دەنساۋلىق ساقتاۋ مينيسترٸ ەلجان بٸرتانوۆ زاڭ اياسىندا ادام اعزالارىن الۋ قالاي جٷزەگە اسىرىلاتىنىن تٷسٸندٸردٸ, دەپ حابارلايدى Sputnik قازاقستان.
"بٸزدٸڭ زاڭ بويىنشا ەر ازامات كٶزٸ تٸرٸسٸندە جازباشا تٷردە دونور بولۋدان باس تارتسا, وندا ورگاندارىن المايدى. باسقا جاعدايدا ەگەر جازباشا باس تارتقانى تۋرالى قاعاز بولماسا, ول ادامنىڭ اعزالارىن الۋعا زاڭ جٷزٸندە رۇقسات ەتٸلەدٸ", - دەدٸ بٸرتانوۆ جۋرناليستەرگە بەرگەن سۇحباتىندا.
مينيستردٸڭ ايتۋىنشا, بٷگٸندە دونوردى كٷتٸپ جٷرگەن ناۋقاستار كٶپ. ال قازٸرگٸ نورمانىڭ ارقاسىندا بٸراز ادامنىڭ ٶمٸرٸن ساقتاپ قالۋعا بولادى.
"بٸراق كەيدە تۋعان-تۋىستار سوتقا بەرەدٸ. نەگە بٸزدەن رۇقسات الماي, اعزانى الاسىز دەپ شاعىمدانادى. نەگٸزٸ, زاڭ بويىنشا رۇقسات الۋدىڭ قاجەتٸ جوق. ادام تٸرٸ كەزٸندە قارسى ەكەنٸن جازىپ كەتۋٸ كەرەك. مىسالى, بٷگٸندە تسيفروۆيزاتسييا اياسىندا ەمحاناعا تٸركەلگەندە ەر ازاماتقا دونور بولۋعا كەلٸسەسٸز بە, ەلدە باس تارتاسىز با دەپ ۇسىنىس جاسالادى. كٶپ ازاماتتار كەلٸسەدٸ. بٸز وسىنى پايدالانىپ, باسقا ادامداردىڭ ٶمٸرٸن ساقتاپ جٷرمٸز", - دەپ اتاپ كٶرسەتتٸ بٸرتانوۆ.
