قاي زاماندا دا ەلدٸڭ بٸرلٸگٸ مەن تۇراقتىلىعىنا سىزات تيگٸزۋ ٷشٸن ەلدٸڭ مەدەنيەتٸنە, دٸنٸنە, قۇندىلىقتارىنا ٸشتەي ٸرٸتكٸ سالىپ وتىرۋ قىزىعۋشى تاراپ ٷشٸن تيٸمدٸ بولعان. سەبەبٸ قوعامنىڭ رۋحاني ازعىنداعان, جۇتاڭداعان كەزٸندە ەكونوميكا, شارۋاشىلىق, ٶندٸرٸس جەنە ت.ب ٶركەنيەتكە اپاراتىن ماڭىزدى سالالار نازاردان تىس قالىپ, ەلدٸڭ ەكونوميكالىق جەنە نارىقتىق دەڭگەيٸنٸڭ قۇلدىراۋىنا ەكەلەدٸ.
جالپى ادامزات ٶز تاريحىندا قۇپييالاردى اشۋعا, ٶمٸردٸڭ مەنٸن تٷسٸنۋگە ۇدايى ۇمتىلىپ وتىرعان. ۇلى دالا كٶشپەندٸلەرٸنٸڭ فيلوسوفيياسى دا وسىنى بايقاتادى. مىسالعا, قورقىت اتانىڭ ٶلٸمنەن قاشۋىندا, اسان قايعىنىڭ جەرۇيىقتى ٸزدەۋٸندە ٷلكەن فيلوسوفييالىق مەن جاتىر.
ال قازٸرگٸ تاڭدا زامان اعىمىنىڭ ٸلگەرٸ باسۋىنان حالىق ەلەۋمەتتٸك قامتىلۋدى بٸرٸنشٸ ورىنعا قويىپ, تٸرشٸلٸك قامىن ويلاپ, جانتالاسا ەڭبەكتەنۋدە. ەرينە, ەڭبەك تٷبٸ – بەرەكە ەكەنٸ راس. الايدا, ادام رۋحى ازىقتانباسا, بارلىعى ماردىمسىز. رۋحاني ازىعىن تولىقتىرا الماعان ادام ازعىنداپ, ٶمٸردەن تٷڭٸلٸپ كەتۋگە دەيٸن بارادى. رۋحاني جۇتاڭدىقپەن كٷرەستٸڭ بٸردەن-بٸر جولى دانالىق شىعارمالارىن وقىپ, كٶكٸرەك كٶزٸن اشۋ, ٷنەمٸ ٶز-ٶزٸن جەتٸلدٸرٸپ وتىرۋ. رۋحاني بوستىقتى تولتىرۋ جولىندا قانشاما جاستار دۇرىس باعىتتى تابا الماي, تەرٸس دٸننٸڭ ارباۋىنا تٷسٸپ كەتتٸ. جات اعىمداردىڭ ارباۋشىلارى سول ادامداردىڭ پسيحولوگييالىق كٷيزەلٸستەگٸ سەتٸن پايدالانىپ, قيىن سەتتەردە قولداپ, قول ۇشىن بەردٸ.
مٸنە, بۇل اقشا تابۋدىڭ قامىندا جٷرگەن, بالا تەربيەسٸنە كٶڭٸل بٶلۋگە, بالاسىمەن سىرلاسۋعا ۋاقىت تاپپاعان اتا-انالاردىڭ كٶرگەن سالدارى. وتباسىلىق ينستيتۋتتىڭ قۇلدىراۋى, ەلەۋمەتتٸك جاعدايدىڭ تٶمەندٸگٸ, جاستاردىڭ كٶرسە قىزىعار ينستاگرامم پاراقشالارىنان اۋقاتتى ٶمٸر سٷرۋدٸ اڭساپ, سونى بٸرٸنشٸ ورىنعا قويۋى, ولاردىڭ جەڭٸل جولمەن اقشا تابۋعا ەۋەستەنۋٸ, ۇرلىق پەن ارباۋدان قۇرالعان ساۋدا-ساتتىقپەن اينالىسۋى - مٸنە وسىلار بٷگٸنگٸ رۋحاني ازعىنداۋ كٶرٸنٸستەرٸ. مۇنىڭ بارلىعىنا قارسى يممۋنيتەت قالىپتاستىرۋ اتا-انا نەمەسە اسىراۋشىنىڭ بالا ساناسىندا قۇندىلىقتار جٷيەسٸ تۋرالى دۇرىس تٷسٸنٸك ورنىقتىرۋىنا بايلانىستى بولادى جەنە تەلٸم الۋشى ۇرپاققا ۇستازداردىڭ بٸلٸم بەرۋدە ٶمٸردەگٸ باستى قۇندىلىقتار جٷيەسٸن تٷسٸندٸرۋٸن قاجەت ەتەدٸ.
ەلٸمٸزدٸڭ بولاشاعى – جاستاردى دۇرىس تەربيەلەۋدە,قاجىماي-تالماي ەڭبەك ەتۋٸمٸز قاجەت. سەبەبٸ جارقىن بولاشاققا قادام باسۋ مەن ٶركەندەۋ سالاۋاتتى, سانالى ۇرپاق تەربيەلەۋدەن باستالادى..
