ميحايل فريدمان.
رەسەيلٸك كەسٸپكەر ميحايل فريدمان ۋكراينانىڭ دەنساۋلىق ساقتاۋ, ازىق-تٷلٸك جەنە ەنەرگەتيكا قاۋٸپسٸزدٸگٸمەن بايلانىستى ينفراقۇرىلىمىن قارجىلاندىرۋعا جەكە ەسەپشوتىنان بٸر ميلليارد دوللار قاراجات ۇسىندى. ول قارجىنى ۋكراينالىق "الفا بانككە" اۋدارۋ قاجەتتٸگٸن ايتتى. امەريكالىق Wall Street Journal باسىلىمىنىڭ جازۋىنشا, كەسٸپكەر وسىلايشا ۇلىبريتانييانىڭ سانكتسيياسىنان قۇتىلعىسى كەلەدٸ, دەپ حابارلايدى ازاتتىق.
ميحايل فريدمان – ۋكراينالىق "الفا-بانك" يەلەرٸنٸڭ بٸرٸ. بٸراق بۇل قارجى ۇيىمىنىڭ رەسەيلٸك "الفا-بانككە" قاتىسى جوق.
بانك ٶكٸلدەرٸ وسىنداي ۇسىنىس جاسالعانىن راستاپ, ۋكراينالىق ورتالىق بانككە جٸبەرٸلگەنٸن ايتتى. بانك ٶكٸلدەرٸنٸڭ سٶزٸنە قاراعاندا, ۇسىنىس ماڭىزدى, سەبەبٸ قاراجات سوعىستان كەيٸن ەلدٸ قالپىنا كەلتٸرۋگە جۇمسالماق.
فريدماننىڭ ٶزٸ WSJ بەرگەن تٷسٸنٸكتەمەسٸندە ەشقانداي شارت قويماعانىن, سانكتسييانى الۋ تۋرالى ۇسىنىس تا ايتپاعانىن جەتكٸزدٸ. ال ۇلىبريتانييا سٸم لوندون سانكتسييادان جالتارۋ ەرەكەتتەرٸن قولدامايدى دەدٸ.
ۇلىبريتانييادان بٶلەك ەۋرووداق تا فريدمانعا سانكتسييا سالعان.
كەسٸپكەر رەسەيدٸڭ ۋكرايناعا باسقىنشىلىعىنا بايلانىستى سانكتسيياعا ٸلٸنگەن. بريتان بيلٸگٸنٸڭ تۇجىرىمداۋىنشا, فريدمان مەن بيزنەس ەرٸپتەسٸ پەتر اۆەن ٸرٸ كەسٸپكەرلەر رەتٸندە پرەزيدەنت ۆلاديمير پۋتينگە ىقپالى ەتەدٸ. فريدمان مۇنى جوققا شىعارادى. ناۋرىزدا سانكتسيياعا ٸلٸنگەننەن كەيٸن ۇلىبريتانييادا تۇراتىن كەسٸپكەر قيىندىققا ۇشىراعانىن, تٸپتٸ تازالاۋشىنىڭ اقىسىن بەرە الماي وتىرعانىن ايتقان.
Forbes فريدماننىڭ بايلىعىن 11,8 ميلليارد دوللارعا باعالايدى.
