قىرىم جاقتان حەرسون وبلىسىنا كٸرٸپ كەلە جاتقان رەسەيلٸك ەسكەريلەر. 24 اقپان 2022 جىل.
رەسەي ەسكەريلەرٸ ۋكراينانىڭ حەرسون وبلىسىنىڭ ەكٸمشٸلٸك عيماراتىن الدى. بۇل تۋرالى حەرسون وبلىستىق ەكٸمشٸلٸگٸنٸڭ تٶراعاسى گەنناديي لاگۋتا مەلٸمدەدٸ, دەپ حابارلايدى ازاتتىق.
بٸراق لاگۋتا وبلىس ەكٸمشٸلٸگٸ مٸندەتتەرٸن ورىنداۋدى ارىقاراي جالعاستىرا بەرەتٸنٸن ايتتى.
"مەن باسقارىپ وتىرعان وبلىستىق جەدەل شتاب وبلىس تۇرعىندارىنىڭ مەسەلەسٸن شەشۋ ٷشٸن جۇمىسىن جالعاستىرىپ جاتىر. گۋمانيتارلىق كٶمەكتٸ كٷتٸپ وتىرمىز" دەپ جازدى ول تەلەگرامم-كانالىندا.
لاگۋتا جەرگٸلٸكتٸ تۇرعىنداردى "الاڭداماۋعا شاقىردى".
"جەدەل شتابتىڭ رەگلامەنتٸنە ساي جۇمىس جالعاسىپ جاتىر" دەدٸ ول.
24 اقپاندا رەسەي پرەزيدەنتٸ پۋتين ەل ەسكەرٸن ۋكرايناعا كٸرگٸزگەن. سودان بەرٸ ۋكراينادا سوعىس جالعاسىپ جاتىر. كرەمل تۇرعىن ٷيلەرگە شابۋىل جاساپ جاتقان جوقپىز دەسە دە, ۋكراينادا كٶپتەگەن تۇرعىن ٷيلەر, مەكتەپتەر, ەسكەري ەمەس عيماراتتار قيراعان. ەكٸ جاقتان دا ادام شىعىنى بار.
ۋكراينا تارابى رەسەيلٸك 9 مىڭ ەسكەري قازا بولعانىن ايتادى.
كەشە, 2 ناۋرىزدا رەسەي قورعانىس بيلٸگٸ ۋكرايناداعى سوعىستا 500-دەي ەسكەرٸنەن ايىرىلعانىن, 1957 ەسكەريٸنٸڭ جارالانعانىن ايتقان. مەسكەۋ ۋكراينا تاراپىنان 2870-تەن اسا ەسكەري قازا بولىپ, 3700-تەن اسا ادام جارالاندى, 572 ادام كەپٸلگە الىندى دەگەن.
سوعىس جاعدايىندا مۇنداي اقپاراتتاردى تەكسەرۋ مٷمكٸن ەمەس.
