باتىستىڭ ەكونوميكالىق جەنە قارجى سانكتسييالارىنان تيتىقتاعان رەسەيدەگٸ تۋروپەراتورلار ەل ازاماتتارىنا Visa جەنە Mastercard بانك كارتالارىن رەسٸمدەۋ ٷشٸن ٶزبەكستانعا تۋرپاكەت ۇسىنىپ جاتىر. بۇل جٶنٸندە ازاتتىقتىڭ ٶزبەك قىزمەتٸ حابارلادى.
مەسكەۋ مەن ەكاتەرينبۋرگ قالالارىنداعى تۋروپەراتورلاردى بٸرٸكتٸرگەن رەسەيلٸك Vedi Group تۋريستٸك كومپانيياسى ٶزبەكستانعا ٷش كٷندٸك تۋر اشىلعانىن جارييالادى. وسى تۋردى ساتىپ العان رەسەيلٸكتەر Visa نەمەسە Mastercard بانك كارتالارىن ٶزبەكستاندا رەسٸمدەي الادى. باتىس سانكتسييالارىنا بايلانىستى رەسەي تۇرعىندارى قازٸر اتالعان كارتالاردى پايدالانا الماي جٷر.
Vedi Group كومپانيياسىنىڭ بٸر قىزمەتكەرٸنٸڭ حابارلاۋىنشا, ٶزبەكستاندا مۇنداي كارتالاردى "كاپيتالبانكتە" اشۋعا بولادى, ال بانك ەسەبٸن اشتىرۋ ٷشٸن رەسەيلٸك پاسپورت كٶرسەتسە جەتٸپ جاتىر.
– ساپار 23 مىڭ رۋبل تۇرادى. VISA جەنە Mastercard كارتالارىن اشۋعا قاجەتتٸ قۇجاتتار سونىڭ ٸشٸنە كٸرەدٸ. كارتالار ٶزبەكستاندا "كاپيتالبانكتە" اشىلادى. وندا سٸزدٸ ٶكٸلٸمٸز كٷتٸپ الادى, ول قۇجاتتاردى رەسٸمدەۋگە كٶمەكتەسەدٸ. ول ٷشٸن سٸزدە رەسەيلٸك پاسپورت بولۋى كەرەك. كارتا اشتىرۋ ٷشٸن 80 مىڭ سۋم (شامامەن 7 دوللار) تٶلەيسٸز. كارتانى بٸر ساعاتتا اشىپ بەرەدٸ, – دەدٸ تۋريستٸك كومپانييا قىزمەتكەرٸ.
6 ناۋرىزعا قاراعان تٷنٸ Visa جەنە Mastercard تٶلەم جٷيەلەرٸ رەسەيدەگٸ قىزمەتٸن توقتاتقانىن جارييالادى. بۇعان رەسەيدٸڭ ۋكرايناعا باسىپ كٸرۋٸ سەبەپ بولدى. ەندٸ رەسەيلٸكتەر شەتەلدە جەنە شەتەلدٸڭ ينتەرنەت-دٷكەندەرٸندە بۇل كارتالارمەن تٶلەم جاساي الماي قالدى. ونىڭ ٷستٸنە, Google Pay جەنە Apple Pay سەرۆيستەرٸ دە رەسەيلٸكتەرگە قىزمەت ەتپەيدٸ.
"كاپيتالبانكتٸڭ" تاشكەنتتەگٸ ورتالىق كەڭسەسٸنٸڭ قىزمەتكەرٸ رەسەي ازاماتتارى بانكتەن ەسەپ اشىپ, Visa جەنە Mastercard كارتالارىن رەسٸمدەي الاتىنىن راستادى.
– وسى ماقساتتا ٶزبەكستانعا ارنايى تۋر ۇيىمداستىرىلىپ جاتقانىنان حابارسىزبىز. دەگەنمەن رەسەي ازاماتتارى بٸزدٸڭ بانكتەن ەسەپ اشىپ, Visa جەنە Mastercard كارتالارىن الا الادى دەپ سەنٸممەن ايتا الامىن. بٸراق ول ٷشٸن رەسەيلٸك تٶلقۇجات جەتكٸلٸكسٸز. ٶزبەكستاندا ۋاقىتشا نەمەسە تۇراقتى تٸركەلگەنٸڭٸز تۋرالى انىقتاما دا قاجەت. سونىمەن بٸرگە 80 مىڭ سۋم تٶلەيسٸز. بۇعان قوسا, اي سايىن كليەنتتٸڭ بانك ەسەبٸندە كەم دەگەندە 500 دوللار جاتۋى تيٸس, – دەدٸ "كاپيتالبانك" قىزمەتكەرٸ.
كەيبٸر مەملەكەتتەر, مەسەلەن, گرۋزييا رەزيدەنت ەمەستەرگە ناۋرىز ايىندا ەلدەگٸ بانكتەردەن ەسەپشوت اشۋعا تىيىم سالدى. ال ارمەنيياداعى بانكتەر التى ايعا جالعا العانى تۋرالى كەلٸسٸم-شارت تالاپ ەتەدٸ. رەسەي ازاماتتارى جيٸ باراتىن تٷركييا ەسەپشوت دەپوزيتٸنە 5 مىڭ دوللار سالۋدى تالاپ ەتەدٸ. ٶزبەكستانداعى بانكتەردە وسى تەرٸزدەس شەكتەۋلەر ەنگٸزگەنٸ جٶنٸندە رەسمي مەلٸمەت جوق.
