قازاقستاننىڭ بٸرٸنشٸ, ەلەمنٸڭ 20-راكەتكاسى ەلەنا رىباكينا ۋيمبلدون تۋرنيرٸنٸڭ تٶرتٸنشٸ اينالىمىنا شىقتى, دەپ حابارلايدى "ۇلت اقپارات".
«ٷلكەن دۋلىعا» جارىسىنىڭ 18-راكەتكاسى بولىپ تٸركەلگەن, ٶتكەن ايدا 22-گە تولعان قازاقستاندىق تەننيسشٸ ٷشٸنشٸ اينالىمدا ەلەمنٸڭ 46-راكەتكاسى, امەريكالىق, 28 جاستاعى شەلبي رودجەرسپەن شەبەرلٸك بايقاستى.
بۇعان دەيٸن قارسىلاستار ەكٸ مەرتە كەزدەسٸپ, بٸر-بٸردەن جەڭٸسكە جەتكەن ەدٸ. ٶتكەن جىلى US Open دوداسىندا رودجەرس 7:5, 6:1 ەسەبٸمەن ۇتسا, ەكٸ اپتا بۇرىن رىباكينا بەرليندە ەسە قايىرعان ەدٸ – 2:6, 6:3, 6:4.
ۋيمبلدوندا ٷشٸنشٸ اينالىمدا امەريكالىق سپورتشى كٷتپەگەن جەردەن ەلەمنٸڭ 18-ٸنشٸ, وسى تۋرنيردٸڭ 15-راكەتكاسى, گرەكييالىق مارييا ساككاريدٸ 7:5, 6:4 ەسەبٸمەن ۇتىپ كەتكەن ەدٸ.
بٸرٸنشٸ پارتييادا قوس برەيك جاساعان ەلەنا قارسىلاسىن قينالماي جەڭدٸ – 6:1.
ەكٸنشٸ سەتتە ەسەپ 2:2 بولعان مەزەتتە رىباكينا برەيك جاساپ, ٶز گەيمٸن دە الا بٸلدٸ – 4:2. سودان كەيٸن ماتچتى ەيسپەن بٸتٸردٸ – 6:4.
بٸر ساعات 6 مينۋتقا سوزىلعان بەسەكە بارىسىندا رىباكينا 8, قارسىلاسى بٸر عانا ەيس جاساي الدى. قازاقستاندىق تەننيسشٸ 8 برەيك-پوينتتىڭ ٷشەۋٸن پايدالاندى.
وسىلايشا رىباكينا ۋيمبلدون دوداسىندا العاش رەت ٶنەر كٶرسەتكەنٸنە قاراماستان, تٶرتٸنشٸ اينالىمىنا شىعىپ وتىر.
قازاقستاندىق تەننيسشٸ شيرەك فينالعا شىعۋ ٷشٸن ەلەمنٸڭ تٶرتٸنشٸ, وسى جارىستىڭ 2-راكەتكاسى, بەلارۋس ٶكٸلٸ ارينا سوبولەنكومەن تالاسادى. ول دٷنيەجٷزٸلٸك رەيتينگتە 94-ساتىدا تۇرعان كولۋمبييالىق مارييا-كاميلا وسوريو سەررانونى 6:0, 6:3 ەسەبٸمەن تٸزە بٷكتٸردٸ.
