قازاقستان ازاماتتارىنا رەۆاكتسيناتسييا كەزٸندە «Pfizer» ۆاكتسيناسىنىڭ ەكٸ كومپونەنتٸن الۋعا مٷمكٸندٸك بەرٸلە مە? بۇل ساۋالعا قر دەنساۋلىق ساقتاۋ مينيسترٸ الەكسەي تسوي جاۋاپ بەردٸ, دەپ حابارلايدى قازاقپارات.
«ٶزگە ۆاكتسينالار اقىلى رەجيمدە پايدا بولعاننان كەيٸن مۇنداي مٷمكٸندٸك بولادى. ازاماتتاردىڭ ٶزدەرٸ قابىلداعان شەشٸمٸ نەگٸزٸندە بٸر نەمەسە ەكٸ ۆاكتسينا الۋعا مٷمكٸندٸك جاسايمىز. دەگەنمەن, رەۆاكتسيناتسييا كەزٸندە بٸر دوزا, ياعني ٷشٸنشٸ كومپونەنت الۋعا كەڭەس بەرٸلەدٸ», - دەدٸ الەكسەي تسوي ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا.
سونىمەن قاتار ول اتا-انالاردىڭ كەلٸسٸمٸ بولعان كەزدە 12 جاسقا دەيٸنگٸ بالالاردىڭ ۆاكتسينا الۋ مٷمكٸندٸگٸنە قاتىستى پٸكٸر بٸلدٸردٸ.
«قازٸرگٸ ۋاقىتتا قازاقستاندا وعان تىيىم سالىنعان. سەبەبٸ, ٶندٸرۋشٸلەردەن ناقتى ۇسىنىس قولىمىزدا جوق. قازٸرگٸ ۋاقىتتا ٶندٸرۋشٸنٸڭ نۇسقاۋلىعىنا سەيكەس 12 جاستان باستاپ ۆاكتسينا سالدىرۋعا كەڭەس بەرٸلەدٸ», - دەدٸ دەنساۋلىق ساقتاۋ مينيسترلٸگٸ.
بٷگٸنگٸ تاڭدا مساك-تا Pfizer (Comirnaty) ەكپەسٸن اقىلى الۋعا نيەت بٸلدٸرۋشٸلەردٸڭ جازباسى جٷرگٸزٸلۋدە. باعاسى ەلٸ بەلگٸسٸز.
