ريمما تەجٸباەۆا: ٶز ٶنٸمدەرٸمٸز ٶزگەنٸكٸنەن كەم ەمەس

ريمما تەجٸباەۆا – «حالىق ماركاسى» بٸرلەستٸگٸنٸڭ نەگٸزٸن قالاپ, وتاندىق ٶندٸرٸستٸ دامىتۋعا, تٶل ٶنٸمدەرٸمٸزدٸ تانىتۋعا ٷلەس قوسىپ جٷرگەن جانداردىڭ بٸرٸ. قازاقستاندا جاسالعان تاۋارلاردىڭ ارتىقشىلىعى نە? بۇل سالادا قانداي قيىندىقتار بار? كەسٸپكەرلەر قانداي كٶمەككە زەرۋ? وسى تەكتەس ساۋالداردىڭ جاۋابىن بٸلۋ ٷشٸن ريمما حانىمدى از-كەم ەڭگٸمەگە تارتقان ەدٸك.

– ريمما, «حالىق ماركاسى» قازاقستاندىق تاۋار ٶندٸرۋشٸلەر فەدەراتسيياسى قازٸر رەسپۋبليكا كٶلەمٸندە تانىلىپ ٷلگەردٸ. جالپى, «حالىق ماركاسىن» قۇرۋىڭىزعا نە سەبەپ بولدى?

– وسىدان بٸر-ەكٸ جىل بۇرىن «قازاقستاندا جاسالعان» اتتى اكتسييا باستالعانىن بٸلەسٸزدەر. مەنٸڭ يدەيامنىڭ جٷزەگە اسۋىنا ەلباسىنىڭ وسى وتاندىق ٶندٸرٸستٸ دامىتۋ تۋرالى ايتقان سٶزدەرٸ تٷرتكٸ بولدى. ەلباسى قازاقستاندا جاسالعان تاۋارلار ساپالى, تارتىمدى جەنە باعاسى دا كٶڭٸلگە قونىمدى بولۋ كەرەك دەگەنٸن بٷكٸل حالىق ەستٸدٸ. پرەزيدەنتتٸڭ ٶزٸ وتاندىق تاۋارلاردى ٶندٸرۋگە, ونى جارنامالاۋعا قولداۋ بٸلدٸرسە, مەنٸڭ ويىمداعى دٷنيەنٸ جاساۋىما ودان ارتىق نە كەرەك دەگەن شەشٸمگە كەلدٸم. ەشقانداي كەدەرگٸ بولمايتىنىن تٷسٸندٸم.

وعان دەيٸن «استانا ەكسپو-2017» ۇلتتىق كومپانيياسىندا ارنايى شاقىرتۋمەن قىزمەت اتقارعانمىن. حالىقارالىق دەڭگەيدە ٶتەتٸن كٶرمەنٸ ۇيىمداستىرۋ بارىسىن, ونىڭ ماقساتى, مٷددەسٸ, پايداسى قالاي بولۋى كەرەك دەگەن مەسەلەلەردٸ زەرتتەدٸم. سٶيتٸپ, وتاندىق ٶنٸمدەردٸ قولداۋ اكتسيياسى باستالعان كەزدە «حالىق ماركاسىن» قولعا الدىم. الدىمەن ەڭ ٷزدٸك ازىق-تٷلٸك برەندتەرٸنٸڭ اراسىندا ونلاين كونكۋرس ٶتكٸزدٸك. العاشىندا قاتىسۋشىلار از بولاتىن شىعار دەگەن كٷدٸگٸم بولعان. جوق, قاتىسۋشىلار بٸز كٷتكەننەن بٸرنەشە ەسەگە اسىپ تٷستٸ. باسقا-باسقا, ازىق-تٷلٸك شىعاراتىن كومپانييالار از ەمەس ەكەن. حالىقتىڭ ونلاين داۋىس بەرۋٸنٸڭ نەتيجەسٸندە 25 برەند جەڭٸمپاز دەپ تانىلدى. وسى 25 برەندتٸڭ ٸشٸنەن 17-سٸ بىلتىرعى ميلاندا ٶتكەن ەكسپو-2015 كٶرمەسٸنە قاتىستى. بۇل كٶرمەنٸڭ تاقىرىبى «ادامزاتتى تاماقتاندىرۋ» بولدى, وعان ەلەمنٸڭ 144 ەلٸمەن بٸرگە قازاقستان دا ات سالىستى. «حالىق ماركاسى» بەلگٸسٸ تۇڭعىش رەت ميلانداعى قازاقستاننىڭ پاۆيلونىندا حالىق نازارىنا ۇسىنىلدى. 17 برەندتٸ حالىققا كٶرسەتٸپ, «حالىق ماركاسىنىڭ» جەڭٸمپازدارىن سول جەردە سالتاناتتى تٷردە ماراپاتتادىق. ماقتانعانىم ەمەس, بٸراق قازاقستاندىق برەندتەردٸ شەتەلگە اپارىپ كٶرسەتۋ, ماراپاتتاۋ بۇرىن-سوڭدى بولماعان دەپ ويلايمىن.

