فوتو: ktf.kz
ەلٸمٸزدٸڭ بٸرٸنشٸ, ەلەمنٸڭ 10-راكەتكاسى ەلەنا رىباكينا اقش-تاعى ينديان-ۋەللستە ٶتٸپ جاتقان ATP Masters 1000 ساناتىنداعى تۋرنيردٸڭ فينالىنا شىقتى, - دەپ حابارلايدى "ۇلت اقپارات".
قازاقستان تەننيس فەدەراتسيياسىنىڭ جازۋىنشا, رىباكينا جارتىلاي فينالدا ەلەمنٸڭ 1-راكەتكاسى, پولشا ٶكٸلٸ يگا شۆەنتەكپەن شەبەرلٸك بايقاستى. ولار وسىعان دەيٸن ٷش رەت كەزدەسٸپ, سونىڭ ەكەۋٸندە قازاقستاندىق تەننيسشٸ جەڭگەن ەدٸ.
بۇدان ەكٸ اي بۇرىن ەلەنا اۋسترالييا اشىق چەمپيوناتىندا ەلەمنٸڭ 1-راكەتكاسىن 6:4, 6:4 ەسەبٸمەن تٸزە بٷكتٸرگەن.
بۇل جولى بٸرٸنشٸ پارتييادا وتانداسىمىز برەيكپەن العا شىقتى. سودان كەيٸن تاعى بٸر برەيكپەن اياقتادى – 6:2. رىباكينا ەكٸنشٸ سەتتٸ دە برەيكپەن باستادى – 2:0. تاعى بٸر برەيك – 4:0. سودان كەيٸن ەسەپ 5:1 بولىپ, ٶزٸ دوپ بەرگەندە, ەكٸ ماتچبولىن پايدالانا المادى. دەگەنمەن ماتچتى تاعى بٸر برەيكپەن تەمامدادى – 6:2.
وسىلايشا ەلەنا 1 ساعات 15 مينۋتقا سوزىلعان ويىندا 7 ەيس جاساپ, 5 برەيك-پوينتتى تٷگەل ٶز ەسەبٸنە جازدى. قارسىلاسى 1 ەيس, 1 برەيكپەن كٶزگە تٷستٸ.
قازاقستاندىق تەننيسشٸ ەلەمنٸڭ بٸرٸنشٸ راكەتكاسىن ايقىن باسىمدىقپەن ۇتىپ, سپورتتىق كارەراسىندا العاش رەت ينديان-ۋەللس جارىسىنىڭ (جٷلدە قورى – 8,8 ميلليون اقش دوللارى) فينالىنا ٶتتٸ.
ول سوڭعى بەسەكەدە ەلەمنٸڭ 2-راكەتكاسى, بەلورۋسسييالىق ارينا سوبولەنكومەن باس جٷلدەنٸ ساراپقا سالادى. ارينا جارتىلاي فينالدا ەلەمنٸڭ 7-راكەتكاسى, گرەكييالىق مارييا ساككاريدٸ جولدان تايدىردى – 6:2, 6:3.
