تەرەكتٸ اۋدانى پوليتسييا بٶلٸمٸ باستىعىنىڭ ورىنباسارى جول اپاتىنا سەبەپشٸ بولدى. وقيعا ورنىندا بٸر ادام قايتىس بولدى, تاعى ەكەۋٸ جاراقات الدى. پوليتسەي رٶلگە ماس كٷيٸندە وتىرعان, دەپ حابارلايدى Sputnik قازاقستان اگەنتتٸگٸ "موي گورود" پورتالىنا سٸلتەمە جاساپ.
رەسمي مەلٸمەتكە سەيكەس, جول اپاتى 1 جەلتوقسان كٷنٸ كەشكٸ ساعات 19:00-دٸڭ شاماسىندا بولعان. ورال-تاسقالا جولىنىڭ 46-شى شاقىرىمىندا Lada Largus پەن Hyundai Accent بەتپە-بەت سوقتىعىستى. بٸرەۋٸن تەرەكتٸ اۋدانىنا قارايتىن اۋىلدىق پوليتسييا بٶلٸمٸ باستىعىنىڭ ورىنباسارى جٷرگٸزگەن.
جول اپاتى كەزٸندە بٸر ادام وقيعا ورنىندا كٶز جۇمدى. بۇدان بٶلەك, تاعى ەكٸ ادام جاراقات الدى.
"بۇل – شەكتەن شىققان وقيعان. بٸز مارقۇمنىڭ جاقىندارىنا جەنە تۋعان-تۋىستارىنا ٷلكەن ٶكٸنٸشپەن كٶڭٸل ايتامىز. قازٸرگٸ كەزدە قىزمەتتٸك تەرگەۋ شارالارى باستالدى. باسشىلارعا قاتىستى تەرتٸپتٸك جازا قولدانىلادى. ال جول وقيعاسىن جاساعان قىزمەتكەر ٸشكٸ ٸستەر ورگاندارىنان شىعارىلادى", - دەيدٸ وبلىستىق پوليتسييا دەپارتامەنتٸ باستىعىنىڭ ورىنباسارى نۇرلان رامازانوۆ.
ونىڭ ايتۋىنشا, دەل قازٸر قىلمىستىق-پروتسەسسۋالدىق كودەكستٸڭ 201-بابى بويىنشا وقيعانىڭ مەن-جايىن جارييالاۋعا بولمايدى. الايدا پوليتسييا دەپارتامەنتٸ كٷدٸكتٸنٸڭ ٸشكٸ ٸستەر ورگاندارىندا 20 جىل ٸستەپ جٷرگەنٸنە قاراماستان, زاڭ بويىنشا بارلىق شارانى قولدانادى.
قازٸرگٸ كەزدە رٶلگە ماس كٷيٸندە وتىرعان پوليتسەي قاماۋعا الىندى.
