فوتو: Respublica پارتيياسى باسپاسٶز قىزمەتٸ
بٷگٸن قازاقستان رەسپۋبليكاسى پارلامەنتٸ مەجٸلٸسٸنٸڭ جالپى وتىرىسىندا جاڭا دەپۋتات انت بەردٸ. مەجٸلٸستەگٸ Respublica پارتيياسى فراكتسيياسى قۇرامىندا رۋسلان بەردەنوۆتٸڭ ٶكٸلەتتٸگٸ مەرزٸمٸنەن بۇرىن توقتاتىلدى. ال بوساعان ماندات پارتييالىق تٸزٸمدە تۇرعان ەكاتەرينا سمولياكوۆاعا بەرٸلدٸ, دەپ حابارلايدى Ult.kz.
ەكاتەرينا سەرگەەۆنا سمولياكوۆا 1987 جىلى 2 تامىزدا دٷنيەگە كەلگەن. ونىڭ «قازاق تٸلٸ مەن ەدەبيەتٸ» ماماندىعى بويىنشا جوعارى بٸلٸمٸ, سونداي-اق قازاقستان-بريتان تەحنيكالىق ۋنيۆەرسيتەتٸندە العان DBA دەرەجەسٸ بار. سمولياكوۆانىڭ بٸلٸم بەرۋ جەنە باسقارۋ سالاسىندا ايتارلىقتاي جۇمىس تەجٸريبەسٸ بار. ول قازاقستان-بريتان تەحنيكالىق ۋنيۆەرسيتەتٸنٸڭ (قبتۋ) پرورەكتورى بولدى, سونداي-اق مانساپ جەنە تٷلەكتەرمەن جۇمىس ورتالىعىن باسقاردى.
2020 جىلدان بەرٸ ول تٷرلٸ قوعامدىق قىزمەتكە بەلسەندٸ قاتىسىپ, KBTU Empowerment ەيەلدەر كلۋبىن باسقارادى جەنە الماتى وبلىستىق №1 بالالار ٷيٸنٸڭ قامقورشىلىق كەڭەسٸنٸڭ تٶرايىمى قىزمەتٸن اتقارادى. بۇل باستامالار ەيەلدەر مەن جاستاردى قولداۋعا جەنە دامىتۋعا باعىتتالعان.
مانداتتى قابىلداعان ەكاتەرينا سمولياكوۆا Respublica پارتيياسىنا ٶزٸنە ارتىلعان سەنٸمٸ ٷشٸن العىسىن بٸلدٸرٸپ, حالىقتىڭ ەل-اۋقاتىن ارتتىرۋ جەنە زاڭ شىعارۋ سالاسىندا جەمٸستٸ ەڭبەك ەتۋگە دايىن ەكەنٸن ايتادى. ول ٶزٸنٸڭ پارلامەنت مەجٸلٸسٸندەگٸ جۇمىسىندا نەگٸزگٸ باسىمدىقتاردى بٸلٸم بەرۋدٸ قولداۋ, ەلەۋمەتتٸك باستامالاردى دامىتۋ, سونداي-اق قوعامداعى ەيەلدەر مەن جاستاردىڭ رٶلٸن كٷشەيتۋ باعىتىندا بولاتىنىن اتاپ ٶتتٸ.
