رەسەيدٸڭ كراسنويارسك ٶڭٸرٸندەگٸ اۆتوبٶلشەكتەر قويماسىندا ٶرت كەزٸندە جوعالىپ كەتكەن ٷش ٶرت سٶندٸرۋشٸ مەرت بولدى, دەپ حابارلايدى رەسەيلٸك تاسس اگەنتتٸگٸ.
«بولجام بويىنشا, ولاردىڭ ٷستٸنە شاتىر قۇلاپ, قازا تاپقان», - دەدٸ قۇقىق قورعاۋ ورگاندارىنىڭ ٶكٸلٸ.
سونداي-اق, ول وتتەگٸ باللوندارى 40 مينۋتقا ەسەپتەلگەنٸن ايتتى. ال ٶرت سٶندٸرۋشٸلەرمەن بايلانىس بٸر ساعاتتان اسا ۋاقىت بۇرىن ٷزٸلگەن.
رەسەيلٸك باق بۇعان دەيٸن كراسنويارسكٸدەگٸ اۆتوبٶلشەكتەر قويماسىندا بولعان ٶرتتٸ سٶندٸرۋ كەزٸندە ٷش ٶرت سٶندٸرۋشٸمەن بايلانىستىڭ ٷزٸلگەنٸ, ولاردى ٸزدەۋ جالعاسىپ جاتقانىن حابارلادى.
جەدەل قىزمەت ٶكٸلٸنٸڭ سٶزٸنشە, ولار تٷتٸن باسقان عيمارات ٸشٸندە باعىتىن جوعالتىپ العان تەرٸزدٸ.
«بولجام بويىنشا, قويمادا جوعالىپ كەتكەن ادامداردى ٸزدەۋگە بارعان گاز-تٷتٸننەن قورعاۋ قىزمەتٸنٸڭ ٷش قىزمەتكەرٸ عيماراتتى قاتتى تٷتٸن باسىپ, ەشتەڭە كٶرٸنبەي قالعاندىقتان باعىتىن جوعالتىپ العان. سودان كەيٸن ولاردا وتتەگٸ تاۋسىلىپ, عيماراتتىڭ شاتىرى قۇلاپ ٷشەۋٸ دە مەرت بولعان», - دەدٸ دەرەككٶز.
تجم كۋەگەرلەردٸڭ سٶزٸن نەگٸزگە الا وتىرىپ, قويمادا 1-2 ادام بولۋى مٷمكٸن ەكەنٸن ايتتى. ولاردى ٸزدەۋ ٷشٸن گاز-تٷتٸننەن قورعاۋ قىزمەتٸنٸڭ بەس توبى جۇمىلدىرىلعان. بٸرنەشە ۋاقىت ٶتكەن سوڭ ٷش ادامنان قۇرالعان العاشقى توپپەن بايلانىس ٷزٸلدٸ.
رەسەي تجم باس باسقارماسىنىڭ ٶڭٸرلٸك باسشىسى يگور ليسين جۋرناليستەرگە ٶرت سٶندٸرۋ كٷشٸ مەن قۇرالدارىن ارتتىرىپ جاتقانىن مەلٸمدەدٸ.
«قازٸرگٸ ۋاقىتتا تٸلسٸز جاۋدى اۋىزدىقتاۋعا 148 ادام مەن 43 تەحنيكا جۇمىلدىرىلدى», -دەدٸ ول.
