فوتو: قتف
قازاقستان تەننيسشٸسٸ ەلەنا رىباكينا Australian Open-2023 جارىسىنىڭ فينالىنا شىقتى. ول جارتىلاي فينالدا ۆيكتورييا ازارەنكونى (بەلارۋس) جەڭدٸ. وسىلايشا رىباكينا بۇل جارىستىڭ فينالىنا شىققان العاشقى قازاقستاندىق تەننيسشٸ اتاندى, دەپ حابارلايدى ازاتتىق راديوسى.
ماتچ قالاي ٶتتٸ?
بٸرٸنشٸ سەت ٶتە تارتىستى ٶتتٸ. ەكٸ تەننيسشٸ دە ەكٸ رەتتەن برەيك-پوينت جاسادى. سەتتٸڭ اياعىندا رىباكينانىڭ بٸرٸنشٸ دوپ اسىرعانى (first serve) ٶتپەي, كٶپ قاتەلەستٸ. ازارەنكو دا رىباكينادان سوققىلار الىپ, سەت 6:6 بولدى. كەيٸن سەت تايبرەيككە ۇلاسىپ, تايبرەيكتە رىباكينا 7:4 ەسەبٸمەن جەڭدٸ.
ەكٸنشٸ سەت رىباكينا ٷشٸن وڭاي بولدى. ٷش رەت برەيك-پوينت جاساپ, 6:3 ەسەبٸمەن باسىم تٷستٸ. ماتچ كەزٸندە رىباكينا 9 ەيس اسىردى. وسىلايشا ول وسى تۋرنيردە 44 ەيس جاساپ, بۇل كٶرسەتكٸش بويىنشا ليدەر بولىپ تۇر.
ماتچتان كەيٸن رىباكينا جەڭٸسكە جەتكەنٸنە قۋانىشتى ەكەنٸن ايتىپ, باپكەرلەرٸنە العىس بٸلدٸردٸ.
"ەرينە, كوماندام قاتتى قوبالجىپ وتىردى, ولار مەنٸڭ جاقسى ويناعانىمدى قالايدى عوي. بٷگٸنگٸ ويىن قيىن بولدى, سەبەبٸ كٷن سالقىن, دوپ دۇرىس ۇشپادى. اگرەسسييالى ويىن كٶرسەتە المادىم. دەگەنمەن ماتچ سوڭىندا جاقسى ويناپ, جەڭٸسكە جەتكەنٸمە قۋانىشتىمىن. فينالدا دا بارىمدى سالامىن" دەدٸ رىباكينا ماتچتان كەيٸن.
AP Images
وسى ماتچتى كورتتان تاماشالاعان قازاقستاندىق جانكٷيەر ەرٸك ٸليياسوۆ مەلبۋرندە اۋا رايى سالقىنداۋ ەرٸ جەل بولىپ تۇرعانىن, بۇل ەكٸ تەننيسشٸنٸڭ ويىنىنا كەرٸ ەسەر ەتكەنٸن ايتادى.
– مەلبۋرندە بٷگٸن +20 گرادۋس ەرٸ جەل. وسىعان دەيٸن كٷن ىستىق بولعان. ىستىقتا دوپ جەڭٸل ۇشادى. ال جەلدٸ كٷنٸ دۇرىس ۇشپاي قالادى. سوندىقتان بولار, ەلەنا دوپ اسىرعاندا دوبى دۇرىس ۇشپاي جاتتى. جەل ەكٸ ويىنشىعا دا ەسەر ەتتٸ. شەشۋشٸ فاكتور سەنٸمدٸلٸك پەن پسيحولوگييا بولدى. رىباكينا بٸرٸنشٸ سەتتە جەڭٸلٸپ قالار ەدٸ, جيناقتالىپ, تايبرەيكتٸ ٶز پايداسىنا شەشتٸ. ال ەكٸنشٸ سەتتە رىباكينا جيناقى وينادى, ازارەنكونىڭ پسيحولوگيياسى ەلسٸز بولدى, – دەدٸ ٸليياسوۆ .
Grand Slam جارىستارىنىڭ جەتٸ دٷركٸن جەڭٸمپازى, شۆەتسييالىق ارداگەر تەننيسشٸ ماتس ۆيلاندەر Eurosport تەلەارناسىنىڭ ەفيرٸندە "بۇل ويىنىمەن رىباكينا الداعى بەس جىلدا Grand Slam جارىستارىنىڭ ون فينالىنا شىعادى" دەپ بولجادى.
