شىعىس قازاقستان وبلىسىنىڭ ريددەر قالاسىندا ومارتادا جۇمىس ٸستەپ جٷرگەن ەر ادامعا ايۋ تاپ بەرگەن. ابىروي بولعاندا, قاسىنداعى ادامدار دەر كەزٸندە كٶمەككە كەلٸپ, ونى جىرتقىشتان اراشالاپ قالعان, دەپ حابارلايدى ult.kz.
زارداپ شەككەن تۇرعىن تٷرلٸ جاراقاتپەن اۋرۋحاناعا جەتكٸزٸلٸپ, قاجەتتٸ ەم قابىلداعاننان كەيٸن ٷيٸنە شىعارىلدى. بۇل تۋرالى «24KZ» تەلەارناسى حابارلادى.
مامانداردىڭ ايتۋىنشا, ٶڭٸردە ايۋلاردىڭ ەلدٸ مەكەندەرگە جاقىنداۋ جاعدايى جيٸلەگەن. ورمان جەنە اڭشىلىق شارۋاشىلىعى ٶكٸلدەرٸنە تۇرعىنداردان جىرتقىشتارعا قاتىستى 40-قا جۋىق شاعىم تٷسكەن.
ايۋلار ەسٸرەسە التاي, ريددەر, ۇلان جەنە مارقاكٶل ماڭىندا جيٸ بايقالادى. ساراپشىلار مۇنى ورمانداعى ازىق قورىنىڭ ازايۋىمەن بايلانىستىرادى. بيىل كٶكتەم ۇزاققا سوزىلىپ, جاز قۇرعاق بولعان. سونىڭ سالدارىنان ورماندا جيدەك پەن ساڭىراۋقۇلاق ازايعان.
ماماندار تۇرعىنداردىڭ اۋىل شەتٸنە تاماق قالدىقتارى مەن قوقىس تاستاۋىن دا قاۋٸپتٸ فاكتورلاردىڭ بٸرٸ دەپ وتىر. اش جىرتقىش قوقىستىڭ يٸسٸنە وڭاي تارتىلادى.
– جاعداي بىلتىرعىداي بولىپ تۇر. ينسپەكتورلار تۇرعىنداردىڭ شاعىمدارى بويىنشا ەلدٸ مەكەندەرگە شىعىپ, ايۋلاردى ٷركٸتۋ جۇمىستارىن جٷرگٸزٸپ جاتىر, – دەدٸ شقو ورمان جەنە اڭشىلىق شارۋاشىلىعى جەدەل قيمىل وتريادى باستىعىنىڭ ورىنباسارى سەرگەي كارماننيكوۆ.
