Foto ashyq derekkózden alyndy
Respýblika boiynsha 120-dan astam órt sóndirý beketi jetispeidi. Bul týraly Tótenshe jaǵdailar ministri Iýrii Ilin Úkimet otyrysynyń kýlýarynda aitty, dep habarlaidy Azattyq Ruhy saity.
“Bizde óńirlerde memlekettik órtke qarsy qyzmet jetispeidi. Turǵyny 5 myńnan astam jergilikti jerlerde órtke qarsy qyzmet bolýy kerek. Respýblika boiynsha osyndai 120-dan astam bólim jetispeidi. Sondyqtan órtke jyldam áser etý týraly jii aita almaimyz. Sebebi biz órt bolǵan tótenshe jaǵdai ornyna uzaq ýaqyt jetýimiz kerek”, - dedi ol.
Ministr Alakóldi mysalǵa aldy.
“Alakóldi mysalǵa alatyn bolsaq, jeke menshik demalý oryndary qaýipsizdikti ózderi qamtamasyz etýi kerek. Memlekettik órtke qarsy qyzmet árkimniń úiinde otyra almaidy. Men árbir turǵyn úidiń janyna órt sóndirýshi bólimin qoia almaimyn. Ata-anasy joq kezde órt sóndirýshiler olardyń balalarynyń terezeden qulamaýyn, otqa jaqyndamaýyn qamtamasyz ete almaidy. Ol tárbie mádenieti men mektepke deiingi bilimnen bastalýy kerek”, - dedi Ilin.