– «حالىق ماركاسى» بٸرٸكتٸرگەن برەندتەردٸڭ سانى جٷزدەن اسادى ەكەن. باسىم بٶلٸگٸ قانداي تاۋار?

– جالپى, ەۋ باسىندا ۇيىمداستىرعاندا تاۋارلاردىڭ ٷلەسٸنٸڭ تەڭ بولۋىنا كٶڭٸل بٶلگەنبٸز. شەبەرلەر پاركٸ, كيٸم-كەشەك الاڭى, ازىق-تٷلٸك جەرمەڭكەسٸ جەنە ٷي جيھازدارى دەپ بٶلٸپ, ەرقايسىنىڭ ٷلەسٸ بٸردەي بولۋىن قاداعالادىق. بيىل قىركٷيەك ايىندا شەبەرلەر پاركٸنە قاتىسۋعا نيەت بٸلدٸرگەندەردٸڭ قاتارى كٶپ بولعانسىن, ونىڭ ٷلەسٸن كٶبەيتٸپ, اكتسييا ٶتكٸزدٸك. قازان ايىندا ەلۋدەن استام برەندتەردٸڭ قاتىسۋىمەن كيٸم-كەشەك الاڭىن اشتىق. قاراشا ايىنىڭ سوڭىنا دەيٸن ٷي جيھازدارى الاڭىن ٷلكەيتەمٸز. وڭتٷستٸكتٸڭ كٸلەمدەرٸ, الماتىدا جاسالعان تٶسەك-ورىن زاتتارى, سولتٷستٸك قازاقستاننان شەگە قولدانىلماي, تەك قانا اعاشتان جاسالعان جيھازدارىمىز قويىلادى. جالپى, ەلٸمٸزدٸڭ 7-8 وبلىسىندا جاسالعان جيھازدار كەلەدٸ. جەلتوقسان ايىندا 120 برەند ازىق-تٷلٸك جەرمەڭكەسٸنە قاتىسادى. جەرمەڭكە بٸر-ەكٸ كٷن ەمەس, تۇراقتى تٷردە بولىپ تۇرادى. بۇل جۇمىستار 2017 جىلدىڭ كٷزٸندە ەكسپو بٸتكەنگە دەيٸن جالعاسادى.

– وتاندىق تاۋارلاردى ەكسپورتتاۋ مەسەلەسٸ قاراستىرىلعان با?

– ەرينە, قاراستىرىلعان. ونسىز بولمايدى. اقپان ايىنان باستاپ ماۋسىمعا دەيٸن ەلەمنٸڭ 12 ەلٸن ارالاپ, قازاقستاندىق تاۋارلاردىڭ جەرمەڭكەسٸن ٶتكٸزبەكپٸز. جاسىراتىنى جوق, وسىعان دەيٸن قازاقستاننىڭ شەتەلدەردە ٶتكٸزٸپ جٷرگەن كٶرمەلەرٸنە ونشا كٶڭٸلٸم تولمايدى. بٸز قالاي ٶتكٸزٸپ جٷرمٸز? قازاقستاندىق دەلەگاتسييا بٸر قىمبات قوناقٷيگە ايالدايدى. سول قوناقٷيدٸڭ تٶبەسٸنەن شاعىن ورىندى جالعا الىپ, ونشاقتى برەندٸمٸزدٸ قويىپ قويادى. ول كٶرمەگە سول ەلدەگٸ ديپلوماتتارىمىز بارادى, بٸتتٸ. قازاقستاننىڭ ٶنٸمٸن ودان ەرٸ تانىتۋعا مٷددەلٸ ادامدار ول جەردە بولمايدى. ال بٸز باسقاشا فورماتتى ۇستانباقپىز. كەز كەلگەن ماركانى تانىتاتىن – حالىق. ساپاسى, سەنٸ, باعاسى حالىققا ۇنايتىن بولۋ كەرەك. ودان كەيٸن عانا جارناماسىن جاساۋعا بولادى. سول ٷشٸن ٷندٸستان, رەسەي, قىتاي سىندى ەلدەرگە بارىپ, ساۋدا جاسايتىن جەرلەرٸنەن ورىن الىپ, بازار فورماتىندا ٶزٸمٸزدٸڭ تاۋارىمىزدى ۇسىنامىز.

