رەسەي پارلامەنتٸ جوعارى پالاتاسىنىڭ (فەدەراتسييا كەڭەسٸ) مٷشەسٸ ەدۋارد يساكوۆ ۋكرايناداعى سوعىستى ايىپتاعان قىزى ديانانى "ساتقىن" دەپ اتادى. سەنات دەپۋتاتى تەلەگرام-ارناسىندا قىزىنىڭ "ەكەسٸن, وتباسى مەن وتانىن ساتىپ كەتكەنٸن" جازدى, - دەپ حابارلايدى ازاتتىق.
جازباعا ديانا يساكوۆانىڭ جۇما كٷنٸ BBC-دٸڭ ورىس قىزمەتٸ جەنە "مەدۋزا" باسىلىمىنا بەرگەن سۇحباتى تٷرتكٸ بولعان. وندا دەپۋتاتتىڭ قىزى ۋكرايناداعى سوعىسقا قارسى ەكەنٸن ايتىپ, جۋىردا رەسەيدەن كەتكەنٸن ايتقان.
"قىزىڭ ساتىپ كەتكەن كەزدە اۋزىڭا سٶز تٷسپەي قالادى" دەپ جازدى يساكوۆ. ونىڭ سٶزٸنە قاراعاندا, سەۋٸر ايىندا قىزى سوعىسقا قارسى اكتسييالارعا قاتىسقان. ول قىزىنا "ارنايى سوعىس وپەراتسيياسىنىڭ ماڭىزدىلىعىن تٷسٸندٸرۋگە تىرىسقانمەن" نەتيجە بولماعان.
يساكوۆ قىزىنىڭ بٸرٸنشٸ نەكەدەن تۋعانىن, ٷش جاستان باستاپ تەربيەسٸمەن باسقا ادامداردىڭ اينالىسقانىن ايتتى. دەپۋتاتتىڭ ايتۋىنشا, قىزى پسيحونەۆرولوگييا ديسپانسەرٸندە تٸركەۋدە تۇر, ٶزٸن لگبت ٶكٸلٸ رەتٸندە اتاعان. "ونىمەن تٸلدەسۋ قيىن" دەدٸ. "ونىڭ رەسەيگە قارسى ۇستانىمىن بٸلگەننەن كەيٸن ونىمەن سٶيلەسۋدٸ دوعاردىم, اقشا, باسپانامەن قامتاماسىز ەتپەيمٸن" دەدٸ دەپۋتات.
بۇعان دەيٸن ديانا يساكوۆا BBC اقپارات اگەنتتٸگٸنە بەرگەن سۇحباتىندا ەكەسٸمەن كيكٸلجٸڭگە كەلٸپ قالعانىن, بٸرنەشە رەت سۋيتسيد جاساماق بولعانىن ايتقان. ول مۇنى "قاتاڭ تەربيەنٸڭ سالدارى" دەپ اتادى. ديانا يساكوۆانىڭ ايتۋىنشا, ەكەسٸ ونى "تەربيەلەمەدٸم" دەسە دە, ٶمٸرٸنە كٶپ ىقپال ەتكەن.
ەدۋارد يساكوۆ ۇلىبريتانييا, ەۋرووداق جەنە كانادانىڭ سانكتسييا تٸزٸمٸنە ٸلٸنگەن. ول - سوعىستى بەلسەنە قولداعان ساياساتكەرلەردٸڭ بٸرٸ.
