فوتو: قر قورعانىس مينيسترلٸگٸ
پارلامەنت مەجٸلٸسٸ "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە رەزەرۆتەگٸ قىزمەت مەسەلەلەرٸ بويىنشا ٶزگەرٸستەر ەنگٸزۋ تۋرالى" زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى Sputnik قازاقستان.
قورعانىس مينيسترٸ رۋسلان جاقسىلىقوۆتىڭ ايتۋىنشا, زاڭ مەملەكەتٸمٸزدٸڭ موبيليزاتسييالىق دايىندىعىن جەتٸلدٸرۋگە باعىتتالعان.
"ەلەمدە ەكونوميكاسى دامىعان بٸردە بٸر جەتەكشٸ مەملەكەت تولىق جيناقتى ارمييانى ۇستاي المايدى. سەبەبٸ بۇل ٶتە قىمبات. رەزەرۆتەگٸ قىزمەت تۋرالى زاڭ بٸرنەشە ەلدە – رەسەي, فرانتسييا, يتالييا, بەلارۋس جەنە تاعى باسقا مەملەكەتتەردە بار", - دەدٸ جاقسىلىقوۆ مەجٸلٸس وتىرىسىندا.
ايتۋىنشا, قورعانىس مينيسترلٸگٸ رەزەرۆتەگٸ قىزمەتتٸ 2025 جىلى قۇرۋدى جوسپارلاپ وتىر. بۇل ٷشٸن بارلىق ەلەۋمەتتٸك-تۇرمىستىق, زاڭنامالىق جەنە ماتەريالدىق-تەحنيكالىق قامتاماسىز ەتۋ مەسەلەلەرٸن شەشۋ قاجەت.
العاشقى كەزەڭدە 2 مىڭعا جۋىق رەزەرۆيستٸ شاقىرۋ جوسپارلانعان.
"2000 – بۇل, ەڭ الدىمەن, سالالىق ماماندار. وسى ەكٸ مىڭ ادامعا جىلىنا 3,5 ملرد تەڭگە قاجەت. بۇل سوما 2025 جىلعا رەسپۋبليكالىق بيۋدجەتتە قولداۋ تاپتى. جٷيەنٸ جولعا قويعاننان كەيٸن بٸز بۇل سومانى ۇلعايتامىز. ونى بيۋدجەتكە ەنگٸزەمٸز", - دەدٸ قورعانىس مينيسترٸ.
جاقسىلىقوۆ كەلٸسٸمشارت ەرٸكتٸ تٷردە ٷش جىلعا جاسالاتىنىن اتاپ ٶتتٸ. دايارلىق بٸر جىلدا ەكٸ ايدان اسپايدى. جيىن 30 كٷن, ساباق اي سايىن ەكٸ-ٷش كٷن بولادى.
"وعان قاراجات رەسپۋبليكالىق بيۋدجەت ەسەبٸنەن بٶلٸنەدٸ. وسى ساناتتاعى ادامدارعا اي سايىن ەڭ تٶمەن جالاقى, جيىن كەزٸندە ورتاشا جالاقى تٶلەۋ جوسپارلانۋدا. ەسكەري رەزەرۆتەگٸ ادام قىزمەت ەتكەن كەزدە جۇمىس ورنى (لاۋازىمى) ساقتالادى", - دەدٸ قورعانىس مينيسترٸ.
مينيستردٸڭ ايتۋىنشا, بۇل قىزمەتتٸ ەنگٸزۋ بەيبٸت ۋاقىتتا ەسكەر سانىن ارتتىرماي, قويىلعان مٸندەتتٸ ورىنداۋعا دايىن ازاماتتار سانىن دايارلاۋعا مٷمكٸندٸك بەرەدٸ.
زاڭدى قابىلداۋ ەلەۋمەتتٸك تۇرعىدان تيٸمدٸ:
• رەزەرۆكە قىزمەتكە كٸرگەن ازاماتتىڭ كٸرٸسٸ ارتادى, مەملەكەت تاراپىنان كٶمەككە جٷگٸنۋ تٶمەندەيدٸ;
• حالىقتىڭ مەملەكەتكە, قارۋلى كٷشتەرگە دەگەن سەنٸمٸ ارتادى;
•ەسكەري رەزەرۆتەگٸ ادام قازاقستاندىق پاتريوتيزم رۋحىندا تەربيە الادى.
پارلامەنت مەجٸلٸسٸ زاڭ جوباسىن بٸرٸنشٸ وقىلىمدا ماقۇلدادى.