– شەتەلگە قانداي تاۋار اپاراسىزدار?

– ازىق-تٷلٸك, جەڭٸل ٶنەركەسٸپ ٶنٸمدەرٸ, شەبەرلەردٸڭ بۇيىمدارى. وسى ٷش سەكتوردا جٷزدەن استام برەند شىعارىلادى. قازاقستاننىڭ ساۋدا ورىندارىندا, كٶرمە زالدارىندا ٷندٸستاننان, تٷركييادان, قىتايدان كەلگەن تاۋارلاردىڭ جەرمەڭكەسٸ ٶتٸپ جاتاتىنى بەلگٸلٸ. ٶزٸمٸزدٸڭ قازاقتار ٷندٸنٸڭ شايىن, بيجۋتەريياسىن, تٷرٸكتٸڭ ورامالىن الىپ جاتادى. بٸزگە دە نەگە سولاي جاساماسقا دەپ وتىرمىز.

– ۇسىنىس جەتكٸلٸكتٸ, ال تاۋارلاردىڭ ساپاسى قالاي?

– مەن وسى جەردەگٸ كەز كەلگەن تاۋاردىڭ ساپالى ەكەنٸن كەپٸلدٸك بەرە الامىن. سەبەبٸ, بارلىعى الدىن-الا تەكسەرٸلەدٸ.

– قالاي تەكسەرەسٸز?

– زاۋىتتىڭ باسىنا بارىپ, ٶندٸرٸس بارىسىمەن تانىسامىز. جيھاز فابريكالارىنىڭ ارنايى زالى بولادى. سول جەردە بٸز تاڭداعان بٸر جيھازعا اۋىر جٷك ارتىپ, مايىستىرىپ, قۇلاتىپ دەگەندەي تٷرلٸ سىناقتار جاسايدى. اعاشتان جاسالعان بۇيىم بولسا, ونىڭ اعاشى قاي جاقتان ەكەلٸنگەن, شٸرٸك ەمەس پە, قالاي ٶڭدەلگەن, قانشا ۋاقىت ساقتالعان, قانداي جەلٸم قولدانىلعانى… بەرٸ تەكسەرٸلەدٸ. ازىق-تٷلٸك, كيٸم-كەشەكتەر دە سول سيياقتى. قىسقاسى, كەز كەلگەن تاۋار شيكٸزاتىنان باستاپ دايىن بولعانعا دەيٸنگٸ ارالىقتا تولىق قاداعالانادى. سٸزگە مىنا بٸر ورىندىقتى كٶرسەتەيٸن. بازاردا تولىپ تۇرعان ورىندىقتار سالماعى اۋىر بٸر ادام وتىرسا, بٸردەن سىقىرلاپ قالاتىنى بەلگٸلٸ. ال بٸزدٸڭ ورىندىقتاردىڭ ٷستٸنە سەكٸرسە دە, ەشتەڭە بولمايدى. ەرٸ ەدەمٸ ەكەنٸن دە كٶرٸپ وتىرسىز. كەلەسٸ جولى سٸز ورىندىق ٸزدەسەڭٸز بٸزگە كەلەسٸز دەپ ويلايمىن.

– وتاندىق ٶنٸمدٸ ٶزٸڭٸز تۇتىناسىز با?

