قىرىم كٶپٸرٸنٸڭ قالپىنا كەلتٸرٸلگەن بٶلٸگٸندەگٸ ەكٸجاقتى اۆتوموبيل جولى اشىلعان. بۇل جٶنٸندە ايماقتىق جول باسقارماسى حابارلادى.
8 قازاندا رەسەيدٸڭ كراسنودار ايماعى مەن اننەكسييالانعان قىرىمدى جالعايتىن كٶپٸردٸڭ بٸر بٶلٸگٸندە جارىلىس بولعان. جول جٶندەلٸپ بٸتكەنشە كٶلٸكتەر بٸر عانا جولاقپەن جٷرگەن, ونىڭ ٶزٸندە تەك جەڭٸل كٶلٸكتەر جٸبەرٸلگەن.
رەسەي باق-تارى قالپىنا كەلتٸرٸلگەن كٶپٸرگە ۆلاديمير پۋتين بارعانىن حابارلادى. "روسسييا 24" تەلەارناسى پۋتينٸڭ كٶپٸر ٷستٸندەگٸ كٶلٸك رٶلٸندە وتىرعانىن كٶرسەتكەن. كەيبٸر باق پۋتين رەسەيدە شىققان كٶلٸكتٸ پايدالانباي, نەمٸستٸڭ Mercedes ماركالى كٶلٸگٸنە مٸندٸ دەپ ناقتىلاي تٷسكەن (بۇرىن كرەمل "رەسەي باتىس ٶنٸمدەرٸنسٸز دە ٶمٸر سٷرە بەرەدٸ" دەگەن بولاتىن). پۋتيننٸڭ باسپاسٶز حاتشىسى دميتريي پەسكوۆ ونى "پۋتين ەشكٸمدٸ ەۋرەگە قىلعىسى كەلمەي, سول جەردە تۇرعان Mercedes-كە وتىرا سالدى" دەپ تٷسٸندٸردٸ.
كٶپٸردٸڭ زاقىمدانعان بٶلٸگٸنٸڭ وڭ جاعى عانا جٶندەلگەن. ەكٸنشٸ جولاعى 20 جەلتوقساندا اشىلۋى مٷمكٸن.
ايتا كەتەيٸك, رەسەي تاراپى جارىلىستى ۋكراينا ارناۋلى قىزمەتٸ جاسادى دەپ مەلٸمدەگەن. وسىدان كەيٸن ٸلە-شالا ۋكراينانىڭ ماڭىزدى ەنەرگەتيكا جەلٸسٸنە جاپپاي زىمىران اتۋدى باستاعان.
