قىسقامەتراجدى «اسان» كٶركەم فيلمٸ جەنە «اتا كەسٸپ» دەرەكتٸ فيلمٸ 24-30 سەۋٸر ارالىعىندا تاتارستاننىڭ استاناسىندا ٶتەتٸن XV حالىقارالىق مۇسىلمان كينوسى فەستيۆالٸنە قاتىسادى, دەپ حابارلايدى "ۇلت اقپارات" «قازاقفيلم» كينوستۋديياسىنا سٸلتەمە جاساپ.
اتالعان كينولار «ٷزدٸك قىسقامەتراجدى فيلم» جەنە «ٷزدٸك دەرەكتٸ فيلم» نوميناتسييالارى بويىنشا باق سىنايدى. بۇل تۋىندىلاردى قر مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» اق تٷسٸردٸ.
مۇسىلمان كينوسى فەستيۆالٸنٸڭ قۇرىلتايشىسى - تاتارستان رەسپۋبليكاسىنىڭ مەدەنيەت مينيسترلٸگٸ. اتالعان ٸس-شارا تاتارستان كينەماتوگرافيستەر وداعى مەن قازان مەملەكەتتٸك مەدەنيەت ينستيتۋتىنىڭ ۇيىمداستىرۋىمەن ٶتەدٸ. بيىل فەستيۆالدٸڭ كونكۋرسىنا تٷسكەن فيلمدەردٸ دانييا, وڭتٷستٸك كورەيا سىندى 10 مەملەكەتتٸڭ بەلگٸلٸ كينەماتوگرافيستەرٸ باعالايتىن بولادى.
«اسان» قىسقامەتراجدى فيلمٸ ەكەسٸن اقتىق ساپارعا شىعارىپ سالۋعا جولعا شىققان بوزبالا تۋرالى باياندايدى. ال «اتا كەسٸپ» دەرەكتٸ فيلمٸ قازاقستاندا تۇراتىن ٶزبەك حالقى تۋرالى, ونىڭ ٸشٸندە وڭتٷستٸك قازاقستان وبلىسىندا تۇراتىن ٶزبەك حالقىنىڭ ٶكٸلٸ, اتا كەسٸپ - بەسٸك جاساۋمەن اينالىساتىن قىرىق جەتٸ جاسار ابديماننوپ زۋپاروۆ ەسٸمدٸ شەبەردٸڭ ٶمٸرٸن باياندايدى.
«وسى فەستيۆالدە مەنٸڭ ەكٸ بٸردەي فيلمدەرٸمنٸڭ كٶرسەتٸلەتٸنٸنە قۋانىشتىمىن. ماعان سەنٸپ, قولداۋ بٸلدٸرگەندەرٸ ٷشٸن «قازاقفيلم» كينوستۋديياسىنىڭ باسشىلىعىنا العىسىمدى ايتامىن», - دەدٸ فيلمدەردٸڭ رەجيسسەرٸ بەرٸك جاحانوۆ.
ەستەرٸڭٸزگە سالا كەتسەك, بىلتىر «اسان» فيلمٸ 71-شٸ حالىقارالىق كانن كينوفەستيۆالٸنٸڭ Short Film Corner اياسىندا (ەلەمنٸڭ قىسقامەتراجدى تۋىندىلارىنا ارنالعان) كٶرسەتٸلگەن بولاتىن. سونىمەن قاتار 2018 جىلى كارتينا بٸرنەشە حالىقارالىق كينوفەستيۆالدەرگە قاتىسىپ, كٶپتەگەن جٷلدەلەرگە يە بولدى, اتاپ ايتساق, رەسپۋبليكالىق «بايقوڭىر» فەستيۆالٸندە «ٷزدٸك اكتەر» جٷلدەسٸمەن, باكۋدە ٶتكەن 9-شى حالىقارالىق Start film festival كينوفەستيۆالٸندە قازىلار القاسىنىڭ ارنايى جٷلدەسٸمەن, «ٷزدٸك قىسقامەتراجدى فيلم» نوميناتسيياسى بويىنشا «قۇلاگەر» جٷلدەسٸمەن, تاشكەنتتە ٶتكەن «پرولوگ» كينوفەستيۆالٸندە ارنايى جٷلدەمەن جەنە ەكاتەرينبۋرگ قالاسىندا ٶتكەن XV حالىقارالىق «كينوپروبا» كينومەكتەبٸ فەستيۆالٸندە قازىلار القاسىنىڭ ارنايى جٷلدەسٸمەن ماراپاتتالدى.
ال «اتا كەسٸپ» دەرەكتٸ فيلمٸ دە بٸرنەشە جٷلدەلەرگە قول جەتكٸزگەن بولاتىن. بىلتىر الماتىدا ٶتكەن VII حالىقارالىق «باستاۋ» كينوفەستيۆالٸندە دەرەكتٸ فيلم وراز ەبٸشەۆ اتىنداعى جٷلدەنٸ يەمدەندٸ. سونداي-اق باۋىرجان نٶگەربەكتٸڭ 70 جىلدىعىنا ارنايى ۇيىمداستىرىلعان كينوفەستيۆالدە قازىلار القاسىنىڭ جٷلدەسٸمەن جەنە Vosmerka.kz سايتىنىڭ ارنايى جٷلدەسٸمەن (تاقىرىپقا تەرەڭ ٷڭٸلٸپ, دەرەكتٸ فيلمدەردٸ تٷسٸرۋ دەستٷرٸنە بار ىقىلاسپەن بەرٸلگەن ٷشٸن) ماراپاتتالدى.
