قازاقستاندا رەيسٸ كەشٸككەن ەۋە كومپانييالارىنىڭ جولاۋشىلارعا تٶلەيتٸن ايىپپۇلىن ۇلعايتۋ مەسەلەسٸ قارالىپ جاتىر. بۇل جايىندا مەجٸلٸس دەپۋتاتتارىنىڭ ساۋالىنا پرەمەر-مينيستردٸڭ بٸرٸنشٸ ورىنباسارى رومان سكلياردىڭ جاۋابىندا ايتىلعان, دەپ حابارلايدى قازاقپارات.
«قازاقستان رەسپۋبليكاسىندا ۇشۋ تۇراقتىلىعىنىڭ كٶرسەتكٸشٸ 2021 جىلى شامامەن 82 پايىزدى قۇرادى. بۇل رەتتە ەۋروپالىق وداق ەلدەرٸ مەن اقش كٶرسەتكٸشتەرٸ تيٸسٸنشە 77 جەنە 80 پايىزدى قۇرايدى. سونىمەن قاتار, قولدانىستاعى زاڭناما ەۋە كومپانيياسىنىڭ كٸنەسٸنەن رەيستەردٸڭ كەشٸگۋٸ نەمەسە بولماۋى كەزٸندە ۇسىنۋعا مٸندەتتٸ قىزمەتتەردٸ كٶزدەيدٸ. بۇدان باسقا, تاسىمالداۋشى كەشٸكتٸرۋدٸڭ ەر ساعاتى ٷشٸن بيلەت قۇنىنان 3 پايىزى مٶلشەرٸندە ايىپپۇل تٶلەيدٸ.
بۇل رەتتە, رەيستەردٸڭ كەشٸگۋٸ كەزٸندە جولاۋشىلاردىڭ قۇقىقتارىن قورعاۋ ماقساتىندا جولاۋشىلارعا تٶلەنەتٸن ايىپپۇل مٶلشەرٸن ۇلعايتۋ مەسەلەسٸ قارالۋدا. رەيستەر كەشٸكتٸرٸلگەن كەزدە جولاۋشىلار الدىنداعى ٶز مٸندەتتەرٸن ورىنداماعان جاعدايدا, ەۋە كومپانيياسى ايىپپۇل تٷرٸندە ەكٸمشٸلٸك جاۋاپكەرشٸلٸككە تارتىلادى», - دەلٸنگەن رومان سكلياردىڭ جاۋابىندا.
ونىڭ دەرەگٸنشە, 2021 جىلى رەيستٸڭ كەشٸگۋٸ كەزٸندە زاڭنامادا كٶزدەلگەن قىزمەتتەردٸڭ كٶرسەتٸلمەۋٸنە بايلانىستى تاسىمالداۋشىنى ەكٸمشٸلٸك جاۋاپكەرشٸلٸككە تارتۋدىڭ 3 جاعدايى تٸركەلدٸ.
«سونىمەن قاتار, 2021 جىلى ەۋە كەڭٸستٸگٸندە ورىندالعان تۇراقتى رەيستەردٸڭ سانى ٶتكەن جىلمەن سالىستىرعاندا 36 پايىزعا ٶستٸ. بۇل رەتتە ورىندالعان سۋبسيدييالاناتىن ەۋە رەيستەر سانى 4 365 رەيستٸ نەمەسە جالپى رەيستەردٸڭ 6 پايىزىن قۇرادى», - دەدٸ بٸرٸنشٸ ۆيتسە-پرەمەر.
