«رۋحاني جاڭعىرۋ» باعدارلاماسىنان مازمۇنى تاياز كٶپتەگەن شارا الىنىپ تاستالدى

«رۋحاني جاڭعىرۋ» باعدارلاماسىنان مازمۇنى تاياز, ماقساتى سۇيىق كٶپتەگەن شارالار الىنىپ تاستالدى. بۇل تۋرالى قر اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ ايتتى, دەپ حابارلايدى قازاقپارات.

«3 جىلدا «رۋحاني جاڭعىرۋ» باعدارلاماسىن باسقارۋدىڭ ينستيتۋتسيونالدىق نەگٸزٸ تولىقتاي قالىپتاستىرىلدى. بارلىق ٶڭٸردە جوبالىق كەڭسەلەلەر اشىلىپ, ەر جەردٸڭ ەرەكشەلٸگٸنە بايلانىستى مازمۇندى جوسپارلار قۇرىلدى. ەرينە, كەز كەلگەن باستامانىڭ باياندىلىعى بۇل سول باستاماعا جاناشىر مامانعا بايلانىستى. سوندىقتان دا بۇل مەسەلەگە ٷلكەن كٶڭٸل بٶلٸنٸپ كەلەدٸ. وسىعان وراي مينيسترلٸك جانىنان ارنايى قوعامدىق دامۋ ينستيتۋتىنىڭ قىزمەتٸ جولعا قويىلدى. وعان عىلىمي-ساراپتامالىق مٸندەتتەن بٶلەك ٶڭٸرلٸك كەڭسەلەلەردەگٸ ماماندارعا ەدٸستەمەلٸك كٶمەك كٶرسەتۋ جۇمىسى جٷكتەلگەن بولاتىن», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا. 

ونىڭ اتاپ ٶتۋٸنشە, باعدارلامانىڭ 6 باعىت بويىنشا 13 جوبا بەكٸتٸلٸپ, ولاردىڭ اياسىندا ونداعان مىڭ شارالار ٶتتٸ. 

«ەرينە, بۇل جەردە بٸز ٷشٸن ماڭىزدىسى سان ەمەس, ساپا. ٶيتكەنٸ, تەجٸريبە كٶرسەتكەندەي كەيبٸر جەرلەردە ەسەپتٸلٸك, ناۋقانشىلىق سيياقتى ٷردٸستەر ورىن العانى جاسىرىن ەمەس. بۇل تۋرالى جىل باسىندا ٶتكەن مەملەكەتتٸك كوميسسييانىڭ وتىرىسىندا ناقتى ايتىلدى. نەتيجەسٸندە ٶڭٸرلەردەگٸ بارلىق ٸس-شارالارعا قايتا تالداۋ جاسالىپ, رۋحاني جاڭعىرۋعا مٷلدەم قاتىسى جوق, مازمۇنى تاياز, ماقساتى سۇيىق كٶپتەگەن شارالار الىنىپ تاستالدى. مەسەلەن, بىلتىرعى جىلدىڭ جوسپارىندا 229 ٸس-شارا كٶزدەلگەن بولسا, بيىل بارلىعى - 97 تارماق. بۇل جەردە تاعى دا قايتالاپ ايتايىن, ٸس-شارالاردىڭ ساپاسىنا ٷلكەن مەن بەرٸلٸپ وتىر», - دەدٸ بولات تٸلەپوۆ. 

ۆيتسە-مينيستر بۇل مٸندەتتٸ شەشۋ ٷشٸن ولاردى جٷزەگە اسىرۋدىڭ 3 باعىتى بەلگٸلەنگەندٸگٸن ايتتى. 

«بٸرٸنشٸ باعىت - تۇلعالىق دامۋ. ياعني, وعان بٸلٸمنٸڭ سالتانات قۇرۋى, بەسەكەگە قابٸلەتتٸلٸك, سانانىڭ اشىقتىعى, پراگماتيزم سيياقتى قاعيداتتار كٸردٸ. ەكٸنشٸ باعىت - بۇل ۇلتتىق بٸرەگەيلٸك پەن حالىقارالىق مەرتەبەنٸ ارتتىرۋ. ٷشٸنشٸ باعىت - مەملەكەتتٸڭ, ازاماتتىق قوعامنىڭ جەنە جەرگٸلٸكتٸ قوعامداستىقتاردىڭ دامۋى. ال ەندٸ وسىنىڭ بارلىعىن ٸسكە اسىرۋ ٷشٸن ورتالىق مەملەكەتتٸك ورگاندار مەن جەرگٸلٸكتٸ اتقارۋشى ورگاندارعا ارنايى ۇسىنىمدار ەزٸرلەنٸپ, جەتكٸزٸلدٸ», - دەدٸ ول.