Shyǵys Qazaqstan oblysynyń Ridder qalasynda omartada jumys istep júrgen er adamǵa aiý tap bergen. Abyroi bolǵanda, qasyndaǵy adamdar der kezinde kómekke kelip, ony jyrtqyshtan arashalap qalǵan, dep habarlaidy ult.kz.
Zardap shekken turǵyn túrli jaraqatpen aýrýhanaǵa jetkizilip, qajetti em qabyldaǵannan keiin úiine shyǵaryldy. Bul týraly «24KZ» telearnasy habarlady.
Mamandardyń aitýynsha, óńirde aiýlardyń eldi mekenderge jaqyndaý jaǵdaiy jiilegen. Orman jáne ańshylyq sharýashylyǵy ókilderine turǵyndardan jyrtqyshtarǵa qatysty 40-qa jýyq shaǵym túsken.
Aiýlar ásirese Altai, Ridder, Ulan jáne Marqakól mańynda jii baiqalady. Sarapshylar muny ormandaǵy azyq qorynyń azaiýymen bailanystyrady. Biyl kóktem uzaqqa sozylyp, jaz qurǵaq bolǵan. Sonyń saldarynan ormanda jidek pen sańyraýqulaq azaiǵan.
Mamandar turǵyndardyń aýyl shetine tamaq qaldyqtary men qoqys tastaýyn da qaýipti faktorlardyń biri dep otyr. Ash jyrtqysh qoqystyń iisine ońai tartylady.
– Jaǵdai byltyrǵydai bolyp tur. Inspektorlar turǵyndardyń shaǵymdary boiynsha eldi mekenderge shyǵyp, aiýlardy úrkitý jumystaryn júrgizip jatyr, – dedi ShQO Orman jáne ańshylyq sharýashylyǵy jedel qimyl otriady bastyǵynyń orynbasary Sergei Karmannikov.