– ەرينە. اياعىمداعى ەتٸگٸم پەتروپاۆلدا تٸگٸلگەن, تازا بىلعارى. 17 مىڭ تەڭگەگە ساتىپ الدىم. ال قاي مەملەكەت بٸزگە تازا جٷننەن, بىلعارىدان جاسالعان تاۋارىن جٸبەرۋشٸ ەدٸ?! جٸبەرگەن كٷننٸڭ ٶزٸندە ونىڭ باعاسى ٶتە قىمبات. ٶزٸمٸزدٸڭ ٶنٸم ولاردان ارتىق بولماسا كەم ەمەس. ەتٸكتٸڭ ٸشٸنەن تەمٸرتاۋدىڭ شۇلىعىن كيٸپ الدىم (كٷلەدٸ). شەتەلدٸڭ سينتەتيكا گاماجدارىن قاباتتاپ كيگەنشە, تەمٸرتاۋدا شىعاتىن جىلى كيٸمنٸڭ بٸر قاباتى دا توڭدىرمايدى. ٷستٸمدەگٸ كٶيلەگٸم الماتىدا تٸگٸلگەن, مونشاقتارىم, سىرعام… بەرٸ ٶز ەلٸمٸزدە, ٶز شيكٸزاتىمىزدان جاسالعان. جاقىندا ٷيٸمدە كٷرەلٸ جٶندەۋ جٷرگٸزگەندە تۇسقاعاز, بوياۋ, لينولەۋم سيياقتى كەرەك دٷنيەنٸڭ بەرٸن ٶز ەلٸمٸزدە جاسالعان تاۋارلاردىڭ اراسىنان تاڭداپ الدىم. سوندا بٸر تٷسٸنگەنٸم, شەتەلدٸڭ ٶنٸمٸنە جٷگٸرە بەرمەي, ٶزٸمٸزدٸڭ تاۋارلاردى تۇتىنۋ ارقىلى دا ادام ٶمٸر سٷرە الادى ەكەن.

– وتاندىق ٶنٸمدٸ شىعارۋشى كەسٸپكەرلەر قانداي كٶمەككە زەرۋ?

– بٸرٸنشٸدەن, كەسٸپكەردٸڭ مەملەكەتتەن قولداۋ كٷتٸپ, قول قۋسىرىپ, قاراپ وتىرۋىنىڭ ٶزٸ جاقسى ەدەت ەمەس. «مەملەكەت بەرٸن جاساپ بەرەدٸ» دەگەن مەنتاليتەتتەن ارىلعان جٶن. ەسٸرەسە, قانداي دا بٸر كەسٸپتٸ باستايتىن كەزدە ەشكٸمگە سەنۋگە بولمايدى. اباي اتامىز «ٶزٸڭە سەن ٶزٸڭدٸ الىپ شىعار, ەڭبەگٸڭ مەن اقىلىڭ ەكٸ جاقتاپ» دەيدٸ عوي. قاراپايىم ادام ٷشٸن ٶزٸنە سەنٸمدٸلٸك قانشالىقتى قاجەت بولسا, كەسٸپكەر ٷشٸن ول ەكٸ ەسە كەرەك. ٶز قولىڭمەن جاساپ, ماڭداي تەرٸڭدٸ تٶگٸپ, جۇمىستىڭ قيىندىعىن كٶرٸپ, راحاتىن سەزٸنۋ دە بٸر عانيبەت قوي.

دەگەنمەن, بۇل مەملەكەت كەسٸپكەرلەرگە قولداۋ كٶرسەتپەۋ كەرەك دەگەندٸ بٸلدٸرمەيدٸ. مەسەلەن, بٸزدٸڭ ەلٸمٸزدە جاقسى كيٸم شىعاراتىن فابريكالار بار. ولاردىڭ ٶنٸمدەرٸ قىرعىزستاننىڭ ٶنٸمدەرٸن ون وراپ الادى, تٷركييانىڭ تاۋارلارىنان كەم ەمەس. ستانوكتارىن گەرمانييادان ساتىپ العان. تاۋارلارىنىڭ ساپاسىن ايتپاعاندا, ٶنٸم شىعارۋ قۋاتىنىڭ ٶزٸ بٷكٸل قازاقستاندى قامتۋعا جەتەر ەدٸ. ال وسى فابريكالارعا قاجەتتٸ شيكٸزاتتار شەتەلدەن ەكەلٸنەدٸ. سەبەبٸ, بٸزدە ماقتا شىعارساق تا, ماتا جەتٸسپەيدٸ. ٷندٸستاننان, تٷركييادان توننا-توننا ماتا ەكەلٸنەدٸ, ونى كەدەننەن ٶتكٸزگەندە سالىق تٶلەۋگە مەجبٷر. كەسٸپكەرلەرٸمٸز سالىقتان قاشپايدى, ەرينە. بٸراق ولارعا كەدەندە قانداي دا بٸر جەڭٸلدٸك جاسالسا, ٶنٸمنٸڭ باعاسى دا ارزاندار ەدٸ. ياعني, تاۋارى جاقسى ٶتەدٸ, كەسٸپكەرگە تٷسكەن تابىستان مەملەكەتكە سالىق تٶلەنەدٸ. كٶرٸپ وتىرعانىڭىزداي, بٸر عانا جەڭٸلدٸك تٷبٸندە مەملەكەتتٸڭ ٶزٸ ٷشٸن پايدا بولىپ قايتادى. قىسقاسى, ٷكٸمەتتٸڭ قولىندا كەسٸپكەرلەردٸ قولداۋدىڭ نەشە تٷرلٸ تەتٸكتەرٸ بار, تەك سونى جٷزەگە اسىرسا بولعانى. تالاپ-تٸلەكتەرٸمٸزدٸ تيٸستٸ ورگاندارعا جەتكٸزٸپ تە جٷرمٸز.

