ەلەۋمەتتٸك جەلٸدە رەسەيلٸك ترانسگەندەر-تيكتوكەردٸڭ الماتىداعى سپورت الاڭىندا بالالاردى بالاعاتتاپ جاتقان ۆيدەوسى پايدا بولدى, - دەپ حابارلايدى "ۇلت اقپارات".
بەينەجازبادا ەر ادام بالالارعا "ٶز ەلٸندە مۇندايلاردى ۇناتپايتىنىن" ايتىپ, بالاعاتتاپ جاتقانى ەستٸلەدٸ. EGOV.PRESS Telegram ارناسىنىڭ جازۋىنشا, ۆيدەونى حيلمي فوكس لاقاپاتىمەن تانىمال شەتەلدەن كەلگەن ترانسگەندەر تٷسٸرگەن.
الماتى پوليتسيياسى وقيعانىڭ مەن-جايىن انىقتاپ جاتقانىن ايتتى. بەينەروليك كەيٸپكەرٸ ەرەكەتٸنە قۇقىقتىق باعا بەرٸلەدٸ.
ايتا كەتەيٸك, حيلمي فوكس 2023 جىلدىڭ قاڭتارىندا رەسەيدە دەستٷرلٸ ەمەس جىنىستىق قاتىناستى ناسيحاتتاعانى تۋرالى باپ بويىنشا قىلمىستىق جاۋاپكەرشٸلٸككە تارتىلىپ, كەيٸن ەلدەن كەتكەن.
