مەدەنيەت جەنە سپورت مينيسترٸ اقتوتى رايىمقۇلوۆا «كارانتيندەگٸ جۇلدىز» جوباسى جالعاساتىنىن مەلٸم ەتتٸ, دەپ حابارلايدى قازاقپارات.
«مەدەنيەت جەنە سپورت مينيسترلٸگٸ ەلدە تٶتەنشە جاعداي جارييالانعالى بەرٸ ٶنەر مەن سپورتتىڭ بارشاعا قولجەتٸمدٸلٸگٸن قامتاماسىز ەتۋ ماقساتىندا ونلاين نۇسقاداعى جۇمىس تەرتٸبٸنە كٶشتٸ. بارلىق رەسپۋبليكالىق ٶنەر وشاعى كەستەگە سەيكەس كٷن سايىن قويىلىمدارىن ونلاين-رەجٸمدە ٶز سايتتارىندا, You Tube ارنالارى مەن ەلەۋمەتتٸك جەلٸلەردە جارييالاپ كەلەدٸ. جالپى رەسپۋبليكا بويىنشا مەدەنيەت جەنە سپورت مەكەمەلەرٸنٸڭ 90 پايىزىنا جۋىعى قاشىقتان جۇمىس رەجيمٸنە اۋىستىرىلدى. كٷن سايىن تاڭعى 08-00-دەن باستاپ كەشكٸ 09-00-گە دەيٸن مەدەنيەت جەنە سپورت سالاسىنىڭ ٶكٸلدەرٸ قازاقستاندىقتارعا ٷيدەن شىقپاي, بوي جازۋ جاتتىعۋلارىن جاساپ, تٷرلٸ كەزدەسۋلەر, لەكتسييالار, كونتسەرتتەر ٶتكٸزٸپ كەلەدٸ», - دەدٸ مينيستر وكق-دا ٶتكەن باسپاسٶز مەسليحاتىندا.
اقتوتى رايىمقۇلوۆانىڭ ايتۋىنشا, كەشكٸ ۋاقىتتا مەدەنيەت مايتالماندارى كٶرەرمەندەرگە ەسەم ەندەرٸ مەن ەۋەزدٸ كٷيلەرٸن ارناۋدا.
«جالپى مينيسترلٸكتٸڭ باستاماسىمەن قولعا الىنعان جاڭا فورماتتاعى جۇمىس تەرتٸبٸ بٷگٸن دە جالعاسىپ, قازٸر جەرگٸلٸكتٸ ٶنەرپازداردىڭ قاتىسۋىمەن ونلاين كەزدەسۋلەر مەن لەكتسييالار, كونتسەرتتەر ٶتٸپ جاتىر. سوڭعى 10 كٷندە 600-گە جۋىق ونلاين-شارا ٶتكٸزٸلدٸ. بۇل رەتتە باستالعانىنا كٶپ بولماسا دا كٶرەرمەننٸڭ ىستىق ىقىلاسىنا بٶلەنگەن «كارانتيندەگٸ جۇلدىز» جوباسى تۋرالى ايتقىم كەلەدٸ. 23 ناۋرىزدا العاشقى ەفيرٸ شىققالى بەرٸ «قازاقتەلەكوم» بٸرلەسٸپ, ٶتكٸزٸپ كەلە جاتقان كونتسەرتتەر LIVE فورماتىندا ۇيىمداستىرىلىپ كەلەدٸ. كەش بارىسىندا قازاقستاندىقتار ەلەۋمەتتٸك جەلٸلەر ارقىلى ٶنەر جۇلدىزدارىمەن تٸكەلەي سۇحباتتاسۋدا. وسى جوبا باستالعالى بەرٸ جۇبانىش جەكسەنۇلى, سەكەن مايعازيەۆ, جەڭٸس سەيدۋللاۇلى, مەدەۋ ارىنباەۆ, عادٸلبەك جاناي, نۇرجان كەرمەنباەۆ, روزا رىمباەۆا سيياقتى جۇلدىزدارىمىز ٶنەرٸن حالىققا ارنادى»- دەد ول.
اقتوتى رايىمقۇلوۆا بۇل رەتتە روزا قۋانىشقىزىنىڭ ٶنەرٸن مەملەكەت باسشىسى جوعارى باعالاعانىن ەسكە سالدى.
«بۇل بٸزگە ٷلكەن ابىروي جٷكتەيتٸن زور جاۋاپكەرشٸلٸك. اڭداتپا رەتٸندە ايتا كەتسەك, كٶرەرمەننٸڭ سۇراۋى بويىنشا قازاقستاننىڭ حالىق ەرتٸسٸ بٷگٸن دە ەكٸنشٸ ونلاين كونتسەرتٸن ۇسىنادى», - دەدٸ مينيستر.
