فوتو اشىق دەرەككٶزدەن الىندى
رەسپۋبليكا بويىنشا 120-دان استام ٶرت سٶندٸرۋ بەكەتٸ جەتٸسپەيدٸ. بۇل تۋرالى تٶتەنشە جاعدايلار مينيسترٸ يۋريي يلين ٷكٸمەت وتىرىسىنىڭ كۋلۋارىندا ايتتى, دەپ حابارلايدى Azattyq Ruhy سايتى.
“بٸزدە ٶڭٸرلەردە مەملەكەتتٸك ٶرتكە قارسى قىزمەت جەتٸسپەيدٸ. تۇرعىنى 5 مىڭنان استام جەرگٸلٸكتٸ جەرلەردە ٶرتكە قارسى قىزمەت بولۋى كەرەك. رەسپۋبليكا بويىنشا وسىنداي 120-دان استام بٶلٸم جەتٸسپەيدٸ. سوندىقتان ٶرتكە جىلدام ەسەر ەتۋ تۋرالى جيٸ ايتا المايمىز. سەبەبٸ بٸز ٶرت بولعان تٶتەنشە جاعداي ورنىنا ۇزاق ۋاقىت جەتۋٸمٸز كەرەك”, - دەدٸ ول.
مينيستر الاكٶلدٸ مىسالعا الدى.
“الاكٶلدٸ مىسالعا الاتىن بولساق, جەكە مەنشٸك دەمالۋ ورىندارى قاۋٸپسٸزدٸكتٸ ٶزدەرٸ قامتاماسىز ەتۋٸ كەرەك. مەملەكەتتٸك ٶرتكە قارسى قىزمەت ەركٸمنٸڭ ٷيٸندە وتىرا المايدى. مەن ەربٸر تۇرعىن ٷيدٸڭ جانىنا ٶرت سٶندٸرۋشٸ بٶلٸمٸن قويا المايمىن. اتا-اناسى جوق كەزدە ٶرت سٶندٸرۋشٸلەر ولاردىڭ بالالارىنىڭ تەرەزەدەن قۇلاماۋىن, وتقا جاقىنداماۋىن قامتاماسىز ەتە المايدى. ول تەربيە مەدەنيەتٸ مەن مەكتەپكە دەيٸنگٸ بٸلٸمنەن باستالۋى كەرەك”, - دەدٸ يلين.
