
قازاقستاندىق ەلەنا رىباكينا پورتوروجدا (سلوۆەنييا) ٶتٸپ جاتقان WTA 250 تۋرنيرٸنٸڭ فينالىندا ٶنەر كٶرسەتتٸ, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
شەشۋشٸ كەزدەسۋدە ۋيمبلدون-2022 جەڭٸمپازى چەحييالىق قارسىلاسى كاتەرينا سينياكوۆادان 7:6, 6:7, 4:6 ەسەبٸمەن ۇتىلدى.
WTA رەيتينگٸندە 25-شٸ ورىندا تۇرعان رىباكينا 180 رەيتينگتٸك ۇپاي مەن 15 950 دوللار جينادى.
وتانداسىمىز ٷشٸن كەلەسٸ تۋرنير توكيوداعى (جاپونييا) جارىس بولماق. 20 قىركٷيەك تاڭەرتەڭ ٶتەتٸن العاشقى كەزدەسۋدە ول رەسەيلٸك ليۋدميلا سامسونوۆامەن وينايدى.