بەلارۋس ەلٸنٸڭ ۆيتەبسك قالاسىندا ٶتكەن «سلاۆيان بازارى» كونكۋرسىنىڭ جەڭٸمپازى رۋحييا بايدٷكەندٸ نۇر-سۇلتان ەۋەجايىنان ۇستازدارى مەن جاقىندارى كٷتٸپ الدى, دەپ حابارلايدى قازاقپارات.
قازاق ۇلتتىق ٶنەر ۋنيۆەرسيتەتٸنٸڭ وقىتۋشىسى ەلەنا ۆولوۆيكوۆا جەڭٸمپاز شەكٸرتٸن قارسى الۋ كەزٸندە ونىڭ بەلارۋس جەرٸندە كٶرسەتكەن ٶنەرٸنە باعا بەردٸ.
«رۋحييا بۇل جولى ەن ورىنداۋ كەزٸندە باتىس تەحنيكاسىن قولداناتىن كرەاتيۆتٸ مۋزىكانت, ۆوكاليست بولۋىمەن سۋىرىلىپ شىقتى. ونىڭ كٶرسەتكەن ٶنەرٸ سان قىرلى بولدى. بۇل – ۆوكاليستٸڭ قانشالىقتى كەسٸبي ەكەنٸدٸگٸنٸڭ كٶرسەتكٸشٸ. ول ەرتٷرلٸ ەدٸستەردٸ قولدانا الادى, جاي ەن ايتىپ قانا قويماي, ٶزگەرٸپ وتىرادى. ال ونداي دەڭگەيدٸڭ ار جاعىندا تىنىمسىز ەرٸ تٷپسٸز ەڭبەك جاتىر. تۋا بٸتتٸ تالانت سەتتٸلٸككە 50% عانا سەپ بولا الادى. قالعانى – ەڭبەكتٸڭ ارقاسى. ياعني, كٷندەلٸكتٸ ساباق پەن كٷندەلٸكتٸ جاتتىعۋلار جەمٸسٸن بەرٸپ جاتىر. بۇل جەڭٸسكە ول بٸر كٷندە جەتە سالعان جوق. بالا كٷنٸنەن بەرٸ وسىنداي بيٸككە ٶرمەلەپ, تىرمىسىپ جەتتٸ», - دەدٸ ەلەنا ۆولوۆيكوۆا.
كەسٸبي مامان ەندٸ رۋحييا بايدٷكەنوۆاعا ٶز ەلەۋەتٸن اشاتىن جاقسى ەن جازعىزىپ, سوعان بەينەكليپ شىعارۋ كەرەكتٸگٸن ايتادى.
«ول ەر ۆوكاليستٸڭ قولىنان كەلە بەرمەيتٸن قيىن ەندەردٸ ايتۋ ارقىلى جوعارى دەڭگەي كٶرسەتتٸ. رۋحييا بۇل مەجەنٸ باعىندىردى. كٷردەلٸ ەندەردٸ مٸنسٸز ورىنداپ قانا قويماي, ولارعا جاڭا ەر بەردٸ. ياعني تانىمال ەندەرگە ٶز جانىنان مازمۇن قوستى. ونىڭ ورىنداۋ مەنەرٸندە سۋرەتشٸنٸڭ قولتاڭباسى بار. ول شىرقاعان ەندەر مٷلدەم باسقا بوياۋلارمەن قانىعىپ شىعا كەلەدٸ», - دەدٸ ۆولوۆيكوۆا.
ايتا كەتەيٸك, 14 مەملەكەتتەن كەلگەن قاتىسۋشى سلاۆيان ەلٸنەن شىققان كومپوزيتوردىڭ تۋىندىسىن سلاۆيان توبىنا جاتاتىن تٸلدٸڭ بٸرٸندە وركەستردٸڭ سٷيەمەلدەۋٸمەن ورىندادى. بايقاۋ نەتيجەسٸندە جەرلەسٸمٸز گران-پري يەگەرٸ اتانىپ, «التىن ليرا» مٷسٸنشەسٸمەن بٸرگە 20 مىڭ اقش دوللارىنا يە بولدى.
بايقاۋ جەڭٸمپازى رۋحييا بايدٷكەندٸ مەملەكەت باسشىسى قاسىم-جومارت توقاەۆ ارنايى قۇتتىقتادى.
«بايقاۋعا جالعىز ٶزٸم باردىم. الدىمەن بەلارۋس استاناسى مينسكٸدە پرەزيدەنت وركەسترٸمەن دايىندىق ٶتكٸزدٸك, سوسىن ۆيتەبسكٸگە باردىق. بايقاۋ ەكٸ كٷنگە سوزىلدى, جەڭٸسكە جەتەتٸنٸمە العاشىندا كٷمەنداندىم, سەبەبٸ قارسىلاستارىم مىقتى بولدى. دەگەنمەن بارىنشا ٶزٸمە سەنٸمدٸلٸك تانىتتىم», - دەيدٸ ول.