2017 جىلدىڭ 14 سەۋٸرٸندەگٸ ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ەكونوميكالىق دامۋ مەن رۋحاني دامۋ قاتار ايتىلعان. ول ۇلتتىق قۇندىلىقتارعا باۋليتىن تٷرلٸ باعدارلامالاردان كٶرٸنٸس تاۋىپ وتىر. اتا-بابا دەستٷرٸن, جەدٸگەرلەرٸن ساقتاپ, قۇندىلىقتارىن جاڭعىرتۋ – رۋحاني جاڭعىرۋدىڭ باستى قادامى.
رۋحاني جاڭعىرۋ ماقالاسى رۋحاني جۇتاڭدىققا تٶتەپ بەرەر جاڭا قادامعا اينالدى. سەبەبٸ بۇل ماقالا جارىق كٶرگەن كٷننەن باستاپ بٸر جىل بويى تولاسسىز جۇمىستار اتقارىلىپ كەلەدٸ. حالىقتىڭ اتا-بابا تۋىندىلارى مەن اسىل مۇرالارىمەن جاقىن تانىسۋىنا كەڭ جول اشىلىپ, رۋحانيياتىمىزعا جاڭا تىنىس بەرٸلگەندەي بولدى. الدا بۇل باعدارلاما بويىنشا كٶپتەگەن مازمۇندى ٸس-شارالار ٶتكٸزۋ جوسپارلانعان.
ەر قازاق شاڭىراعى تٶرٸنەن ۇلتتىق مۇرامىز ورىن السا, بولاشاق ۇرپاقتار ساباقتاستىعىنا ايتارلىقتى ٷلەس قوساتىنى انىق. بۇل ٶز كەزەگٸندە جاستارىمىزدى رۋحاني جاڭعىرتىپ,ۇلتتىق تابيعاتىمىزدان تىس قاسيەتتەر مەن ەرەكەتتەردەن ساقتارى انىق. ەسٸرەسە, قازٸرگٸ تاڭنىڭ قاسٸرەتٸ – جاستاردىڭ جات اعىمدارعا ٶتٸپ كەتۋٸنەن بەرٸك قورعانىش بولارى ايقىن. سەبەبٸ ٶز بابالارىنىڭ دٸنٸ, سالتىن بٸلگەن جەنە ونى تٷسٸنگەن كەمەل ۇرپاق باسقا جولدى تاڭداۋ تۇرماق, تٸپتٸ ونداي كٷدٸكتٸ ويعا دا بارمايدى.
ەلٸمٸزدٸ ٶرگە باستىراتىن ۇرپاق تەربيەلەۋ ۇلت موينىنداعى امانات دەپ قابىلداۋ ماڭىزدى. سول بابالار اماناتىنا قييانات جاساماي, جٷزەگە اسىرۋ ٷشٸن ۇرپاق ساباقتاستىعىن ٷزبەي, كەلەشەگٸ كەلٸستٸ ۇرپاقتىڭ تەربيەسٸنە ەر قايسىسىمىز جاۋاپ بەرە الۋىمىز كەرەك.
رۋحاني جاڭعىرۋ باعدارلاماسىنىڭ قورىتىندى سٶزٸندە ەلباسىمىز «جاڭا جاعدايدا جاڭعىرۋعا جەگەن ٸشكٸ ۇمتىلىس – بٸزدٸڭ دامۋىمىزدىڭ ەڭ باستى قاعيداسى. ٶمٸر سٷرۋ ٷشٸن ٶزگەرە بٸلۋ كەرەك. وعان كٶنبەگەندەر تاريحتىڭ شاڭىنا كٶمٸلٸپ قالا بەرەدٸ» دەپ تٷيٸندەۋٸندە ٷلكەن سەبەپ بار. رۋحاني جاڭعىرۋ ول ٶتكەن بابالار زامانىنا ورالىپ دەل سولار كەشكەن زامانداعىداي اقپاراتتىق تەحنولوگييا نەمەسە زاماناۋي قۇرىلعىلارسىز ٶمٸر سٷرٸپ, جايلاۋعا ورالىپ قالا تىنىسىنان, زاماناۋي دٷنيەلەردەن جىراقتانۋ ەمەس. كەرٸسٸنشە, زامان اعىمىنا ساي بولا وتىرىپ, زاماناۋي قازاقتىڭ وزىق بەينەسٸن قالىپتاستىرۋ قاجەت. بۇل ۇلتىمىزعا تەن بارلىق تاريحي, ەدەبي ت.ب اسىل جەدٸگەرلەرٸمٸزدٸ باعالاپ, ونى تٷيسٸنٸپ, سانامىزعا بەرٸك سٸڭٸرۋ ارقىلى جٷزەگە اسپاق.
گ.قالاباي,
قر دٸن ٸستەرٸ جەنە ازاماتتىق قوعام مينيسترلٸگٸ دٸن ٸستەرٸ كوميتەتٸ دٸن مەسەلەلەرٸ جٶنٸندەگٸ عىلىمي-زەرتتەۋ جەنە تالداۋ ورتالىعىنىڭ اعا عىلىمي قىزمەتكەرٸ
.jpg)