قر پرەمەر-مينيسترٸنٸڭ ورىنباسارى رومان سكليار جۇمىس ساپارىمەن اقتٶبە وبلىسىنا باردى, - دەپ حابارلايدى primeminister.kz.
رومان سكليار «جۇمىسپەن قامتۋدىڭ جول كارتاسى» باعدارلاماسىنىڭ ٶڭٸردە جٷزەگە اسىرىلۋىمەن, جەرگٸلٸكتٸ ماڭىزى بار جولداردىڭ قۇرىلىس بارىسىمەن تانىستى.
وبلىس باسشىلىعى اۆتوجول قۇرىلىسى بويىنشا شارالار جەنە الداعى كەزەڭگە ارنالعان جوسپارلار تۋرالى باياندادى.
اعىمداعى جىلى قابىلدانعان شارالار اياسىندا ٶڭٸردە 800 كم جول سالۋ جەنە جٶندەۋ جوسپارلانعان.
جۇمىسپەن قامتۋ جول كارتاسى شەڭبەرٸندە 302 جوبا ٸسكە اسىرىلۋدا. بۇل ماقساتقا 46 ملرد تەڭگەدەن استام قارجى بٶلٸندٸ. 12 مىڭعا جۋىق جۇمىس ورنىن قۇرۋ جوسپارلانۋدا.
ٷكٸمەت دەلەگاتسيياسى 110 پەتەرلٸ «باتىس-2» شاعىناۋدانىنداعى تۇرعىن ٷي كەشەنٸنٸڭ قۇرىلىس بارىسىمەن تانىستى. مۇندا مەكتەپكە دەيٸنگٸ مەكەمەلەردٸ, ساۋدا نٷكتەلەرٸن, بالالاردىڭ شىعارماشىلىعىن دامىتۋ ورتالىعىن سالۋ قاراستىرىلعان.
رومان سكليار سونداي-اق ۇزىندىعى 696 مەتر بولاتىن سەلماش اۋدانىنداعى كٶپٸردٸ ارالاپ كٶردٸ. مۇندا قۇرىلىس-مونتاجداۋ جۇمىستارى 2018 جىلى باستالعان, 2020 جىلدىڭ سوڭىندا اياقتالاتىن بولادى.
بۇدان باسقا, ساپار بارىسىندا «اقتٶبە – اتىراۋ – رف شەكاراسى (استراحان)» رەسپۋبليكالىق ماڭىزى بار اۆتوموبيل جولىنىڭ 100-160 كم, 160-220 كم, 236-275 كم, 275-330 كم قۇرىلىس بارىسى تەكسەرٸلدٸ. كەڭەس بارىسىندا «Todini Costruzioni Generali S.p.A» جەنە «Uniserv» جۇس, «سپيك اككورد» ااق مەردٸگەرلٸك ۇيىمدارىنىڭ جەنە ينجەنەرلٸك قىزمەتتەردٸڭ باسشىلارى جول جۇمىستارىنىڭ بارىسى تۋرالى اقپارات بەردٸ.
جۇمىس ساپارىنىڭ قورىتىندىسى بويىنشا رومان سكليار قويىلعان مٸندەتتەردٸ جٷزەگە اسىرۋدىڭ ماڭىزدىلىعىن اتاپ ٶتتٸ جەنە بەلگٸلەنگەن جوسپارلاردى ورىنداۋ بويىنشا بٸرقاتار ناقتى تاپسىرمالار بەردٸ.