ساراپشىلار وسىعان دەيٸن رىباكينانىڭ دوپ اسىرۋى ٶتە مىقتى دەپ, ونىڭ اسىرعان دوپتارىن توقتاتۋ يا الۋ ٶتە قيىن ەكەنٸن بٸرنەشە رەت اتاپ ٶتكەن.
Wimbledon جارىسىنىڭ 1987 جىلعى جەڭٸمپازى, ۇلىبريتانييالىق پەت كەش ۆۆس راديوسىنىڭ ەفيرٸندە "رىباكينانىڭ ويىنى ٶتە مىقتى, ونىمەن ويناۋ ٶتە قيىن. جٷيكەڭ سىر بەرە باستاعاندا سول سەتتٸ ٶزٸڭە قارسى قولدانىپ كەتەدٸ" دەدٸ.
ەلەنا Australian Open-2023 جارىسىنىڭ فينالىنا شىعاردان بۇرىن امەريكالىق دانيەلا كوللينستٸ (بىلتىرعى فيناليست), ەلەمنٸڭ بٸرٸنشٸ راكەتكاسى, پولشالىق يگا شۆەنتەكتٸ, 2017 جىلى فرانتسيياداعى Roland Garros جارىسىن جەڭگەن لاتۆييالىق ەلەنا وستاپەنكونى جەڭدٸ.
وتانداسىمىز سەنبٸدەگٸ فينالدا ارينا سوبولەنكو (بەلارۋس) پەن ماگدا لينەتت (پولشا) اراسىنداعى ماتچتىڭ جەڭٸمپازىمەن وينايدى.
رىباكينا ەلەمنٸڭ ٷزدٸك ون تەننيسشٸسٸنٸڭ قاتارىنا ەنبەك
وسى جەڭٸسٸنٸڭ ارقاسىندا 23 جاستاعى رىباكينا كەلەسٸ اپتادا ەيەلدەر اراسىنداعى WTA (ەيەلدەر تەننيسٸ حالىقارالىق قاۋىمداستىعى) رەيتينگٸندە توپ-10 تەننيسشٸنٸڭ قاتارىنا ەنبەك. بۇرىن-سوڭدى قازاقستان تەننيسشٸلەرٸ جەكەلەي سىندا ەلەمدٸك رەيتينگٸدە ٷزدٸك وندىققا ەنبەگەن ەدٸ. Australian Open جارىسى باستالعاندا رىباكينا 25-ورىندا تۇرعان. قازاقستاندىق تەننيسشٸ بىلتىر Wimbledon (ۇلىبريتانييا اشىق چەمپيوناتى) جارىسىندا جەڭٸسكە جەتكەن سوڭ ٷزدٸك وندىققا ەنۋٸ كەرەك ەدٸ. بٸراق WTA ۇلىبريتانييا ٷكٸمەتٸ جارىسقا رەسەي مەن بەلارۋس تەننيسشٸلەرٸن قاتىستىرماعان سوڭ, رەيتينگٸگە ۇپاي بەرۋدەن باس تارتقان.
33 جاستاعى ازارەنكو قازٸر رەيتينگٸنٸڭ 24-ورنىندا. بەلارۋس تەننيسشٸسٸ 2012- 2013 جىلدارى وسى Australian Open جارىسىندا جەڭٸسكە جەتكەن ەدٸ.
رىباكينا بىلتىر جازدا لوندونداعى Wimbledon جارىسىندا جەڭٸسكە جەتكەننەن كەيٸن جانكٷيەرلەر اراسىندا تانىلا باستاعان. سول كەزدە رىباكينانىڭ "Grand Slam جارىسىندا جەڭگەن العاشقى قازاقستاندىق تەننيسشٸ" ەكەنٸ دە, ونىڭ رەسەي ازاماتتىعىنان باس تارتىپ, قازاقستان اتىنان جارىسقا قاتىسا باستاعانى ايتىلعان. رەسەي جۋرناليستەرٸ مەن تەننيس شەنەۋنٸكتەرٸ رىباكينانى "بٸزدٸڭ ٶنٸم" دەگەنٸ قازاقستاندا قارسىلىققا ۇشىراعان. تەننيسشٸنٸڭ ٶزٸ "قازاقستان بولماسا, مەن قازٸر بۇل جەڭٸسكە جەتە الماس ەدٸم" دەگەن. رەسەيدە تۋعان رىباكينا قازاقستان تەننيس فەدەراتسيياسىنىڭ پرەزيدەنتٸ, ميلليونەر بولات ٶتەمۇراتوۆتىڭ شاقىرۋىمەن قازاقستانعا كەلگەن ەدٸ.
ۆيدەو: ازاتتىق راديوسى
رۋسلان مەدەلبەك