– وتاندىق ٶنٸمدەردٸڭ جارناماسىنا كٶڭٸلٸڭٸز تولا ما?

– كٶڭٸل تولاتىن دا, تولمايتىن دا جەرلەرٸ بار. ەرينە, بۇل تاراپتا مەملەكەت تاراپىنان بٸراز قولداۋ جاسالىپ جاتىر. ەلباسىمىزدىڭ ٶزٸ وعان تٸكەلەي ات سالىستى. بٸراق باق-تاردىڭ جارنامالاۋ تەسٸلدەرٸنٸڭ ۇنامايتىن تۇستارى بار. مەسەلەن, تۇتىنۋشىلاردى قانداي دا بٸر تاۋاردىڭ جاسالۋ تەحنولوگيياسى قىزىقتىرمايدى. ولار ٷشٸن ەڭ باستىسى – سوڭعى ٶنٸم. سوڭعى ٶنٸمنٸڭ ساپاسى مەن تيٸمدٸلٸگٸ, سوسىن تارتىمدىلىعى رٶل وينايدى. جيھاز قانداي مەتالدان جاسالدى, ونى قالاي بالقىتتى, يدٸ… ول جاعىنان تۇتىنۋشىعا بەرٸبٸر. ادامدار دٷكەنگە كەلەدٸ, سٶرەدە كٶزٸنە بٸرٸنشٸ تٷسكەن, ۇناعان دٷنيەنٸ ساتىپ الادى. بۇل, ەسٸرەسە, ازىق-تٷلٸككە قاتىستى. جارناما كەزٸندە قانداي تاۋار قاي ساۋدا ورنىندا, قانداي دٷڭگٸرشەكتە تۇرعانىن ناقپا-ناق ايتىلسا, كەسٸپكەر ٷشٸن ەڭ جاقسىسى سول بولار ەدٸ. قازٸرگٸدەي اقپارات كٶپ زاماندا ادامداردىڭ باسىن قاجەتتٸ-قاجەتسٸز اقپاراتپەن تولتىرا بەرمەي, ناقتى كەرەگٸن عانا ۇسىنۋ كەرەك دەپ ويلايمىن. ٶكٸنٸشكە قاراي, باق-تار زاۋىت, فابريكالار تۋرالى, تاۋاردىڭ جاسالۋ تەحنولوگيياسى تۋرالى كٶپ ايتادى.

– وتاندىق تاۋارلارعا سۇرانىس قالاي?

– سۇرانىس ٶتە جوعارى. ٷش-اق ايدىڭ ٸشٸندە ساۋدا اينالىمى 50 ميلليوندى قۇرادى. 6 شٸلدەدەن بەرگٸ ارالىقتا پاۆيلون جارتىلاي عانا تولدى, تولىق بولعان كەزدە ساۋدا ەكٸ ەسە ارتۋعا تيٸس.

– دەل قازٸر بۇل جەردە قانشا تاۋار تٷرٸ بار?

– جٷز برەندتەن ون مىڭنان استام تاۋار تٷرٸ بار. ەڭ ٶتٸمدٸ تاۋارلار جەڭٸل ٶنەركەسٸپ ٶنٸمدەرٸ. اياق كيٸم, تٶسەك ورىن زاتتارىنا سۇرانىس ٶتە كٶپ. ۇن ٶنٸمدەرٸ, شاي تٷرلەرٸ جاقسى ٶتەدٸ. جالپى, ۇسىنىس بولسا, سۇرانىس بولاتىنىنا كٶز جەتكٸزدٸك. سول ٷشٸن برەندتەردٸڭ سانىن 500-گە جەتكٸزٸپ, تاۋارلاردى كٶبەيتسەك دەپ وتىرمىز.

