روبوتوتەحنيكا مەكتەبٸ اشىلدى

قىزىلوردالىق جاس كەسٸپكەر سەرٸكبول ەراليەۆ «Smart Generation» روبوتوتەحنيكا مەكتەبٸن اشتى. بۇل تۋرالى ٶڭٸرلٸك كەسٸپكەرلەر پالاتاسىنىڭ باسپاسٶز قىزمەتٸ حابارلادى.

كەسٸپكەرلٸكپەن اينالىسپاس بۇرىن ول قالالىق قوسىمشا بٸلٸم بەرۋ وقۋ-ەدٸستەمەلٸك ورتالىعىنىڭ روبوتوتەحنيكا ٷيٸرمەسٸنە جەتەكشٸلٸك ەتٸپ كەلدٸ. مەكتەپ اشۋعا 2,4 ملن تەڭگە قارجى جۇمسالعان. ونىڭ 500 مىڭىن «Samruk-Kazyna Trust» ەلەۋمەتتٸك جوبالاردى دامىتۋ قورى ۇيىمداستىرعان بايقاۋدا جەڭٸپ العان.

روبوتوتەحنيكا مەكتەبٸندەگٸ ساباققا جاسى 6-عا تولعان بالالاردان باستاپ كەز كەلگەن نيەت بٸلدٸرۋشٸ جاستار قاتىسا الادى. مەكتەپ اقىلى نەگٸزدە. مٷمكٸندٸگٸ شەكتەۋلٸ بالالار ٷشٸن تەگٸن. ساباققا قاتىسۋشىلار اپتاسىنا 4 ساعاتتان وقيدى.

– مەكتەپتٸ اشۋ قازٸرگٸ زاماننىڭ تالابىنان تۋىندادى. بٷگٸندە روبوتوتەحنيكا سالاسى ٶتە قارقىندى دامىپ كەلە جاتىر. اقپاراتتىق تەحنيكا سالاسىنىڭ ماماندارى زور سۇرانىسقا يە. ال ولاردى قالاي دايىندايمىز? مەسەلە وسىندا. مامانداردى قازٸردەن باستاپ تەربيەلەۋدٸ قولعا العاندى جٶن سانادىق. قاجەت قۇرال-جابدىقتاردى ەر ەلدەن جيناقتادىق. مەسەلەن, كەيبٸر قۇرالدار دانييادان الدىرىلدى, ەندٸ بٸرٸن رەسەي, قىتاي, الماتى, استانادان جەتكٸزدٸك. مەكتەپتٸ اشقاننان كەيٸن جۇمىستىڭ كەشەندٸ بولعانى جٶن. سوندىقتان ماتەريالدىق بازانىڭ تولىقتىعىنا كٶڭٸل بٶلدٸك, – دەيدٸ جاس كەسٸپكەر.

سەرٸكبول ايىنا بٸر رەت مەكتەپتە وقيتىن بالالاردىڭ باسىن قوسىپ, شارا ٶتكٸزۋدٸ ويعا الىپ وتىر. ول بۇل قادامىن تەحنيكاعا ەۋەس بالالاردىڭ مومىن, توماعا-تۇيىق بولاتىنىمەن, ال كٶپشٸلٸك شارالار ولاردىڭ مٸنەزٸن اشۋعا كٶمەكتەسەتٸنٸمەن بايلانىستىرادى.

مەكتەپتٸڭ اشىلۋ رەسٸمٸنە قاتىسقان ٶڭٸرلٸك كەسٸپكەرلەر پالاتاسىنىڭ ديرەكتورى عالىمبەك جاقسىلىقوۆ:

– قازٸرگٸ تسيفرلانعان قوعامدى اقپاراتتىق تەحنولوگييا ماماندارىنسىز ەلەستەتۋ قيىن. ال مۇنداي مامانداردىڭ جاستاردى وقىتۋعا دەن قويعانى – قولداۋعا تۇرارلىق باستاما. سەرٸكبولمەن كٶكتەمدە تانىستىم. سول كەزدە قالادا روبوتوتەحنيكا مەكتەبٸن اشقىسى كەلەتٸنٸن ايتتى. يننوۆاتسييالىق جوبالار بايقاۋىنا قاتىسىپ كٶرگەن, بٸراق جەڭٸسكە جەتە المادى. دەگەنمەن, وعان ەشتەڭەگە قاراماستان ٸستٸ باستاۋعا كەڭەس بەرگەن ەدٸم. سەرٸكبول سٶزٸندە تۇردى. باستاماسىنا, العاشقى قادامىنا قاراپ سٷيسٸنٸپ وتىرمىن. ەرٸپتەسٸمە سەتتٸلٸك تٸلەدٸم. بٸز دە ٶز تاراپىمىزدان قاراپ قالمايمىز. قولدان كەلگەنشە كٶمەك بەرەمٸز, – دەدٸ.

قازٸردٸڭ ٶزٸندە مەكتەپ اشىلاتىنىن ەستٸگەن 10-نان استام بالا وقۋعا جازىلعان.