25 قازان – رەسپۋبليكا كٷنٸنە وراي تٷركٸستاندا مەملەكەتتٸك تۋدى رەسمي كٶتەرۋ رەسٸمٸ ٶتتٸ. «رەمٸزدەر الاڭىندا» ۇيىمداستىرىلعان پاتريوتتىق ٸس-شاراعا قالا تۇرعىندارى مەن قوناقتارى, جالىندى جاستار قاتىستى. وبلىس ەكٸمٸ دارحان ساتىبالدى دا ارنايى قاتىسىپ, كٶك تۋدىڭ مەرتەبەسٸن كٶتەرەتٸن باستاماعا ٷلەس قوستى.
الدىمەن ەنۇران شىرقالىپ, ول وتانشىلدىق باعىتتاعى ەندەرگە ۇلاستى. وبلىس ٶنەرپازدارى رۋحتى وياتاتىن ەندەردٸ شىرقاپ, مەرەكەنٸڭ اجارىن اشا تٷستٸ. وسىلايشا, تٷركٸستاندىقتار قازاقستان كٶلەمٸندە اتالىپ ٶتٸلٸپ جاتقان پاتريوتتىق ٸس-شارانى جوعارى دەڭگەيدە ۇيىمداستىردى.
تٷركٸستانداعى «رەمٸزدەر الاڭىنداعى» تۇعىردىڭ بيٸكتٸگٸ – 62,5 مەتر. ال تۋدىڭ ەنٸ 12 مەتر بولسا, ۇزىندىعى – 24 مەتر. ەلٸمٸزدەگٸ ەڭ بيٸك تۋتۇعىر مەن تۋدىڭ بٸرٸ بولىپ ەسەپتەلەدٸ.
بيىل 25 قازان ۇلتتىق مەرەكە رەتٸندە اتالىپ ٶتٸپ جاتىر. مەملەكەت باسشىسى قاسىم-جومارت توقاەۆ بٷگٸنگٸ قۇتتىقتاۋىندا رەسپۋبليكا كٷنٸنٸڭ مەن-ماڭىزىنا توقتالعان بولاتىن.
«بارشاڭىزدى رەسپۋبليكا كٷنٸمەن شىن جٷرەكتەن قۇتتىقتايمىن! قازاقستاننىڭ مەملەكەتتٸك ەگەمەندٸگٸ تۋرالى دەكلاراتسييا قاستەرلٸ تەۋەلسٸزدٸگٸمٸزگە جول اشتى. سوندىقتان بۇل تاريحي قۇجاتتىڭ مەن-ماڭىزى زور. بٸز بيىلدان باستاپ رەسپۋبليكا كٷنٸن ۇلتتىق مەرەكە رەتٸندە جاڭا مازمۇندا اتاپ ٶتەمٸز. وسى باستاما جۇرتتىڭ كەڭ قولداۋىنا يە بولىپ, دەستٷرگە اينالارىنا سەنٸمدٸمٸن. رەسپۋبليكا كٷنٸ – حالقىمىزدىڭ رۋحىن كٶتەرٸپ, ەلدٸگٸمٸزدٸ نىعايتاتىن, بٸرلٸگٸمٸزدٸ بەكەمدەپ, ىنتىماعىمىزدى ارتتىراتىن ايشىقتى مەرەكە. جاڭعىرعان ۇلتتىق مەرەكەمٸزگە وراي ٶڭٸرلەردە بٸرلٸگٸمٸزدٸڭ سيمۆولى – كٶك بايراعىمىزدى كٶتەرۋگە ارنالعان سالتاناتتى رەسٸم ٶتەدٸ. بۇل – ۇرپاق ساناسىندا وتانسٷيگٸشتٸك قاسيەتتٸ, ەلدٸك رۋح پەن ۇلتتىق ۇستانىمدى بەكەمدەي تٷسەتٸن ماڭىزدى شارا. كٶك تۋىمىز – ەگەمەندٸك, ازاتتىق, بٸرلٸك, بەيبٸتشٸلٸك سىندى ٸزگٸ قۇندىلىقتاردى ۇشتاستىراتىن قاستەرلٸ رەمٸز», – دەدٸ قر پرەزيدەنتٸ قاسىم-جومارت توقاەۆ.
2022 جىلى ۇلىتاۋدا ٶتكەن ۇلتتىق قۇرىلتايدىڭ بٸرٸنشٸ وتىرىسىندا قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆ رەسپۋبليكا كٷنٸ مەرتەبەسٸن قايتا قالپىنا كەلتٸرۋدٸ جەنە ونى 25 قازاندا ۇلتتىق مەرەكە رەتٸندە اتاپ ٶتۋدٸ ۇسىندى. رەسپۋبليكا كٷنٸ قازاقستاننىڭ جاڭا تاريحىندا ەلٸمٸزدٸڭ باستى مەرەكەلەرٸنٸڭ بٸرٸ بولىپ قايتا ورالدى.
