الماتى قالاسىنىڭ قوعامدىق دەنساۋلىق باسقارماسىنىڭ باسشىسى ناريمان تابىنباەۆ بريفينگ بارىسىندا قالاداعى ٶزگە ۆاكتسينالار تيٸمدٸلٸگٸ جاعىنان Pfizer-دەن كەم تٷسپەيتٸنٸن ايتتى, دەپ حابارلايدى قازاقپارات.
سپيكەر ەكپە ناۋقانىنىڭ قارقىنىن وميكرون كەلگەنگە دەيٸن ارتتىرۋ كەرەكتٸگٸن دە جەتكٸزدٸ.
«قاراشا ايىندا دەنساۋلىق ساقتاۋ مينيسترلٸگٸنٸڭ ٶكٸلٸ بٸزدٸڭ دەپارتامەنتكە Pfizer ۆاكتسيناسى اقىلى بولسا, قالاداعى شامامەن سۇرانىستى انىقتاۋدى تاپسىردى. سوندىقتان ەمحانالاردا الدىن الا جازىلۋ جٷرگٸزٸلدٸ. مينيسترلٸكپەن كٷندە سٶيلەسەمٸز, ٶكٸنٸشكە قاراي, بٷگٸنگٸ كٷنٸ اقىلى ەگۋ ٷشٸن Pfizer ۆاكتسيناسى قاشان تٷسەتٸنٸ, ونىڭ سانى مەن قۇنى ەلٸ انىقتالعان جوق. سوندىقتان قاڭتار, اقپان ايلارىندا ۆاكتسيناتسييا بولادى دەپ ايتا المايمىز. بٷگٸنگٸ كٷنٸ قالادا بار ۆاكتسينامەن رەۆاكتسيناتسييا جاساۋدى ۇسىنامىز, ولار بٸزدە جەتكٸلٸكتٸ. مەن قالالىقتارعا Pfizer ۆاكتسيناسىن كٷتپەڭٸزدەر دەپ كەڭەس بەرەر ەدٸم», - دەدٸ ناريمان تابىنباەۆ.
سونداي-اق ول قالادا اقىلى ەكپە العىسى كەلەتٸندەردٸ تٸركەۋ ەلٸ دە جالعاسىپ جاتقانىن ايتتى.
«ەمحانالاردا ۆاكتسينانى اقىلى تٷردە العىسى كەلەتٸندەر تٸزٸمٸ جاسالىپ جاتىر. بٷگٸندە اقىلى ۆاكتسيناتسيياعا ارنالعان Pfizer پرەپاراتى جوق, مەن تۇرعىنداردى قولدا بار QazVac جەنە Vero Cell ۆاكتسيناسىن قايتا سالۋعا شاقىرامىن, ولار تيٸمدٸلٸگٸ جاعىنان ەش كەم تٷسپەيدٸ», – دەپ اتاپ ٶتتٸ سپيكەر.
