باستالىپ, كەيٸن مەسكەۋدە جالعاستى. وسى جىلدار ٸشٸندە رەسەيدٸڭ كٶپتەگەن قالاسىندا بولدىم, كەيبٸرٸنە بٸرنەشە رەت باردىم. بارلىق جەردە مەنٸ جىلى ەرٸ دوستىق پەيٸلمەن قارسى الدى. ماعان شىعارماشىلىق تۇرعىدا دامۋعا مٷمكٸندٸك بەرگەن, ەرتٸس رەتٸندە قالىپتاستىرعان ەلگە العىسىم شەكسٸز. رەسەيدە دە, ونىڭ سىرتىندا دا كٶپۇلتتى ٷلكەن اۋديتورييا جينادىم. راقمەت», – دەپ جازدى سابۋروۆ.
سونداي-اق ول جۋرناليستەرگە, بلوگەرلەرگە جەنە بۇقارالىق اقپارات قۇرالدارىنا وتباسىنا قاتىستى جەكە ٶمٸرگە قۇرمەتپەن قاراۋدى ٶتٸندٸ.
ايتا كەتەيٸك, بۇعان دەيٸن نۇرلان سابۋروۆقا رەسەي فەدەراتسيياسىنا 50 جىلعا, ياعني 2076 جىلعا دەيٸن كٸرۋگە تىيىم سالىنعانى حابارلاندى. ريا نوۆوستي مەلٸمەتٸنشە, بۇل شەشٸم «ۇلتتىق قاۋٸپسٸزدٸك مٷددەسٸنە» بايلانىستى قابىلدانعان.
رەسەيلٸك باق دەرەگٸنشە, ەزٸلكەش دۋبايدان مەسكەۋدٸڭ ۆنۋكوۆو ەۋەجايىنا ۇشىپ كەلگەن سەتٸندە شەكارادان ٶتە الماي, ەلگە كٸرۋگە تىيىم سالىنعانى تۋرالى رەسمي قۇجات العان. تىيىم سالۋعا ونىڭ بۇعان دەيٸنگٸ كٶشٸ-قون تالاپتارىن بۇزۋى مەن قارجىلىق وپەراتسييالارىنا قاتىستى كٷدٸكتەر سەبەپ بولۋى مٷمكٸن ەكەنٸ ايتىلۋدا.
قازٸرگٸ ۋاقىتتا سابۋروۆتىڭ رەسەي اۋماعىنداعى مٷلكٸنٸڭ تاعدىرى بەلگٸسٸز.