– ەكسپو-2017 كٶرمەسٸنە قالاي ات سالىسۋدى جوسپارلاپ وتىرسىز?

– حالىقارالىق كٶرمەنٸڭ تۋريستٸك كارتاسىنا ەنسەك, بٸز ٷشٸن ٷلكەن جەتٸستٸك بولادى. ەكسپو-عا كەلگەن تۋريستەر بٸزدٸڭ پاۆيلونىمىزعا كەلٸپ, وتاندىق ٶنٸمدەردٸ كٶرٸپ, ساتىپ الار ەدٸ.

كٶرمە اۋماعىندا ۇلتتىق تاعام تٷرلەرٸن كٶرسەتەتٸن پاۆيلون اشساق دەگەن ويىمىز بار. ول جەردە شۇباتتىڭ, قىمىزدىڭ ونداعان تٷرٸن ۇسىنساق دەيمٸز. مىسالى, فرانتسييادا, يتالييا شاراپتىڭ تٷرلەرٸن كٶرسەتٸپ, ەر شاراپتىڭ قاي جەردٸڭ جٷزٸمٸنەن ەزٸرلەنگەنٸ, قانداي تەحنولوگييامەن ەزٸرلەنگەنٸن ماقتانىشپەن تانىستىرىپ جاتادى. تٷركييادا تۋريستەرگە پاحلاۆانىڭ ەكٸ جٷز تٷرٸن ۇسىنادى. بٸزدٸڭ قىمىز بەن شۇباتتى نەگە سولاي كٶرسەتپەسكە?!

سيىردىڭ, جىلقىنىڭ, تٷيەنٸڭ سٷتٸنەن جاسالعان قۇرتتىڭ ەلۋ تٷرٸن جاسادىق. فورمالارى, تٷر-تٷسٸ ەرتٷرلٸ. بەرٸ سەتتٸ بولسا, ەكسپو كٶرمەسٸنە دەيٸن 17 ميلليون قۇرت ەزٸرلەپ, ارنايى بۋتيككە قويامىز.

– از ۋاقىت ٸشٸندە وتاندىق ٶندٸرٸستٸ دامىتۋعا, تانىتۋعا بٸر كٸسٸدەي ات سالىسىپ ٷلگەردٸڭٸز. ٶزٸڭٸز تۋرال ايتىپ ٶتسەڭٸز.

– مەن الماتى قالاسىندا تۋىپ, وڭتٷستٸك قازاقستاندا ٶستٸم. ەكەم سپورت جەنە تۋريزم سالاسىنىڭ مامانى. انام قىزدار پەداگوگيكالىق ينستيتۋتىنىڭ مۋزىكا فاكۋلتەتٸن بٸتٸرگەن. مەدينا ەراليەۆامەن بٸرگە وقىعان, بٸر بٶلمەدە تۇرعان, جاقىن دوس بولعان ەكەن. بٸراق, تۇرمىسقا شىققاننان كەيٸن ەكەممەن بٸرگە وڭتٷستٸككە كٶشٸپ, سوندا تۇراقتاپ قالىپتى.

اۋىلدا ٶسسەك تە, اتا-انامنىڭ ارقاسىندا مۋزىكالىق مەكتەپتە فورتەپيانو سىنىبىندا 7 جىل وقىدىم, بيمەن كەسٸبي دەرەجەدە اينالىستىم. ەكەمنٸڭ جانىنا ەرٸپ جٷرٸپ باسكەتبول, ۆولەيبول, جەڭٸل اتلەتيكا سىندى ٷيٸرمەلەرگە باردىم. قىسقاسى, ەس بٸلگەلٸ مەكتەپتٸڭ اكت زالى مەن سپورت زالىنىڭ اراسىندا جٷگٸرٸپ جٷرەتٸنمٸن. تابيعاتتى تانۋىما, ەلەمدٸ تانۋىما, ٶنەرگە, ەسەمدٸككە قۇمار بولۋىما ىقپال ەتكەنٸ ٷشٸن اتا-اناما العىسىم شەكسٸز.

– سۇحباتىڭىزعا راحمەت.

ارنۇر اسقار,

«ەگەمەن قازاقستان»