قازاقتىڭ ۇلى اقىنى ەرٸ اعارتۋشىسى ابايدىڭ 175 جىلدىق مەرەيتويىنا وراي 21 اقپاندا تٷمەن وبلىسىنىڭ ەسٸل قالاسىندا قازاق تٸلٸن وقىتاتىن سىنىپ اشىلادى. سىنىپقا اباي ەسٸمٸ بەرٸلمەك, دەپ حابارلايدى "ۇلت اقپارات".
«رەسەيدە, ەسٸرەسە تٷمەن وبلىسىندا تۇرىپ جاتقان قازاقتار ٷشٸن اباي شىعارمالارى مەن مۇراسى ٶتە ماڭىزدى. تٷمەندٸك جاستار ٷلكەندەرگە, ەڭبەككە قۇرمەت كٶرسەتۋ, وتباسى مەن دەستٷرگە قامقورلىقپەن قاراۋ باعىتىندا تەلٸم-تەربيە الىپ جاتىر. بۇعان قوسا, ابايدىڭ ۇلى – ەددٸراحماننىڭ 1886-1889 جىلدارى تٷمەندەگٸ الەكساندروۆسك ۋچيليششەسٸندە بٸلٸم الۋىنىڭ دا بٸزدەر ٷشٸن ماڭىزى ٶتە جوعارى. ول تٷمەنگە 18 جاسىندا كەلگەن. تٸپتٸ ابايدىڭ ٶزٸ دە قالامىزعا, بالاسىنا كەلٸپ-كەتۋٸ مٷمكٸن. قازٸر مۇراعات ماتەريالدارىن زەردەلەپ جاتىرمىز», - دەدٸ رەسەيدٸڭ تٷمەن وبلىستىق قازاقتاردىڭ ۇلتتىق-مەدەني اۆتونوميياسىنىڭ تٶراعاسى ەسەنعالي يبراەۆ.
ونىڭ اتاپ ٶتۋٸنشە, بيىل تٷمەن وبلىستىق قازاقتاردىڭ ۇلتتىق-مەدەني اۆتونوميياسى ٶتكٸزەتٸن بارلىق ٸرٸ شارالار ابايدىڭ 175 جىلدىق مەرەيتويىنا ارنالاتىن بولادى.
«تٷمەن وبلىسىندا ابايدىڭ 175 جىلدىق مەرەيتويى اياسىندا قازاق مەدەني كٷندەرٸ, تٷمەن وبلىسى قازاقتارىنىڭ قۇرىلتايى, قازاق شىعارماشىلىعىنا ارنالعان «جاس ۇرپاق» ٸٸ وبلىستىق بالالار فەستيۆال-كونكۋرسى ٶتكٸزٸلەدٸ. سونىمەن قاتار ۇلى اقىننىڭ شىعارمالارى مەن مۇراسىن ناسيحاتتاۋعا ارنالعان «اباي وقۋلارى» ۇيىمداستىرىلادى. ال 2020 جىلدىڭ 21 اقپانىندا, حالىقارالىق انا تٸلٸ كٷنٸندە ابايدىڭ 175 جىلدىق مەرەيتويىنىڭ قۇرمەتٸنە وراي تٷمەن وبلىسىنىڭ ەسٸل قالاسىندا قازاق تٸلٸن وقىتاتىن سىنىپ اشۋدى جوسپارلاپ وتىرمىز. سىنىپ قازاقتىڭ ۇلى اقىنى ەرٸ اعارتۋشىسى اباي ەسٸمٸمەن اتالاتىن بولادى», - دەدٸ ە. يبراەۆ.
ول تٷمەن وبلىستىق قازاقتاردىڭ ۇلتتىق-مەدەني اۆتونوميياسى ٶڭٸردە بۇعان دەيٸن دە وقۋشىلار مەن جاستارعا انا تٸلدەرٸن وقىتاتىن سىنىپتاردى ۇيىمداستىرعاندىعىن ايتتى.
«بۇل تٷمەن وبلىسىندا اشىلعان تٶرتٸنشٸ سىنىپ بولماق. سىنىپتار تٷمەن وبلىستىق قازاقتاردىڭ ۇلتتىق-مەدەني اۆتونوميياسى باستاماسىمەن جەنە تٷمەن وبلىستىق ٷكٸمەتٸنٸڭ, جەرگٸلٸكتٸ اتقارۋشى ورگانداردىڭ قولداۋىمەن قۇرىلىپ جاتىر. الداعى مٸندەت - بالالاردى انا تٸلدەرٸندە سٶيلەۋگە جەنە جازۋعا عانا ٷيرەتٸپ قويماي, تۋعان حالقىنىڭ, ونىڭ ۇلى تۇلعالارىنىڭ تاريحىمەن تانىستىرۋ», - دەدٸ ە.يبراەۆ.
