ريم پاپاسى فرانتسيسكتٸڭ قازاقستانعا ساپارى كەزٸندە قانداي ٸس-شارالارعا قاتىستانى بەلگٸلٸ بولدى, - دەپ حابارلايدى "ۇلت اقپارات" سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ريم پاپاسى فرانتسيسك 13-15 قىركٷيەك ارالىعىندا قازاقستانعا مەملەكەتتٸك ساپارمەن كەلەدٸ.
بٸرٸنشٸ كٷن باعدارلاماسىندا ونىڭ قازاقستان پرەزيدەنتٸ قاسىم-جومارت توقاەۆپەن, سونداي-اق ەلٸمٸزدە تٸركەلگەن شەتەلدٸك ديپلوماتييالىق كورپۋس جەنە ازاماتتىق قوعام ٶكٸلدەرٸمەن كەزدەسۋلەرٸ قاراستىرىلعان.
ريم-كاتوليك شٸركەۋٸنٸڭ باسشىسى ساپارىنىڭ ەكٸنشٸ كٷنٸندە ەلەمدٸك جەنە دەستٷرلٸ دٸندەر ليدەرلەرٸنٸڭ VII سەزٸنٸڭ اشىلۋىنا جەنە پلەنارلىق وتىرىسىنا, سونداي-اق كەيبٸر دٸن ليدەرلەرٸمەن بٸرقاتار كەزدەسۋگە قاتىسادى دەپ كٷتٸلەلٸ.
"سونىمەن قاتار 14 قىركٷيەكتە ريم پاپاسى فرانتسيسك مىڭداعان كاتوليك دٸنٸن ۇستانۋشىلار, ونىڭ ٸشٸندە قازاقستان استاناسىنا ارنايى كەلەتٸندەرٸ ٷشٸن دۇعا (مەسسا) ٶتكٸزەدٸ.
ساپاردىڭ سوڭعى كٷنٸندە ول ەلەمدٸك جەنە دەستٷرلٸ دٸندەر ليدەرلەرٸنٸڭ VII سەزٸنٸڭ جابىلۋىنا جەنە ونىڭ قورىتىندى دەكلاراتسيياسىنىڭ قابىلدانۋىنا قاتىسۋدى, سونداي-اق ريم-كاتوليك شٸركەۋٸنٸڭ قازاقستانداعى جەنە كٶرشٸ ەلدەردەن كەلەتٸن دٸن قىزمەتكەرلەرٸمەن, موناحتارىمەن جەنە سەميناريستەرٸمەن كەزدەسۋدٸ جوسپارلاپ وتىر" دەلٸنگەن حابارلامادا.
ەستەرٸڭٸزگە سالا كەتەيٸك, ريم-كاتوليك شٸركەۋٸ باسشىسىنىڭ, اتاپ ايتقاندا پاپا يوانن پاۆەل II-نٸڭ قازاقستانعا تۇڭعىش ساپارى 2001 جىلعى 22-25 قىركٷيەك ارالىعىندا ٶتكەن. ال پاپا فرانتسيسك - قازاقستان استاناسىندا ٷش جىل سايىن دەستٷرلٸ تٷردە ٶتەتٸن ەلەمدٸك جەنە دەستٷرلٸ دٸندەر ليدەرلەرٸنٸڭ سەزٸنە قاتىسۋىن راستاعان ريم-كاتوليك شٸركەۋٸنٸڭ بٸرٸنشٸ باسشىسى.
