شىعىس قازاقستان وبلىسىندا الاپات ٶرتتەن باسپاناسىز قالعاندارعا جازدىڭ سوڭىنا دەيٸن جاڭا ٷي بەرٸلەدٸ, دەپ حابارلايدى "ۇلت اقپارات".
ايماق باسشىسى دانيال احمەتوۆ تٸلسٸز جاۋدان زارداپ شەككەن ريددەر تۇرعىندارىمەن كەزدەستٸ. ٶز سٶزٸندە ول تامىز ايىنىڭ سوڭىنا دەيٸن باسپاناسىز قالعانداردىڭ ەرقايسىسىنا جاڭا ٷيدٸڭ كٸلتٸ بەرٸلەتٸندٸگٸن جەتكٸزدٸ. بەس قۇرىلىس كومپانيياسى بوتانيكا ىقشاماۋدانىندا جەتٸ ٷيدەن تۇرعىزادى.
قازٸر وقيعا ورنىندا كوميسسييا مٷشەلەرٸ جۇمىس ٸستەۋدە. ولار ناقتى كەلتٸرٸلگەن ماتەريالدىق زالال مٶلشەرٸن ەسەپتەپ, ازاماتتارعا قۇجاتتارىن قالپىنا كەلتٸرۋگە سەپتٸگٸن تيگٸزەدٸ.
«بۇزىلعان ٷيلەردٸ قالپىنا كەلتٸرمەيمٸز. ٷيٸنەن ايىرىلعان ەر ادامعا 80 شارشى مەترلٸك باسپانا بەرٸلەدٸ. ەۋەلدە قۇرىلىسى اياقتالماعان 9 قاباتتى تۇرعىن ٷيدٸ ساتىپ الۋ جوسپارلانعان بولاتىن. الايدا 1996 جىلعى ٷيدٸڭ ٸشٸ ەرلەنبەگەن ەرٸ قاجەتتٸ كوممۋنيكاتسييا تارتىلماعان. ونىڭ يەسٸ شارشى مەترٸ ٷشٸن 179 مىڭ تەڭگە سۇراپ وتىر. ال جەكە سەكتورداعى جاڭا ٷيدٸڭ شارشى مەترٸنٸڭ قۇنى – 160 مىڭ تەڭگە. بۇل بيۋدجەت قارجىسىنا دا ٷنەم بولادى. ٷيلەر تۇرعىندارعا ەش اقىسىز بەرٸلەدٸ», - دەدٸ دانيال احمەتوۆ.
قازٸرگٸ كەزدە سەۋلەتشٸلەر 35 ٷي اۋماعىن بٶلۋدە, سوسىن بٸردەن قۇرىلىس جۇمىستارى باستالماق.
