گرۋزييانىڭ بۇرىنعى پرەزيدەنتٸ ميحايل سااكاشۆيلي "گرۋزييا تاعدىرى شەشٸلٸپ جاتقان تۇستا ەلدٸ قۇتقارۋ ٷشٸن" 2 قازاندا تبيليسيگە ۇشىپ كەلەتٸنٸن مەلٸمدەدٸ. ول كٷنٸ ەلدە جەرگٸلٸكتٸ سايلاۋ ٶتەدٸ. كەيٸنگٸ كەزدە ۋكراينادا تۇرىپ كەلگەن سااكاشۆيلي تٷرمە قاۋپٸنە قاراماستان, ەلگە ورالاتىنىن ايتتى.
"گرۋزييانىڭ تاعدىرى شەشٸلٸپ جاتىر, گرۋزييانىڭ تاعدىرى قىل ٷستٸندە, سول سەبەپتٸ 2 قازان كەشكە بيلەت الىپ قويدىم. سٸزدەردٸڭ ساياسي تٸلەكتەرٸڭٸزدٸ قورعاۋ ٷشٸن, گرۋزييانى قۇتقارۋ ٸسٸنە قاتىسۋ ٷشٸن ورالامىن" دەدٸ سااكاشۆيلي Facebook'تا جارييالاعان ۆيدەودا. ول سونىمەن بٸرگە ۇشاق بيلەتٸنٸڭ سكرينٸن دە سالىپ قويعان.
پرەمەر-مينيستر يراكلي گاريباشۆيلي "سااكاشۆيلي ەلگە ورالسا, پوليتسييا ونى ۇستاپ ەكەتەدٸ" دەپ مەلٸمدەدٸ.
"گرۋزييا جەرٸنە قادام باسقاننان كەيٸن بٸردەن ۇستالىپ, تٷرمەگە جٸبەرٸلەدٸ" دەدٸ گاريباشۆيلي. ونىڭ سٶزٸنەن "ينتەرفاكس" اگەنتتٸگٸ ٷزٸندٸ كەلتٸردٸ.
2018 جىلى ماۋسىم ايىندا گرۋزين سوتى سااكاشۆيليدٸ "پرەزيدەنت بولىپ تۇرعان تۇستا قىزمەتتٸك ٶكٸلەتٸن اسىرا پايدالاندى" جەنە "پارلامەنت مٷشەلەرٸنٸڭ سوققىعا جىعىلۋىنا قاتىستى دەلەلدەردٸ جاسىرۋعا تىرىستى" دەپ ايىپتاپ, سىرتتاي 6 جىلعا سوتتاعان.
قازٸر گرۋزييادا باسقارۋشى "گرۋزين ارمانى" پارتيياسى مەن سااكاشۆيلي قولدايتىن وپپوزيتسييا اراسىندا جاعداي ۋشىققان. وپپوزيتسييا بىلتىر بيلٸكتٸ پارلامەنت سايلاۋىنىڭ نەتيجەسٸن بۇرمالادى دەپ ايىپتاعان. ال حالىقارالىق باقىلاۋشىلار سايلاۋدىڭ بەسەكەگە ساي جەنە نەگٸزگٸ سايلاۋ قۇقىقتارى ساقتالعانىن ايتقان.
Facebook'تا جارييالاعان ۆيدەوسىندا سااكاشۆيلي جاقتاستارىن كٶشەگە شىعىپ, ساياسي قۇقىقتارى ٷشٸن كٷرەسۋگە ٷندەگەن.
