Qazaqstan azamattaryna revaktsinatsiia kezinde «Pfizer» vaktsinasynyń eki komponentin alýǵa múmkindik berile me? Bul saýalǵa QR Densaýlyq saqtaý ministri Aleksei Tsoi jaýap berdi, dep habarlaidy QazAqparat.
«Ózge vaktsinalar aqyly rejimde paida bolǵannan keiin mundai múmkindik bolady. Azamattardyń ózderi qabyldaǵan sheshimi negizinde bir nemese eki vaktsina alýǵa múmkindik jasaimyz. Degenmen, revaktsinatsiia kezinde bir doza, iaǵni úshinshi komponent alýǵa keńes beriledi», - dedi Aleksei Tsoi Úkimet otyrysynan keiin BAQ ókilderine bergen suhbatynda.
Sonymen qatar ol ata-analardyń kelisimi bolǵan kezde 12 jasqa deiingi balalardyń vaktsina alý múmkindigine qatysty pikir bildirdi.
«Qazirgi ýaqytta Qazaqstanda oǵan tyiym salynǵan. Sebebi, óndirýshilerden naqty usynys qolymyzda joq. Qazirgi ýaqytta óndirýshiniń nusqaýlyǵyna sáikes 12 jastan bastap vaktsina saldyrýǵa keńes beriledi», - dedi Densaýlyq saqtaý ministrligi.
Búgingi tańda MSAK-ta Pfizer (Comirnaty) ekpesin aqyly alýǵa niet bildirýshilerdiń jazbasy júrgizilýde. Baǵasy áli belgisiz.
